Eclesiastés 5:6 - Bible in Tzeltal de Oxchuc y Tenejapa

⁶ Ma xawac'bey permiso te awe te ya yac'bat ale amule. Patil ya awalbey te mach'a ticunbil yu'un Dios ta atojol, te scaj jowil c'op te jich la awale. ¿Bi yu'un ya awac' ilinuc Dios yu'un te bila ya awale, soc te ya sjin ta jc'axel te bila apasoje?

Bible in Tzeltal Bachajón

⁶ Ma me xawac' te yac ata amul ta scuenta awe, soc ma me xawal ta stojol ch'ul a'bat te hich la awal ta scaj te ma ba la ana'. ¿Bin yu'un yac awac' ilinuc Dios yu'un te bin la awal soc te ya sjimbat te ya'tel ac'abe?

Eclesiastés 5:6 Referans Kwoze

Santiago 1:26

Teme ay mach'a ya yal te xch'uunej ta lec te Diose, teme ma sna' scomel te yaq'ue, ja' nax ya slo'lay sba stuquel abi. Xujt' ma'yuc swentail te bit'il xch'uunej ta sc'op te Diose.

2 Juan 1:8

Tsajtaya me abaic jiche, swenta yu'un ma tojoluc ya xch'ay te sit awat'el apasojique. Jich me ts'acal ya awich' amajt'anic yu'un.

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Números 15:25

Te sacerdote ya me spas ta jtojol te bit'il ya stabey perdón ta swenta xc'axintayel mandal spisil te lum Israele. Te jo'on ya me jpasbey perdón, teme scaj nax te ch'ay ta yo'tanique, soc ta patil ya yac'bonic milbil majt'anil te ya yich' chiq'uele, soc jmajt'an yu'un te smulique.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

1 Timoteo 5:21

Ya calbat mandal ta stojol te Diose soc ta stojol te Cajwaltic Jesucristoe soc ta stojol te ch'ul abatetic tsabilic yu'une, te jich me xapas spisil ora. Ma me tsabiluc nax awu'un te mach'a ya achajbane.

1 Corintios 11:10

Ja' swentail te ya sc'an ay señail yich'oj ta sjolic te antsetique, ta scaj te yac ta ilel yu'un te ch'ul abatetique.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Levítico 4:2

—Albeya te israeletic: “Teme ay mach'a ya sta smul te ma spasemaluc yo'tan ya xc'axintay te mandaliletic cu'un jo'on te Ajwalilone, teme ay bila ya spas te ma jichuc pasel ya sc'ane, ja' me ya yich' pasel in to:

Levítico 4:22

“Teme ja' ya sta smul jtul jwentainwanej, teme ay bila ya spas ta swenta xc'axintayel te jmandal jo'on te Ajwalilon te Dioson yu'une, manchuc me ma spasemaluc yo'tan ya spas, ay me smul ya xc'ot.

Proverbios 23:17

Ma me xbic'taj awo'tan yu'un te bi yilel stalel te jmulawiletic; ja' me lec te ja' ya awich' ta muc' spisil ora te Cajwaltique.

Eclesiastés 3:14

Spisil te bitic spasoj te Diose, jna'oj te stalel aye. Ma'yuc bi pasel xan ya sc'an, soc ma'yuc bi loq'uesel ya sc'an. Dios jich la spas, swenta yu'un c'alal ya yilic te ants-winiquetique, ya xch'uunic.

Eclesiastés 10:12

Te sc'op te mach'a ay sp'ijile, ya x'ac'bot yutsil q'uinal yaiy yu'un; yan te sc'op te mach'a ma sna' q'uinale, ja' nix ya xjinot yu'un te sc'ope.