Eclesiastés 8:4 - Bible in Tzeltal de Oxchuc y Tenejapa

⁴ Te sc'op muc' ajwalil, ja' slajibal ya spas mandal stuquel, ma'yuc mach'a ya x'ich'bot ta wenta te yat'ele.

Bible in Tzeltal Bachajón

⁴ Ha toyol te sc'op te ajwalile, mayuc mach'a ya xhu' ya yalbe: ¿Bin yac apas? te xchihe.

Eclesiastés 8:4 Referans Kwoze

Job 9:12

Teme ay bi ya yu'unine, ¿mach'a ya xju' ya xc'opoj yu'un? ¿Mach'a a te ya xju' yu'un ya yalbey: “¿Bila ya apas?” teme ya yute?

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

Romanos 9:20

Ja'at te ants-winicate, ¿mach'a ya acuy aba a te ya asujt'esbey sc'op te Diose? ¿Ya bal x'albot te jpac'jom yu'un te vaso te pasbil ta ajch'ale: “¿Bistuc jich la apason?”, xi' bal?

Proverbios 20:2

Te sc'ajc'al yo'tan te muc' ajwalil, jich c'oem te bit'il león-choj te yac ta aw; te mach'a ya yac' ilinuc, yu'un nix ya xlaj a.

Proverbios 19:12

Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Proverbios 30:31

ja' te stat tentsun, ja' te toyba tatmut, soc ja' te muc' ajwalil te ya yic' ta beel te soldadoetic yu'une.

1 Reyes 2:46

Patil te muc' ajwalil la spas ta mandal te Benaía snich'an Joiada. Loc' bael te Benaía, ba smil te Simei. Jich la yich' xan yip ta mandalteswanej te Salomone.

1 Reyes 2:25

Ora nax la yalbey mandal te Benaía snich'an Joiada te ya xba smil te Adonías. Jich bajt', c'o smil te Adonías.

Éxodo 1:18

Te muc' ajwalil yu'un Egipto la sticun ta iq'uel te jtam-alaletique, jich la yalbey: —¿Bistuc la awac' cuxinuc te alal-queremetique? —xi'. La sjac' te antsetique:

2 Samuel 24:4

Pero te smandal te David ja' ich'bil ta muc' c'ot, ja' ma'yuc ta wenta c'ot te bi la yal te Joab soc te jtsobwanejetic yu'un te soldadoetique. Jich puersa bajt'ic ta spasel te censo yu'un te lum Israel.

1 Reyes 1:30

Te bila jc'axel la calbat ta swenta te Cajwaltic te Dios yu'un Israel, ya me cac' c'otuc ta pasel yo'tic: Te awal Salomón ja' me ya xmo ta muc'ul nactijibal ta swenta jelol. Ja' me ya x'och ta muc' ajwalil te c'alal ya xlajon —xi'.

Esdras 6:13

Te ajwalil yu'un te q'uinal ay ta stojol smalib c'aal yu'un muc'ja' Eufrates, Tatnai sbiil, soc te Setar-boznai soc te sjo'taque, ts'acal la yaq'uic c'otuc ta pasel te bila ts'ibubil yu'un ta mandal la yal te muc' ajwalil Darío.