Eclesiastés 9:11 - Bible in Tzeltal de Oxchuc y Tenejapa

¹¹ Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Bible in Tzeltal Bachajón

¹¹ Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Eclesiastés 9:11 Referans Kwoze

Jeremías 9:23

Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Eclesiastés 3:17

Ja' yu'un te ya cale, te Dios ya xchajbanot yu'un te mach'a lec yo'tane, soc Dios ya xchajbanot yu'un te mach'a amen yo'tane. Melel ay yorail yu'un spisil te bitic ya xchicnaje, soc ay yorail yu'un te bitic ya xc'ot ta pasele.

Eclesiastés 3:14

Spisil te bitic spasoj te Diose, jna'oj te stalel aye. Ma'yuc bi pasel xan ya sc'an, soc ma'yuc bi loq'uesel ya sc'an. Dios jich la spas, swenta yu'un c'alal ya yilic te ants-winiquetique, ya xch'uunic.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

2 Crónicas 20:15

jich la yal: —Aiybon awaiyic jc'op te yajwalex Judá soc Jerusalén, soc te ja'at muc' ajwalil Josafat. Te Cajwaltic ya yalbeyex: “Ma me xiw awo'tanic, soc ni ma me xnijc' awo'tanic ta stojol te bayal soldadoetic, melel te guerra ma ja'uc awu'unic te ja'exe, ja' me cu'un jtuquel te Dioson awu'unique.

Deuteronomio 8:18

Ya me sc'an ya ana'ic te Cajwaltic te Dios cu'untic, melel ja' nix stuquel te yac'ojbeyex awipic ta stael, swenta yu'un jich ya xc'ot ta pasel yu'un a te bila trato chapale, te ja' xchapoj soc te antiguo jme'-jtatique.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Jeremías 46:6

Ma xju' yu'unic anel te mach'atic ya x'animajique; ma xju' scoltay sbaic loq'uel te mach'atic tulanique. Ta norte, ta sts'eel muc'ja' Éufrates, ja' nix la sc'ojch'in sbaic, jich yalic.

Eclesiastés 7:13

Tsajtaya awil ta lec te bila spasoj te Diose: ¿Mach'a ya xju' yu'un ya stojtes te bila ts'otol pasbil yu'un te Diose?

Eclesiastés 4:1

Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Eclesiastés 2:12

Ta patil jajch' jnop ta co'tan te sc'oplal te p'ijil-o'tanile, te bitic ma lecuc, soc te bol-o'tanile. ¿Bi yan ya spas te mach'a ya x'och ta ajwalil te c'alal ya xlajone? Ja' ni me ya spas te bitic la yich'ix pasel ta namey tele.

Job 34:29

Pero teme ma xc'opoj yu'un te Diose, ¿mach'a ya xju' yu'un ya yalbey smul te j'uts'inwaneje? Teme ya snac' yelaw te Diose, ¿mach'a ya yilbey te smule? Ja' stuquel ya yil lumetic soc juju-jtul ants-winiquetic,

2 Samuel 17:14

Te Absalón soc ta spisil te israeletic, ja' lec la yaiyic te bi la yal te Husai, ja' ma ba lec c'ot te bi la yal te Ahitofel. (Melel te Cajwaltic chapalix yu'un a te ya yich' jowejtesel te bi melel yalojix a te Ahitofel, swenta yu'un ja' me ya xc'ot ta swenta te Absalón te bi amene.)

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

1 Samuel 17:50

Jich la stsal te filisteo te David; ja' nax soc sjimoch' soc jp'ij ton la yejch'entes swenta lajel. Te bit'il ma'yuc yich'oj puñal stuquel te David,

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

2 Samuel 17:23

Te Ahitofel c'alal la yil te ma ba la yich' ch'uunel te bila la yale, la xchajban sburro, bajt' ta sna ta slumal ta banti ainem. C'alal laj yo'tan ta sc'oponel te mach'atic ay yu'une, la sut' snuc', la sjojc'an sba, jich laj. C'ot ta muquel ta banti mucul te state.

Deuteronomio 8:17

“Ma me ayuc ya xtal ta awo'tanic te jich ya awalique: “Te jc'ulejaltique, jo'otic ju' cu'untic ta swenta quiptic”, ma me xauquex.

1 Samuel 6:9

Pero ac'a asitic ta yilel. Teme toj ya xbajt' ta ch'in lum Bet-semes te wacaxetic soc te carreta, te banti slumal te cajone, yu'un ni me ja' a te Dios yu'un Israel te yac yac'bel bayal jwocoltique. Yan teme ma teyuc ya xbajt'ic a, yu'un ma ja'uc te yac yac'bel tulan castigo ta jtojoltic, yu'unix jich nax talem a te wocol julem ta jtojoltique —xiic.

Salmos 76:5

Te mach'atic mero ma xiwique, la yich'ic pojbeyel spisil te sbiluquic ta guerra; te mach'atic tulan la yac' sbaic, ma'yuc bi ju' yu'unic spasel; wayic swenta slajibal buelta.

Proverbios 1:5

Te mach'a ay sp'ijile, ya me xc'ot ta yo'tan. Jich me ya yich' xan sp'ijil yo'tan soc ay me bi ya sna' xan yu'un:

Eclesiastés 9:2

Melel pajal yacalic ta maliyel yu'un lajel ta spisilic, manchuc me tojic o ma tojuque; manchuc me lec o ma lecuc; manchuc me lecubtesbil o ma lecubtesbiluque; manchuc me ya yac' milbil majt'anil, o ma ba ya yaq'ue; ja' nix jich te mach'a ma'yuc smule, o ja' te mach'a ay smule; te ay bi jc'axel xchapoje, o ja' te mach'a ma'yuc bi jc'axel xchapoje.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Jeremías 48:14

“Ma me xyal te Moab: “Jo'otic tulanotic, ay quiptic yu'un guerra”, ma me xiuc.