Eclesiastés 7:7 - Bible in Tzeltal de Oxchuc y Tenejapa

⁷ Te uts'inel ya sjinbey sjol te mach'a ay sp'ijile; te mach'a ya yich' taq'uin yu'un ma tojuc ya xchajbanwan, ya xbolob stalel yu'un.

Bible in Tzeltal Bachajón

⁷ Te uts'inel ya sjimbe sjol te mach'a ay sp'ijil yo'tan; soc te aq'uel taq'uin yu'un chahpanel ya sjin o'tanil.

Eclesiastés 7:7 Referans Kwoze

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Éxodo 23:8

“Ma me xach'uun stsaquel taq'uin ta swenta xchajbanel aiyej, ya me xc'atp'ujat ta ma'sit yu'un c'oem. Jich ya xch'ay c'uxtayel ta swenta te mach'a toj yat'ele.

Proverbios 17:23

Te mach'a amen yo'tan ya xch'uun yich'el smajt'an taq'uin ta muquen yu'un sboltesel te tojil chajbanele.

Isaías 1:23

Toybaetic te ajwaliletic awu'unique, ja' sjoy sbaic soc te j'eleq'uetique. Spisilic ya spasic chajbanwanej ta puro taq'uin, ya sleic te yacuc ac'botuc majt'aniletique. Ma ba lec ya xchajbanic te me'ba alaletique, ni ma'yuc sc'oplal ta yo'tanic te bitic ay ta swentaic te me'ba antsetique.

Eclesiastés 4:1

Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Proverbios 17:8

Te mach'a spisil ora ya yac' majt'anil taq'uin, jich ya scuy sba te ay bi ya xju' yu'un ta sc'ope; melel ay bi ya xloc' yu'un a te bayuc ya xbajt'e.

1 Samuel 8:3

Pero te snich'nab ma jichuc lec yat'elic te bit'il statique. Bayal bic'taj yo'tanic yu'un c'ulejalil soc yantic majt'aniletic, ma ja'uc la spasic te bi stojil ta pasele.

Deuteronomio 28:65

Te jayeb c'aal ya xcuxinat ta bay te nacionetique, ayat me ta mel-o'tan soc ma me ayuc cux-o'tan ta atojol, melel te Cajwaltic ya me yac'bat xiwel spisil ora, ay me mel-o'tan ta asit-awelaw soc bayal yo'bolil aba.

Isaías 33:15

Te mach'a toj ya yac' sba soc te smelelil ya xc'opoje, te mach'a ma xyac' sba ta c'ulejal ta xiwteswanej soc yip, soc te ma xyac' sba ta chonel ta scaj majt'aniletic, teme ma xch'uun spasel te ya x'albot sc'oplal te bitic amen ta pasele, soc te ya smuts' sit swenta yu'un ma xyil te bila amene,

1 Samuel 12:3

Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Eclesiastés 8:9

Spisil la quil te c'alal mero la cac' co'tan ta sna'el te bitic yac ta pasel ta balumilale, soc la quil te ay yip te winic ta yuts'inel te sjoy ta winiquile.

1 Samuel 21:14

Ja' yu'un te Aquis la yalbey te abatetic yu'une: —Teme sjoquem sjol la awilic te winique, ¿bistuc la awic'bonic tel?