Eclesiastés 7:12 - Bible in Tzeltal de Oxchuc y Tenejapa

¹² Melel te p'ijil-o'tanil ya xcoltaywan, ja' nix jich ya xcoltaywan te bit'il te taq'uine, pero te p'ijil-o'tanil ja' mero ya xju' yu'un ya yac'bey xcuxlejal te mach'a ya xch'uun tojtesel yu'une.

Bible in Tzeltal Bachajón

¹² Como ha mahquilal te p'ijil-o'tanil, ha nix hich ha mahquilal te taq'uine, pero ha lec xan a te p'ijil-o'tanil, yu'un ya ya'be scuxlejal te mach'atic yich'ojique.

Eclesiastés 7:12 Referans Kwoze

Proverbios 8:35

Melel te mach'a ya staone, la me sta xcuxlejal stuquel; soc ya yac' lecubuc yo'tan ta stojol te Cajwaltique.

Proverbios 3:18

Te p'ijil-o'tanil ja' cuxlejal ta stojol te mach'a ya yich'e; bin nax me yutsilic te mach'atic ya sna' sq'uejel ta yo'tanique.

Proverbios 2:7

Te Cajwaltic ya scoltay soc ya scanantay te mach'atic toj ya yac' sbaic soc te ma'yuc bila amen ya spasique;

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 12:50

Jna'oj stojol te ya yac' cuxinel sbajt'el q'uinal te smandal te Jtate. Jich yu'un te bila ya cale, ja' ya cal te bila yalojbon te Jtate —xi' te Jesuse.

Proverbios 11:4

Ma xtuunix c'ulejalil a ta yorail te castigoe; yan te toj-o'tanile ya x'ac'awan ta libre yu'un te lajele.

Jueces 9:15

Te ch'ix la yal: “Teme melel te jich ya sc'an awo'tanic te ya x'ochon ta muc' ajwalil awu'unique, apisilic me ya xtal awac' abaic ta caxinal. Yan teme ma jichuc awo'tanic te muc' ajwalilon awu'unique, ya me xloc' tel c'ajc' ta jtojol, ya me slajin te cedroetic te ay ta Líbano”, xi' te ch'ixe —xi' te Jotame.

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

Isaías 33:6

Ta sbajt'el q'uinal ya yac' te jun nax yo'tanic ya x'ainic. Te p'ijil-o'tanil soc te p'ijil-jolol, ja' c'ulejalil te ya xcoltaywane; te yich'el ta muc' te Cajwaltic, ja' c'ulejalil abi.

Isaías 32:2

Ta juju-jtulic jich bit'il anjibal ya xc'ot yu'un te tulan iq'ue soc te tulan yic'al ja'ale. Jich me c'oemic te bit'il pasbil beja' ta taquin q'uinale, jich bit'il yaxinal muc'ul ton ta jochol taquin q'uinal.

Proverbios 9:11

Ja' nix ta swenta te p'ijil-o'tanil te bayal ja'wil ya xcuxinat yu'une, jich me ya xnajt'aj xan bael aworail yu'un.

Proverbios 2:11

Te nacal-o'tanil soc te p'ijil-jolole, ja' me ya scanantayat spisil ora;

Salmos 57:1

Na'bon yo'bolil jba, Dios cu'un, na'bon yo'bolil jba, melel ta atojol ya me jle canantayel. Ya jc'an ya jnac' jba ta ye'tal axic' c'oem, ja' to teme c'axix bael a te woclajele.

Job 1:10

Te ja'at ma xawac' te ay bila ya xtaot yu'un, ni ja'uc te mach'atic ay yu'un, soc ni ja'uc te bitic ay yu'une. Ja'at ya awac'bey bendición spisil te bitic ya spase. Ja' nax mero jc'ulej winic ta swenta te xchamsbalam.

Deuteronomio 32:47

Melel ma lecuc teme ma'yuc bayal sc'oplal awu'unique, melel te mandaliletic in to, ja' cuxlejal ta atojolic. Ja' me ta swenta te ya xcuxinex bayal c'aal tey ta lumq'uinal te ay ta jejch' ja' Jordán, te ja' ya xba awu'uninic —xi' te Moisese.

Isaías 30:2

Animal nax ya xbajt'ic ta Egipto, yan te jo'one ma'yuc bila ya sjojc'obonic. Yacalic ta sleel coltayel, te yacuc xc'opoj yu'unic te faraón, ya xbajt'ic ta anel ta yaxinal Egipto.

Proverbios 14:20

Te me'ba, ya x'ilayot yu'un spat-xujc'; yan te mach'a jc'uleje, ma ba wocol ya xt'unot stuquel.

Eclesiastés 2:13

La quil te ja' mero bayal sc'oplal te p'ijil-o'tanile, ja' ma'yuc sc'oplal te bol-o'tanile, jich te bit'il ja' mero bayal swentail te saquil q'uinal, ja' ma'yuc swentail te ijc' q'uinale.

Eclesiastés 7:19

Te mach'a ay sp'ijile, ya x'ac'bot bayal yip yu'un te p'ijil-o'tanile. Ma ja'uc bayal yip ya xc'ot yu'un jpam lum, teme ay lajuntul te ajwaliletic yu'une.

Eclesiastés 9:16

Pero jo'on ya cal ta jamal, ja' cajal sc'oplal te jp'ijiltique, ma ja'uc te quiptique. Ja'uc me to ma x'ich'ot ta muc' te p'ijil c'op yu'un te winique te ma'yuc bi ay yu'une, soc ma'yuc mach'a ya yaiybey te bila ya yal te me'ba winique.

Eclesiastés 9:18

Ja' bayal ya xtuun te p'ijil c'ope, ma ja'uc ya xtuun te at'ejibaletic yu'un guerra. Manchuc me jtul nax te mach'a ya sta falta, jc'axel bayal bila ya xjin yu'un.

Eclesiastés 10:19

Te we'elile, yu'un ya caiybeytic sbujts'; te vino, yu'un ya yich' aiybeyel yutsil. Pero ja' ya spas falta te taq'uine.