Eclesiastés 5:8 - Bible in Tzeltal de Oxchuc y Tenejapa

⁸ Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Bible in Tzeltal Bachajón

⁸ Teme yac awil te ay banti ayic ta uts'inel te pobrehetic, soc te ma stojiluc ya xchahpanotic, ma me xchamuc awo'tan yu'un; como ay mach'a muc' ya'tel te ya x'ilot yu'un mach'a toyol xan yu'une, soc ay mach'a toyol xan yu'un schebalic.

Eclesiastés 5:8 Referans Kwoze

Eclesiastés 4:1

Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Salmos 12:5

Yan te Cajwaltic jich ya yal: “Te mach'atic me'baetic ta q'uinal soc te peq'uel ayique, yacalic ta uts'inel soc yacalic ta ac'beyel swocolic. Jich yu'un ya me xjajch'on yo'tic, ya me cac'bey te coltayel te bayal sc'anojique”, xi'.

Eclesiastés 3:16

La quilix ta lec ta balumilal te ya jtatic te bitic amen ta banti sc'oplal ay lequil chajbanele, soc ya jtatic te bitic ma lecuc ta pasel ta banti sc'oplal ay stojil te c'ope.

Salmos 82:1

Te Dios ay ta yolil te ch'ul abatetic ta ch'ulchan, ja' ya yaiy chajbanwanej stuquel.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Hechos 12:23

Ta ora nax tal jtul ch'ul abat yu'un te Cajwaltique, la yejch'entes te Herodese, scaj te ma ja'uc la yac' ta ich'el ta muc' te Diose. Jich laj ta ti'el yu'un yalja. Jc'axel laj yu'un.

San Lucas 1:76

In te ja'ate, ch'in jnich'an, j'alwanej ya xc'oat yu'un te Ch'ul Dios te mero toyol aye. Melel ya me xneelajat ta xchajbanel sbe te Cajwaltique.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

San Lucas 1:32

Muc' me ya xc'ot, soc “Snich'an te Ch'ul Dios te mero toyol aye” xi' me sbiil ya xc'ot. Te Cajwaltic Diose ya me yac'bey sjelolin ta ajwalil ta smuc'ul nac'tijib te Davide, ja' nix te namey q'uinal state.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Zacarías 8:6

“C'alal ya sta yorail, te yajwal lum cu'un te jilemique, mero wocol me ya xc'ot ta pasel ya yaiyic; pero te jo'one, ma ba wocol ta pasel ya caiy. Jo'on Ajwalilon te Spisil ya xju' cu'un ya cal ta jamal:

Miqueas 2:9

Ya ach'ojic loq'uel te antsetic ta snaic te bin nax yo'tanic tey ae; soc ma xawac' te ya xc'ot ta swentaic te yalatac te yutsilal cu'une.

Amós 6:12

¿Ya bal xju' x'animajic ta tontiquil te caballoetique? ¿Ya bal xju' ta joq'uel jichuc lum te mar? Melel te ja'ex c'atp'ujem awu'unic ta veneno te chajbanele; te sit ya yac' te chajbanele, ja' te mel-o'tane.

Amós 5:12

Jo'on ya jna' te bayal bila amen apasojic soc te ma'yuc slajibal te amulique. Ya atenic ta uts'inel te mach'a toje, ya atsac amajt'an taq'uinic, soc ta bay chajbajibal ma'yuc sc'oplal ya xc'ot awu'unic te bila ya sc'an te me'bae.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Isaías 10:12

Te c'alal pasbilix yu'un Cajwaltic ta spisil te bila ya sc'an yo'tan spasel ta wits Sión soc ta Jerusalén, ya me yac'bey castigo te muc' ajwalil yu'un Asiria ta scaj yat'el ta uts'inwanej, soc ta scaj stoybail te la yaiyix tsalawe.

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Isaías 3:15

¿Bi awentaic stenel ta yuts'inel te lum cu'une, soc te ya atec'beyic yelaw te me'baetique? —xi'. Ja' nix te Cajwaltic te Spisil ya xju' yu'un te la yal loq'uel ta ye.

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

Salmos 95:3

Melel te Cajwaltique ja' muc' Dios stuquel, ja' Muc' Ajwalil yu'un spisil te ch'ul abatetique.

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Salmos 55:9

Lajina ta jc'axel te jcontrotac, Cajwal, yantesbeya te sc'opique; yu'un ja' nax ya quil te jajch'em c'op yu'unic soc te ma ba jun yo'tan sbaique.

1 Juan 3:13

Quermanotac, ma me x'ayan awo'tanic yu'un teme ya yilayex te mach'atic yu'unic te balumilale.

1 Pedro 4:12

Quermanotac te c'uxex ta co'tane, ma me x'ayan awo'tanic teme ay awocolic yu'un te yiljibal awo'tanic te bayal xc'uxul jich bit'il c'ajc' te ya xc'ot ta awentaique. Ma me xacuyic te ma'yuc bay jich ya xc'ot ta stojol te yantique.

Romanos 11:33

¡Jelawen yutsil te sp'ijil yo'tan te Diose soc te bila snopoj ta yo'tane! Ma xju' ta na'el stojol cu'untic te bila xchapoj ta yo'tan soc te bila ya spase.

Proverbios 22:16

Te mach'a ya sle sc'ulejal, teme ja' ya yuts'in te me'ba, o teme ja' ya yac'bey smajt'an te jc'uleje, jich me ya xc'atp'uj ta me'ba yu'un.

Proverbios 24:12

Manchuc me ya awal te ma la awaiy stojole, pero te mach'a ya sna' bi ay ta co'tantic, ya sna' stuquel. Melel ya me sna' stuquel te mach'a ya yilate, ja' te mach'a ya yac'bey stojol sc'ab ta juju-jtul chican bi yilel te yat'ele, ja' me ya yilat stuquel.

Eclesiastés 5:9

Ja' me stoyesel yutsil-slequil te lum yu'unic ta sc'opique, soc te muc' ajwalil yac ta at'el ta slecubtesel te lum yu'un ta sc'ope.

Eclesiastés 7:7

Te uts'inel ya sjinbey sjol te mach'a ay sp'ijile; te mach'a ya yich' taq'uin yu'un ma tojuc ya xchajbanwan, ya xbolob stalel yu'un.

Eclesiastés 8:9

Spisil la quil te c'alal mero la cac' co'tan ta sna'el te bitic yac ta pasel ta balumilale, soc la quil te ay yip te winic ta yuts'inel te sjoy ta winiquile.

Ezequiel 18:18

“Te bit'il mero j'uts'inwanej te state, te la yaiy elec' soc te ay bitic amen la spas ta stojol te slumale, ya me xlaj yu'un castigo ta scaj te smule.

2 Crónicas 26:10

Soc la spas toyol balal ts'ajq'uetic ta jochol taquin q'uinal, soc la sjoc' bayal pozoetic, melel bayal ta jyalel te xchamsbalam, ay ta peq'uel witstiquil soc ta spamlejtic. Soc ay winiquetic yu'un te ya x'at'ejic ta sq'uinal ta bay ts'usubiltic ta witstiquil te yu'uninej soc te yan awalts'unubil yu'une, yu'un nix la smulan at'el ta q'uinal a.

Job 24:23

Dios ya yac' cuxinuc, pero yacalic ta ilel yu'un te bit'il ya xbeenique.