Eclesiastés 9:16 - Bible in Tzeltal de Oxchuc y Tenejapa

¹⁶ Pero jo'on ya cal ta jamal, ja' cajal sc'oplal te jp'ijiltique, ma ja'uc te quiptique. Ja'uc me to ma x'ich'ot ta muc' te p'ijil c'op yu'un te winique te ma'yuc bi ay yu'une, soc ma'yuc mach'a ya yaiybey te bila ya yal te me'ba winique.

Bible in Tzeltal Bachajón

¹⁶ Ha yu'un hich la jcal: Ha lec xan te p'ijil-o'tanil te bin ut'il te yipe, aunque p'ajbil te sp'ijil yo'tan te pobre winic soc ma x'ich'ot ta cuenta te sc'ope.

Eclesiastés 9:16 Referans Kwoze

Eclesiastés 7:19

Te mach'a ay sp'ijile, ya x'ac'bot bayal yip yu'un te p'ijil-o'tanile. Ma ja'uc bayal yip ya xc'ot yu'un jpam lum, teme ay lajuntul te ajwaliletic yu'une.

Proverbios 24:5

Ja' bayal sc'oplal te ants-winic te ay sp'ijile; ma ja'uc bayal sc'oplal te mach'a ay yipe. Ja' cajal sc'oplal te sp'ijil sjole; ma ja'uc bayal sc'oplal te ipe.

Proverbios 21:22

Te mach'a ay sp'ijile ya xju' ya yac'bey guerra te jpam lum te buen scanantayej sbae, ya me slajinbey te yip te yich'oj sba ta muc' soque.

Eclesiastés 9:18

Ja' bayal ya xtuun te p'ijil c'ope, ma ja'uc ya xtuun te at'ejibaletic yu'un guerra. Manchuc me jtul nax te mach'a ya sta falta, jc'axel bayal bila ya xjin yu'un.

Proverbios 10:15

Te jcoltaywanej yu'un te jc'ulej, ja' te sc'ulejale; te bit'il ay swocol stuquel te me'ba, ja' te ma'yuc bi ay yu'une.

Proverbios 8:14

Jo'on ay ta jwenta te bila lec ya yich' chapele, jo'on ya cac' c'otuc ta pasel, jo'on te chajbajibalon soc te ay quipe.

Eclesiastés 7:12

Melel te p'ijil-o'tanil ya xcoltaywan, ja' nix jich ya xcoltaywan te bit'il te taq'uine, pero te p'ijil-o'tanil ja' mero ya xju' yu'un ya yac'bey xcuxlejal te mach'a ya xch'uun tojtesel yu'une.

Eclesiastés 10:10

Teme ya xlaj ye te yecheje, teme ma ba ya sjuxe, mero tulan ya sc'anix jimel. Te bitic ya yich' pasel, ja' lec teme buen lec ya yich' pasele, soc ja' lec teme soc p'ijilil ya yich' pasele.