Eclesiastés 8:5 - Bible in Tzeltal de Oxchuc y Tenejapa

⁵ Te mach'a ya sc'otes ta pasel te mandalile, ma me ayuc bi amen ya xc'ot ta swenta stuquel. Te mach'a ay sp'ijile, ya sna' bi ora soc bi ya yut ya yac' c'otuc ta pasel stuquel.

Bible in Tzeltal Bachajón

⁵ Te mach'a ya sch'uhun spasel te smandar mayuc bin chopol ya xc'oht ta scuenta; soc te mach'a ay sp'ijil yo'tan ya sna' bin ora soc bin ya yut ya yac' c'ohtuc ta pasel stuquel.

Eclesiastés 8:5 Referans Kwoze

Hebreos 5:14

Yan te tulan we'elile, ja' ya stuuntesic te mach'atic muc'ul ants-winique. Melel te mach'atic jich c'oemique, p'ijubeniquix ta sna'el te bila leque soc te bila ma lecuque.

Hechos 4:19

Te Pedro te Juane jich la yalbeyic te tsobleje: —Te ja'exe nopa awaiyic teme lec ta stojol Dios te ja' ya jch'uuntic te bila ya awalique, o ja' ya jch'uuntic te bila ya yal te Diose.

San Lucas 20:25

Jesús la yalbey yaiyic: —Te bila ja' yu'un te Cesare, ac'beya te Cesar, soc te bila ja' yu'un te Diose, ac'beya te Diose —xi' te Jesuse.

1 Crónicas 12:32

Te sts'umbal Isacar: ay talic lajunwinic (200) jtsobwanejetic te swentainejic spisil te sts'umbalique. Ja'ic te ya sna'ic stsajtayel ta lec te bila ya sc'an ya spasic te israeletique.

Hechos 5:29

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

Oseas 5:11

Efraín tenbil ta uts'inel, ma'yuc ta wenta c'ot stuquel, yu'un la yat'elin xch'uunel lotil diosetic.

Eclesiastés 10:2

Te mach'a ay sp'ijile, ja' ya xtal ta yo'tan te bila leque; pero te mach'a ma sna' q'uinale, ja' ya xtal ta yo'tan te bila amen.

Eclesiastés 8:2

Ch'uunbeya me spasel te smandal te muc' ajwalile, melel jich me awaloj ta jamal ta stojol Dios.

Eclesiastés 2:14

Te mach'a ay sp'ijile, buen lec ya stuuntes te site; yan te mach'a ma sna' q'uinal yac ta beel ta ijc' q'uinal stuquel. Pero la jna' te pajal spisil, melel te bila ya xc'ot ta stojolique, ja' nix ya xc'ot ta jwenta uuc.

Proverbios 17:24

Te p'ijil c'ope, ja' me ya stojlin te mach'a ay sp'ijile, yan te mach'a ma sna' q'uinale, ma junuc nax bila baem ta yo'tan stuquel.

Éxodo 1:17

Ja'uc me to, te jtam-alaletic la xi'ic te Diose. Jich ma ba la spasic te bila mandal la yal te ajwalil ta Egipto, la yac' cuxinuc te ch'in queremetique.

Colosenses 1:9

Ja' swentail te jajch' jc'oponbeyex Dios te bi c'aalil la caiytic stojole. Xujt' ma jcom jbatic ta sc'anel ta stojol Dios te yacuc yac'beyex ana'ic ta lec te sc'anjel yo'tane, soc te yacuc yac'beyex ana'ic stojol spisil ta jchajp te bila ya xju' ta na'el stojol awu'unique, soc te yacuc yac'beyex sp'ijil awo'tanic ta swenta te Espiritue.

Salmos 119:6

Jich ma jta q'uexlal ta atojol teme spisil co'tan cat'elinej xch'uunel te mandaliletic awu'une.

Proverbios 12:21

Te mach'a toj yo'tan, ma xc'ax swocol yu'un te bila ma lecuque; yan te mach'a amen yo'tane, spisil ya x'ac'bot ta swenta.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.