Eclesiastés 8:16 - Bible in Tzeltal de Oxchuc y Tenejapa

^16-17 Te c'alal la cac' co'tan ta snopel soc ta sna'el, soc ta stsajtayel ta lec spisil te bitic yac ta pasel ta balumilale, tey la jna'bey swentail a te ma xc'ot ta yo'tan ni jtuluc winic te bi ya spas te Diose, soc ni ja'uc te yac ta chicnajel ta balumilale. Te jo'one mero la cac' puersa ta sleel sujt'ib, asta ma ba och jwayel yu'un, pero ma ba la jtabey te sujt'ibe. Manchuc me ya yal te mach'a ay sp'ijile te ya sna'e, pero ta mero melel ma ba staoj.

Bible in Tzeltal Bachajón

¹⁶ Hich la jcac' co'tan ta sna'el te p'ijil-o'tanil soc ta stsahtayel te bintic yac ta pasel ta bahlumilal, (yu'un ay mach'a ma ba ya xway c'ahc'al ahc'abal);

Eclesiastés 8:16 Referans Kwoze

Eclesiastés 2:23

Te jayeb c'aal cuxule, c'ux obol sba, ay swocol yu'un yijc'ats c'oem. Ni ja'uc ya xcux yo'tan a te sjol ta ajc'ubale. Pero mero tojol ta jyalel.

Eclesiastés 1:13

Soc sp'ijil co'tan la cat'elin yilel soc snopel spisil te bitic ya yich' pasel ta balumilal. Ja' jich ay te bit'il Dios yac'ojbey yijc'ats te winiquetic, swenta yu'un ya yac' bic'tajuc ta stojol.

Salmos 127:2

Tojol ya awac' awocolic te spisil ora sjunal c'aal ya x'at'ejex, c'ux obol abaic ya ata awe'ic jpejch' waj, melel wayajtic a ya x'ac'botic yu'un Dios te mach'atic c'ux ta yo'tane.

Eclesiastés 8:9

Spisil la quil te c'alal mero la cac' co'tan ta sna'el te bitic yac ta pasel ta balumilale, soc la quil te ay yip te winic ta yuts'inel te sjoy ta winiquile.

Eclesiastés 8:7

ja' te ma xju' yu'un sna'el bi ora ay bi ya xc'ot ta pasele, soc ma'yuc mach'a ya xju' ya x'albot yu'un.

Eclesiastés 7:25

Och cat'elin sleel ta sna'el, ochon ta snopel, ta sleel bi p'ijil c'op ya jta xan. C'ot ta co'tan te mero ma lecuc te bol-o'tanile, soc te jowil jol te mero amen ya cac' jbajtique.

Eclesiastés 5:12

Te mach'a ya x'at'eje, manchuc me bayal ya xwe' o ma'yuc bayal ya xwe', pero jun me yo'tan ya xway spisil ora stuquel. Yan stuquel te jc'uleje, ma x'ac'ot ta wayel yu'un stuquel te sc'ulejale.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Génesis 31:40

Ta c'aaleltic lajon ta c'aal, ta ajc'ubal lajon ta sic, ay ma wayon ta ajc'ubal.

Eclesiastés 1:14

Ju' cu'un sna'el ta lec spisil bitic ya yich' pasel ta balumilal, mero tojol ta jyalel, ja' pajal soc te ya jc'antic ya jtsactic te iq'ue.