Biblia Todo Logo
Bib sou entènèt

- Piblisite -




Eclesiastés 6:2 - Bible in Tzeltal de Oxchuc y Tenejapa

2 Ay mach'atic ya x'ac'botic bayal sc'ulejalic soc yutsil sc'oplalic yu'un Dios, ma'yuc falta yu'un spisil te bila ya sc'an yo'tan ya stuuntesic. Pero ma x'ac'botic permiso yu'un ya yaiybeyic yutsilal spisil bitic ay yu'un, yantiquix a te mach'atic ya yaiybey yutsilale. Ja' mero tojol ta jyalel, soc mel-o'tantic sba.

Gade chapit la Kopi

Bible in Tzeltal Bachajón

2 Ay mach'atic ya x'a'bot yu'un Dios c'ulejalil, biluquetic soc te ya x'ich'ot ta muc', mayuc falta yu'un spisil bintic ya sc'an yo'tan, pero ma x'a'bot te ya smulan te bintic ay yu'une, yantic mach'atic ya smulanic. Ha tojol nax, soc c'ax chopol.

Gade chapit la Kopi




Eclesiastés 6:2
24 Referans Kwoze  

Ay to xan yan a, te mach'a Dios ya x'ac'bot bayal sc'ulejal yu'une, ya x'ac'bot permiso yu'un ya swe' ya yuch' te bi snujp' te sc'ulejale. Melel te bit'il bin nax co'tantic ta at'ele, yu'un talem ta stojol Dios.


Cajwal, ta swenta awu'el ac'awon ta libre ta stojolic; loq'uesa ta jc'axel ta balumilal, melel ja' nax yu'unic stuquel te cuxulic ta q'uinale. Ac'a yich'ic bayal castigo, soc ac'a c'otuc ta stojol snich'nabic ja' to c'alal ma xcujch' yu'unic, soc ac'a c'otuc ta swenta te smamatac te sobraile.


Mero jujp'enic, jchajp nax sitic yu'un sjujp'elic. Mero bayal te bila amen snopoj te yo'tanique;


Soc xan, ya cac'bat ac'ulejal soc awutsilal ta ilel, manchuc me ma ba la ac'anbon stuquel, swenta yu'un te jayeb c'aal cuxulate, ma'yuc yan muc' ajwalil pajalat soc.


Spisil te bila ay cu'untique, ta ora yo'tic ay ta sc'ab jyanlumetic; te nanatic cu'untic, ja' yu'uninejiquix ta jc'axel.


Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.


Mero ma ba ya xc'ot ta yo'tan te ja' lajinbot yip yu'un te jyanlumetique. Asta te stsotsil sjol ma sna' stojol teme sacubenixe.


“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.


Ja' mero mel-o'tantic sba ta melel. Melel te bit'il tale, ja' nix jich ya xcha'sujt' xan bael. Melel ¿bi ya sta a te mero bayal at'eje?


Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.


La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.


Te Dios la yalbey te Salomón: —Ja' nax la ac'anbon ap'ijil, ma ja'uc la ac'anbon ac'ulejal, soc awutsilal, soc awich'el ta muc', soc te yacuc xlajic te acontrotaque, soc te najt'uc acuxlejale. Ja'uc me to, ja' nax la ac'anbon sp'ijil awo'tan ta sna'el smandaltesel te lum cu'un te la cac'at ta muc' ajwalil yu'une.


Lamal nax q'uinal ta stojol, mero mamalix a laj, jelawen to xan te ya'wilal, te sc'ulejal soc te ich'el ta muq'ue. Ja' la sjelolin ta muc' ajwalil te snich'ane, ja' te Salomón.


Te Cajwaltic la yac'bey ich'otuc ta muc' ta c'axem to xan ta spamal sq'uinal Israel. La yac' xojobajuc yutsilal te mandaltesel yu'une, te ma'yuc bay ni jtebuc pasbot jich jtuluc ajwalil te neel c'ax ta muc' ajwalil ta Israel.


C'alal ya xc'ootic tey a, ya me jtatic te ants-winiquetic te ma'yuc bi chican ta sc'opique. Bayal sq'uinalic, mero ma'yuc bi falta ya yaiyic. Dios me ya yac'beyex awu'uninic te q'uinale —xiic.


Te jyanlumetic nainemic ta alumale, yantic me yilelic ya yich' bael yipic. Yan te ja'ate bebe me pejc'ajel bael te awipe.


Te sit te awawal-ats'unub ta aq'uinal, soc ta spisil te bitic ya ata ta awat'ele, ja' me ya swe'ic te mach'atic ma'yuc bi ora la ana'bey sbaic ta neelal to. Soc spisil me ora c'ux obol aba yu'un mozoinel soc ma me ayuc ac'oplal ta o'tanil.


Ta balumilal ay bi mero mel-o'tantic sba quiloj: Ja' te mach'a ya sbusan ipal c'ulejalil yu'une, ja' nix ya sta swocol yu'un a.


¿Bistuc ya alajin ataq'uinic yu'un teme ma we'eliluque? ¿Bistuc ya alajin aganaric yu'un teme ma ja'uc te bila ya xnoj ach'ujt'ic yu'une? Aiybon awaiyic stojol ta lec, jich me ya awe'elinic lequil we'eliletic, ya me awe'elinic bitic bujts'anic.


Te jo'one la jta ta na'el te bila lec ya sc'an pasel soc te bi mero t'ujbile: Ja' te we'el-uch'ele, soc te ya jc'ases co'tantic ta stuuntesel te sit te cat'eltique, te c'ax bayal jwocoltic ta at'el yu'un te jayeb nax c'aal la yac' cuxinucotic ta balumilal te Diose. Ja' nax cu'untic abi.


Swiv nou:

Piblisite


Piblisite