Eclesiastés 7:1 - Bible in Tzeltal de Oxchuc y Tenejapa

¹ Ja' bayal yutsil te mach'a buen lec sc'oplale; ja' peq'uel sc'oplal te lequil perfume. Ja' bayal yutsil te bi c'aalil ya xlajotique; ma ja'uc bayal yutsil te bi c'aalil ayinotique.

Bible in Tzeltal Bachajón

¹ Ha lec xan a te lec c'oblalil te bin ut'il lequil perfume, soc ha lec xan a te bin c'ahc'alil ya xcham te bin ut'il te bin c'ahc'alil ayine.

Eclesiastés 7:1 Referans Kwoze

Apocalipsis 14:13

Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Proverbios 22:1

Ja' bayal sc'oplal te t'ujbiluc jc'oplaltic yu'un yantic; ja' ma'yuc sc'oplal teme ay bayal oro soc plata cu'untic.

Eclesiastés 4:2

Ja' yu'un la cal te ja' mero lec ayiquix te mach'atic lajiquixe, ma ja'uc lec ayic te mach'atic cuxulic toe.

2 Corintios 5:8

Ayix smuc'ul co'tantic yu'un, soc co'tanticuc te ya quijq'uitaytiquix jilel ta nainel in jbaq'uetaltic to. Yu'un jich me ya xba join jbatiquix soc te Cajwaltique.

2 Corintios 5:1

Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

Cantares 1:3

Buen t'ujbil sbujts' te perfumeetic awu'une; malem perfume c'oem te abiile. Ja' yu'un ya smulanat te antsetique.

Eclesiastés 10:1

Te ja te lajeme, teme tuube, ya xch'aybey yic' te lequil perfume. Ja' nix me jich te jp'al bol c'ope, ya me xch'aybey yutsil te lequil p'ijil c'ope.

Proverbios 27:9

Te bila ya xbujts'naj co'tantic jtebuc yu'un, ja' te t'ujbil perfume; te bila ya xbujts'naj co'tantic yu'un ta mero melel, ja' te tojtesel yu'un te jpat-jxujc'tique.

Isaías 56:5

ya me cac'bey te bila lec ta c'axem to xan yu'un a te nich'aniletique; ya me cac' te ma xch'ay sc'oplal sbajt'el q'uinal. Ya me yich' ts'ibuyel jilel sbiil ta sts'ajc'ul ta yutil templo; ya me cac' te stalel ya xjil sbajt'el q'uinal te sbiile, te jc'axel ma xyich' tup'ele.

Proverbios 15:30

Te mach'a ya xchicnaj ta sit-yelaw te bin nax yo'tane, ya xbujts'naj co'tantic yu'un; ja' nix jich te bila t'ujbil ta aiyel stojole, ya yac'botic yach'il yip co'tantic.

Job 3:17

Ta muquenal ay slajibal te mach'atic j'amen-o'tanetique; soc mach'atic lubenic tey ya xc'o staic cux-o'tan a;

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

Salmos 133:2

Pajal c'oem soc buen t'ujbil perfume te ya x'oquin ta sjol sacerdoteetic, ya xco tel ta oc ta yisimic c'alal ta snuc' sc'u'ic.

Hebreos 11:39

Ta spisilic in to lec c'otic ta loq'uel stuquelic ta swenta bit'il ay xch'uunjel yo'tanic. Ja'uc me to, ma to bay c'ot ta swentaic te bila yaloj Dios te ya x'ac'bot yu'uninique,

Hebreos 11:2

Te namey q'uinal me'il-tatiletic cu'untique lec yo'tan Dios yu'unic ta swenta bit'il ay te xch'uunjel yo'tanique.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

Cantares 4:10

C'ax bujts'an ta aiyel te bujts'iyel awu'un, ja'at te jch'ielat toe, te quinamate. Te bujts'iyel awu'une c'axem jich sbujts' a te bit'il vino; te perfume awu'une, c'axem jich sbujts' a te bit'il yantic bitic bujts'an yiq'ue.

Eclesiastés 7:8

Ja' lec ta aiyel te c'alal ju'ix ta chapel a te c'ope; ma ja'uc lec ta aiyel te c'alal ya yich' jachele. Ja' lec teme jun awo'tan ya xc'ax awocole; ma ja'uc lec teme toyba ayate.

Jonás 4:3

Ja' yu'un, Cajwal, wocoluc lajinbonix te jcuxlejale. Ja' mero lequix ya caiy te ya xlajone, ja' ma jc'anix te cuxulone —xi' ta stojol te Cajwaltique.

Rut 3:14

Jich way te Rut ta bay yacan Booz, buen ijc' to q'uinal a jajch', jteb to nax ya xchicnaj a te q'uinale. Yu'un la yal te Booz: “Ma me mach'a ya sna' stojol te xtaluc te antse”, xi'.

Proverbios 25:10

repente ay mach'a ya yaiyat stojol, jich ya yac'at ta q'uexlal, soc jich me ya xbolob ac'oplal ta jc'axel, ma me ayuc poxil yu'un.