Eclesiastés 5:4 - Bible in Tzeltal de Oxchuc y Tenejapa

⁴ Teme ay bila ya awal ya apasbey ta stojol te Diose, ora me xawac' c'otuc ta pasel, melel te Diose ma smulan te mach'a ma sna' q'uinale. Ja' yu'un pasa me te bi ya awal ta jamal ya apas ta stojol te Diose.

Bible in Tzeltal Bachajón

⁴ Teme ay bin yac awal ta stojol Dios, ma me xhalajat ta spasel, como ma smulan te mach'a ma sna' q'uinal. Pasa te bin awaloje.

Eclesiastés 5:4 Referans Kwoze

Números 30:2

te c'alal ay mach'a ya xchap sc'op ta stojol Dios, o teme ay bila jc'axel ya yal ta jamal te ya spase, ya me sc'an sc'otes te sc'ope, ya me spas spisil te bila yaloje.

San Mateo 5:33

“Soc awaiyojic stojol te bila albot jilel te namey q'uinal jme'-jtatique: “Ma me xawac' ch'ayuc te bila achapoj ta pasel te la awac' ta testigo yu'un te Cajwaltique”, te xie.

Salmos 76:11

Ta juju-jtul chapa ac'opic soc Cajwaltic te Dios awu'unic, pero ya me sc'an te ya xc'ot ta pasel awu'unic ta stojole. Ja'ex te ajoytayejic te mach'a mero ay ta xi'ele, ich'beyaic tel smajt'an.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Salmos 116:14

Ya me jc'otes ta pasel te bitic caloj ta stojol te Cajwale, ta yolil spisil te lum yu'une.

Hebreos 10:6

Ma ja'uc bin nax awo'tan yu'un te chic'bil amajt'ane soc te yantic milbil chambalam ta swenta xch'ayjibal mulile.

Malaquías 1:10

—Ayuc jtuluquex te ya amacbeyic yochibal sti' te templo, swenta yu'un ma tojoluc ya sujt'ex tel ta spasel c'ajc' ta bay scajtijib te jmajt'ane. Melel ma ba bin nax co'tan awu'unic, ni ma ba ya jtsacbat te majt'anil awu'unique.

Jonás 2:9

yan te jo'one bin nax co'tan ya calbat yutsil ac'oplal soc ya cac'bat milbil amajt'an. Jich me ya xc'ot ta pasel a te bila caloj ta atojole. Ja'at nax atuquel Cajwal, te ya xju' ya xcoltaywanate —xi' te Jonase.

Salmos 119:106

Ay bila caloj ta jamal, ya me jc'otes ta pasel; ya me cat'elin spasel te bitic toj achapoje.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Génesis 35:1

C'oponot yan buelta yu'un Dios te Jacob: —Jajch'an, beenan, moan bael ta Betel, nainan tey a. Tey me ya xc'o apas scajtijib ta chiq'uel jmajt'an a ta bay la cac' jba ta ilel ta atojol te jo'on Dioson, te c'alal loc'at ta anel ta stojol te abanquil Esaú —xi' sc'oplal.

Isaías 19:21

Te Cajwaltic ya yac' sba ta na'el yu'un te egipcioetique, soc jich ya sna'beyic sba Cajwaltic, jich ya xcaj xch'uunic soc jich ya yac'beyic milbil majt'anil soc yantic majt'aniletic. Ya xchap sc'opic ta stojol Cajwaltic, soc ya sc'otesic ta pasel.

Génesis 28:20

Jich la yal ta jamal te Jacob: “Teme yu'un ya sjoinon te Diose, soc teme ya scanantayon ta bay ya xboon, soc teme ya yac'bon jwe'el, jc'u'-jpac',

Jueces 11:35

Jich yu'un te c'alal la yile, la xch'i' sc'u' yu'un mel-o'tan, jich la yal: —¡Ay, cantsil-nich'an, mero ya x'oc' co'tan awu'un! Ja'at ta awenta te bayalix ayon ta mel-o'tan awu'un. Yu'un ay bi la jchap ta stojol Cajwaltic, jich yu'un ya me xc'ot ta pasel cu'un yo'tic —la yut.

Salmos 22:25

Ya me calbey yutsil ac'oplal te bit'il jun awo'tan, ya me cal ta stojol te lum awu'un c'ax bayal ta ajtayele; ya me xc'ot ta pasel cu'un ta atojol te bitic caloj ta stojol te mach'atic ya yich'at ta muq'ue.

Proverbios 20:25

Ja' me syacjibal ya xc'ot te mach'a ya spas trato ta stojol te Diose, teme patil ya snop te ya sujt'es te sc'ope.