Eclesiastés 8:7 - Bible in Tzeltal de Oxchuc y Tenejapa

⁷ ja' te ma xju' yu'un sna'el bi ora ay bi ya xc'ot ta pasele, soc ma'yuc mach'a ya xju' ya x'albot yu'un.

Bible in Tzeltal Bachajón

⁷ ha te ma sna' bin ya xc'oht ta pasel; soc te bin ora ya xc'oht ta pasel ¿mach'a ya xhu' ya yalbe?

Eclesiastés 8:7 Referans Kwoze

Eclesiastés 10:14

Te mach'a ma sna' q'uinale, ma wocoluc ya xwejt' yu'un te bi ya yale. ¿Mach'a ya xju' yu'un yalel te bila ya to xc'ot ta pasele? Melel ma'yuc mach'a ya xju' yu'un sna'el te bila ya xtal ta patil baele.

San Mateo 24:50

Jich te yajwale ya me xtal ta bi c'aalil soc ta bi ora te ch'ayem stsa ta maliywanej a te abate.

Eclesiastés 9:12

Soc yan xan, ma'yuc mach'a sna'oj te bi c'aalil ya xc'ot yorail; jich c'oem te bit'il chayetic macal ya xjil ta stsacjibal, jich te bit'il ja'mal mut ya x'och ta pejts'e. Ja' nix jich te ants-winique, xujt' ma'yuc bi ya sna' a; c'alal ya yil julix tel yorail wocol ta stojol.

Proverbios 24:22

Melel ma me wocoluc ya xtal te slajibique, soc ma'yuc mach'a sna'oj te bila castigoil ya x'ac'botic yu'un te Diose, soc te castigo ya x'ac'botic yu'un te muc' ajwalile.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.

Eclesiastés 6:12

Ta mero melel, ma'yuc mach'a ya sna' bila lec ta stojol te ants-winic te jayeb c'aal ajtaybil te xcuxlejal te tojol c'oeme. Te jayeb c'aal ac'bil xcuxlejale, jich me ya xc'ax te bit'il axinale. ¿Mach'a ya x'albot yaiy yu'un te bila ya xc'ot ta pasel ta balumilal te c'alal lajemixe?

Eclesiastés 3:22

La jna'beyix swentail ta lec, te ma'yuc bi mero t'ujbil ta mulanel te ya yaiybey yutsilal te winique, ja' nax te ya stuuntes te yat'ele. Ja' nax yu'un abi, melel ma'yuc mach'a ya xbajt'ic ta iq'uel tel yu'un, te ya xtal yil xan te bi ya xc'ot ta pasel te c'alal lajemixe.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Eclesiastés 7:14

Teme bi ora buen lec ayat ya awaiye, aiybeya me yutsilal awaiy; pero teme bi ora ma lecuc ayat ya awaiye, ya me sc'an ya anop awaiy. Melel ta xchebal talem ta stojol Dios, soc te ants-winique ma ba ya sna' te bila ya xc'ot ta swenta ta patile.

Ester 5:12

Soc la yal xan: —Jo'on nax te ic'bilon yu'un te antsil-ajwalil Ester ta we'el, swenta q'uin te la xchajbanbey te muc' ajwalil te naxe. Soc la xcha'ic'on xan ta we'el swenta pajel, te chapal xan te ya yac'bey xan te muc' ajwalile.

Proverbios 27:1

Ma me xatoy aba ta swenta pajel; melel ma x'ana' te bi ya xc'ot ta pasel te pajele.

Eclesiastés 9:1

Ta mero melel la cac' co'tan ta sna'el spisil; pero ja' nax la jta te ay ta sc'ab Dios te yat'el te mach'atic lequic soc te ay sp'ijilique. Ma ba sna'oj ni jtuluc te ants-winiquetic te bit'il ay sc'oplal te c'uxtaywaneje, ni ja'uc te ilaywaneje, manchuc me ay ta sitic.