Eclesiastés 7:16 - Bible in Tzeltal de Oxchuc y Tenejapa

¹⁶ Ma me jc'axeluc toj ya acuy aba, soc ma me c'ax p'ijuc ya awac' aba. ¿Bi swentailuc teme ja'at nix ya ajin abae?

Bible in Tzeltal Bachajón

¹⁶ Ma me c'ax tojucat soc ma me c'ax p'ijucat. ¿Bin yu'un yac ajin aba?

Eclesiastés 7:16 Referans Kwoze

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.

Proverbios 25:16

Teme ay la ata chabe, ma me c'ax bayaluc ya alo', repente ya yac'bat xenel teme bayal ya alo'e.

Colosenses 2:18

Ma me xawaq'uic ta pojel te amajt'anic yu'un te mach'atic te jowil nax peq'uel ya yac' sbaic ta c'axem to xan, soc te ya slajin sbaic ta stojol te ch'ul abatetique. Scuyoj sbaic te ay bila ac'botix yil ta swaichic ta sc'opique. Muc' yac'oj sbaic yu'un te bila snopojic ta swenta nax te sbaq'uetalique.

Colosenses 2:23

Jich yaiyel te ya xp'ijubotic yu'un te p'ijil c'op ya yalique. Soc ya sujawanic ta xch'uunel Dios yilel te bit'il mero peq'uel ya yac' sbaic a, soc te ya yac' c'axuc swocol ta sbaq'uetalique. Ja'uc me to, tojol nax, ma xju' yu'unic scomel te bila ya smulan te jbaq'uetaltique.

1 Corintios 3:18

Ma me mach'a ya slo'lay sba. Melel teme ay mach'a ya scuy sba ta p'ij ta swenta in balumilal to, jichuc ac'a scuy sba te ma'yuc bi ya sna'e, swenta yu'un jich me ay sp'ijil ya xc'ot a.

Eclesiastés 12:12

Te bi ya jtatic ta swentaique, ja' te ya yal caiytic te ya sc'an ya jtsajtay jbajtique. Te spasel tsobol libroetic ma'yuc slajibal; te bayal bi ya jnoptique ya xlubotic yu'un.

Génesis 3:6

La yil te ants te bit'il t'ujbil soc lec ta lo'el sit te te'e, soc la yil te lec ta tuuntesel te bit'il ya yac' p'ijil-o'tanil teme ay mach'a ya slo'e. Jich yu'un la sc'oc slo', soc la yac'bey slo' uuc te smamlale.

San Lucas 18:12

Te jo'one ya jcom jwe'el cheb buelta jujun semana soc ya cac'bat jun ta slajunebal te bila ya jtae”, xi'.

Proverbios 23:4

Ma me xawac' puersa ya x'ochat ta jc'ulej; ma me xawac' yu'uninbat awo'tan.

1 Timoteo 4:3

Ya scomotic ta nujbinel, soc ay we'elil ya scomotic ta stuuntesel. Ja'uc me to, Dios la spas spisil te we'elile, swenta yu'un ya me yich' albeyel wocol Dios te c'alal ya stuuntesic te we'elil te jch'uunjeletic te xch'uunejic te smelelil c'ope.

Filipenses 3:6

Mero tulan sc'oplal ta co'tan te bila jnopoje, jich la jcontroin te jch'uunjeletique. Soc tojobenon ta jc'op ta swenta spasel te bi ya yal te mandalile. Ma'yuc falta cu'un tey a.

1 Corintios 3:20

Soc jich ts'ibubil jilel xan: “Te Cajwaltique ya sna' te xujt' ma'yuc swentail te bila snopojic te mach'atic p'ijique”, te xie.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

San Mateo 9:14

Talic ta stojol Jesús te jnopojeletic yu'un te Juan J'ac'-ich'ja'e. Jich tal sjojc'oyic: —Bayal buelta ya jpastic ayuno, jich bit'il ya spasic uuc te fariseoetique. Yan te jnopojeletic awu'une, ¿bi yu'un te ma spasic ayuno stuquelic? —xiic.

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

Job 11:12

Te bi c'aalil ya xyanaj te ja'mal burroe, ja' to me ya sna' q'uinal a te bol-o'tan winique.

Apocalipsis 18:19

Soc la sjopic ts'ubilum, la sbusq'uin ta sjolic ta oq'uel yu'un te muc'ul lume. Bayal la smel yo'tanic soc la yoq'uetayic. Jich la yalic xan ta aw: “Mero obol sba te muc'ul lume. Ta swenta te sc'ulejale la sta sc'ulejalic spisil a te mach'atic ay sbarcoic ta mare. Ja'uc me to, ora nax laj ta spisil te lume”, xiic.

Romanos 10:2

Jamal ya calbeyex ta atojolic te bit'il toyol yo'tanic ta stojol te Diose. Ja'uc me to, ma sna'ic te bit'il ya sc'an ch'uunel ta melel.

San Mateo 23:38

Aiya me awaiyic stojol, jochol me ya xjil te alumalique.

San Mateo 23:29

¡Ya me awil awocolic jts'ibojometic, fariseoetic te cha'lam awo'tanique! Melel te ja'exe ya ats'ajc'ubey smuquenal te namey q'uinal j'alwanejetic yu'un te Diose, soc ya ach'albeyic sts'ajc'ul smuquenal te mach'atic toj yo'tan lajique.

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.