Eclesiastés 7:5 - Bible in Tzeltal de Oxchuc y Tenejapa

⁵ Ja' bayal yutsil te ya quich'tic comel yu'un te mach'a ay sp'ijile; ma ja'uc lec teme buen lec jc'oplaltic yu'un te mach'atic ma sna'ic q'uinal.

Bible in Tzeltal Bachajón

⁵ Ha lec xan a te yac awa'iy te tsitsel yu'un te mach'a ay sp'ijil yo'tan, te bin ut'il yac awa'iybe te c'ayoj yu'un te mach'a ma sna' q'uinale.

Eclesiastés 7:5 Referans Kwoze

Salmos 141:5

Te castigo ya yac'bon te mach'a toj yo'tan, swenta me jc'uxtayel ya xc'ot te tojtesel ta jtojole, pajal soc t'ujbil perfume. Ma'yuc bi ora ya jc'an ich'el ta muc' yu'unic, pero ya me cac' puersa ta sc'oponel te Diose.

Apocalipsis 3:19

Te jo'one ya jp'ijubtes soc ya jtac'uy spisil te mach'a c'ux ya caiy ta co'tane. Junajuc me awo'tan ta jtojol, sujt'esa me awo'tan.

Proverbios 13:18

Te mach'a ya yilay te tojtesel, me'ba me ya xc'ot soc q'uexlaltic me sba; yan te mach'a ya xch'uun te tojtesele, muc' yutsil ya xc'ot stuquel.

Proverbios 27:6

Ya to xju' ya smuc'ulin co'tantic te jpat-jxujc'tic te ya yejch'entesotic te sc'opique; ja' ma xju' ya smuc'ulin co'tantic te jcontrotic te bin nax yo'tan ya spat co'tantic yilele.

Proverbios 17:10

Jteb nax utel ta swenta comel, tic' ya stuuntes a te mach'a ay sp'ijile; yan te mach'a ma sna' q'uinale, ma scom sba, manchuc me ay jo'winic ta jyalel majel ya yich'.

Proverbios 13:13

Te mach'a ma sc'an xch'uun mandal, ya me xwoclaj yu'un; yan te mach'a ya yich' ta muc' te mandale, ya me x'ac'bot stojol yu'un stuquel.

Proverbios 9:8

Tac'uya te mach'a ma stsajtay sbae, ja' me atojol ya xc'ot yu'un te ya yilintayate; tojtesa te mach'a ay sp'ijile, ja' me atojol ya xc'ot yu'un stuquel te c'uxat ta yo'tane.

Salmos 69:12

Talel c'axel ya ya'anonic; te jyacubeletique ya sc'ajintayonic.

Proverbios 6:23

Ta mero melel, te mandaliletic soc te jp'ijubteseltic ja'ic tsumbil lámpara c'oemic; te tojtesel soc te tac'uyel ja'ic te be yu'un te cuxlejale.

Proverbios 25:12

Jich bit'il ch'ocowil, o ualil, te pasbilic ta t'ujbil oro, jich c'oem te p'ijil comel ta stojol te mach'a ya sna' yich'ele.

Eclesiastés 7:4

Te mach'a ay sp'ijile bayal bi ya snop yu'un te ya xlaje; yan te mach'a ma sna' q'uinal, ya xbajt' ta yo'tan spasel q'uin.

Eclesiastés 9:17

Ja' buen lec ta aiyel te lamal sc'op te mach'atic ay sp'ijilique; ma ja'uc lec ta aiyel te xch'inch'on nax awetic ta stojol te muc' ajwalil yu'unic te mach'atic ma sna'ic q'uinale.

Eclesiastés 12:11

Te p'ijil c'opetic yu'un te mach'atic ay sp'ijilique, jich c'oemic te bit'il chicote ya quich'tic tojtesel ae. Te c'alal yich'ojix chajbanel a, jich c'oemic te bit'il estacaetic te buen lec yich'ojic ts'apele, ts'apbil yu'un jtul nax jcanantaywanej.