Eclesiastés 6:6 - Bible in Tzeltal de Oxchuc y Tenejapa

⁶ Melel manchuc me cuxin cha'mil ja'wil, pero teme ma ba la yaiybey yutsilal te sbiluque, tojol c'oem. Ta slajibal, pajal ya xbajt'ic ta jun nax yawil ta spisilic.

Bible in Tzeltal Bachajón

⁶ Aunque cheb buelta ta lajunwinic yoxbahc' (1,000) ha'bil cuxul, teme ma ba ya smulan te sbiluque, ¿ma bal pajaluc ya xbaht spisilic ta junax lugar?

Eclesiastés 6:6 Referans Kwoze

Eclesiastés 3:20

Melel te banti ya xbajt'ique, jun nax yawil ya xc'otic. Melel ta ts'ubil lum pasbilic ta spisilic a, ja' nix jich ta ts'ubil lum ya sujt'ic xan ta spisilic.

Hebreos 9:27

Jich bit'il jun nax buelta te ya xlajotique, soc patil ay ich'el ta c'op,

Job 30:23

Ya jna'ix te ya ac'an ya awaq'uix lajucone, ja' te banti chapal sc'oplal ya xc'ot spisil te bitic cuxajtique.

Jeremías 17:6

Jich me te bit'il ch'ix ta jochol taquin q'uinal, te ma'yuc bay staoj canantayel stuquele. Ya xch'i ta yolil tontiquil, ta bay ni ma'yuc bi ya xch'i tey a, te ma'yuc mach'a ya xcuxinic tey a.

Isaías 65:22

Ma me ayuc ya xc'ot ta pasel te ya spas sna te jtule, te ay yan mach'a ya xnain tey a; soc te ya yaiy ts'unbajel te jtule, te ay yan mach'a ya swe'eline. Te lum cu'une najt' me xcuxlejal ya xc'ot, jich bit'il xcuxlejal jpejt' te'; te mach'atic tsabilic cu'un, ya me yaiybey yutsilal te yat'elic ta sc'abique.

Isaías 65:20

Ma me ayuc ya xlaj alaletic te jun cheb nax c'aal ay ta q'uinale, soc ma me ayuc ya xlaj ta ora mamaletic teme ma to sts'aquej c'aal te xcuxlejale. Teme ya xlaj ta jo'winic (100) ja'wil jtul winic, querem to abi, soc teme ma to sta jo'winic (100) ja'wil, castigo me abi.

Eclesiastés 12:7

Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Eclesiastés 6:3

Te winique manchuc me jo'winic ta jtul snich'nab soc ya xcuxin bayal ja'wil, teme ma ba ya yaiybey yutsilal te bila leque, soc teme ma'yuc smuquenal ya yich' muquel a te c'alal ya xlaje, ta mero melel ja' lec to c'oem yu'un te c'axem alale.

Salmos 34:12

¿Ya bal ac'an xcuxinat bayal c'aal? ¿Ya bal ac'an awaiybey yutsilal te acuxlejale?

Job 7:7

“Dios cu'un, na'a me te jich nax ya xjalaj te jcuxlejal te bit'il ay ta jiq'uel-o'tanile, tey ma'yuquix bi ora ya quil utsilal a.

Job 1:21

Jich la yal: —T'analon a julon ta balumilal yu'un te jme'e, t'anal ya xsujt'on bael. Ja' nix la yac'bon spisil te Cajwaltic, ja' nix la yich'bon sujt'el. Jelawen yutsil xch'ul-biil stuquel te Cajwaltique —xi'.

Génesis 5:5

Ta spisil lajuneb sjucwinic yoxbajc' (930) ja'wil cuxin te Adán, laj bael.

Eclesiastés 2:14

Te mach'a ay sp'ijile, buen lec ya stuuntes te site; yan te mach'a ma sna' q'uinal yac ta beel ta ijc' q'uinal stuquel. Pero la jna' te pajal spisil, melel te bila ya xc'ot ta stojolique, ja' nix ya xc'ot ta jwenta uuc.

Eclesiastés 6:5

soc manchuc me ma ba ya yil te c'aale soc te ma'yuc bila la sna', pero ja' lec c'ot yu'un te ja' mero la sta lequil cux-o'tanil stuquele, ma ja'uc lec c'ot te winique.

Eclesiastés 7:2

Ja' lec te bael ta muquenale; ma ja'uc lec te pas-q'uine. Melel te lajele, ja' slajibal spisil ants-winiquetic; te mach'atic cuxulique ya me sc'an ya sna'ic.

Eclesiastés 9:2

Melel pajal yacalic ta maliyel yu'un lajel ta spisilic, manchuc me tojic o ma tojuque; manchuc me lec o ma lecuc; manchuc me lecubtesbil o ma lecubtesbiluque; manchuc me ya yac' milbil majt'anil, o ma ba ya yaq'ue; ja' nix jich te mach'a ma'yuc smule, o ja' te mach'a ay smule; te ay bi jc'axel xchapoje, o ja' te mach'a ma'yuc bi jc'axel xchapoje.