Eclesiastés 8:10 - Bible in Tzeltal de Oxchuc y Tenejapa

¹⁰ Soc quiloj te ay ants-winic te amen yo'tane, te c'ubul la yac' sbaic ta stojol te ch'ul templo, pero te c'alal laje, bayal yutsil sc'oplal yu'unic la smuquic. Ta lum te banti la spas te bila amene, ma'yuc mach'a ya sna'ix te bila la spase. Ja' me te ma'yuc swentaile,

Bible in Tzeltal Bachajón

¹⁰ Ha nix hich quiloj te mach'atic chopolic, te ma ba ya xbahtic ta ch'ul awilal, c'alal la yich'ic muquel halbot lec sc'oblalic; soc ta pueblo banti la spasic te bintic chopol ma'yuc mach'a la sna'ix bin la spasique. Ha nix hich tojol nax.

Eclesiastés 8:10 Referans Kwoze

Eclesiastés 9:5

Yan te mach'atic cuxulique, ya sna'ic te puersa quechel ya xlajique. Pero te mach'atic lajemiquixe, ma'yuc bi sna'ojic, soc ni ayuc bila ya staic, melel jc'axel ch'aybiliquix ta o'tanil.

Eclesiastés 2:16

Melel ta patil ma'yuc bi ora ya xna'otix te mach'a ay sp'ijile, ja' nix jich ma'yuc mach'a ya xna'otix yu'un uuc te mach'a ma sna' q'uinale. Teme c'ax bael te c'aale, spisil ya xch'ay ta o'tanil. Te mach'a ay sp'ijile ya xlaj, ja' nix jich ya xlaj te mach'a ma sna' q'uinale. Pajal ya xch'ayic bael ta q'uinal”, xoon.

Proverbios 10:7

Te mach'a toj yo'tan, ya yich' na'el ta puro bendición; yan te mach'a amen yo'tane, ora nax ya xch'ayot ta o'tanil stuquel.

Hebreos 10:38

Te mach'a toj ya x'ilot yu'un Dios, ya me xcuxin ta swenta xch'uunjel yo'tane. Yan teme ya sujt' ta spate, ma ba lec co'tan yu'un”, te xie.

Hechos 6:13

La stec'anic te jlotil-testigoetique. Jich la yalic: —Ja' in winic to, ma scom sba ta sbolc'optayel in ch'ul templo to soc te mandalile.

San Lucas 16:22

“Ja'uc me to, laj te winic te ay yo'bolil sbae. La yich' iq'uel bael yu'un ch'ul abatetic te ba yac'bey sjoin sba soc te Abrahame. Soc laj uuc te jc'ulej-winique. La yich' muquel te sbaq'uetale.

Jeremías 17:13

Cajwal, ja' smuc'ulat yo'tan te Israel; spisilic te mach'a ya yijq'uitayat ta yo'tanique ya xjilic ta q'uexlal. Spisil te mach'a c'ubul ya yac' sba soc yo'tan ta atojole, ya xch'ay ta jc'axel, jichuc biilil te ts'ibubil ta ts'ubil lum. Ya xch'ay, ta scaj te ya yijq'uitayate, ja'at te sloq'uibja' te siquet nax awa'lel c'oeme.

Eclesiastés 1:11

Te bitic c'axemiquix ch'ayemiquix ta o'tanil; te bitic ya to xc'ot ta pasel ja' ni me jich ya xch'ayic ta o'tanil; ja' nix jich te bitic ya to xchicnaje, ya me xch'ayic xan bael ta o'tanil.

Salmos 31:12

Ch'ayemon ta yo'tanic ta jc'axel, jich c'oem te bit'il lajemonixe. Jich c'oemon te bit'il oxom te ts'ubiltic a bajt' ta wuyele.

Job 21:18

¿Ay bal bi ora ya yich'ic puquel bael jichuc taquin ac yu'un yip te sutu-iq'ue?

Eclesiastés 9:15

Ta bay te ch'in jpam lume, ay nainem jtul winic buen me'ba, pero bayal sp'ijil. Ya xju' yu'un ya scoltay ta swenta sp'ijil te lume, pero ma'yuc mach'a ya xna'ot yu'un te me'ba winique.