Eclesiastés 5:2 - Bible in Tzeltal de Oxchuc y Tenejapa

² Ma me ayuc bi ora nax ya alom ta chapel ta stojol Dios, ni ya awal ta awe, o ya awal ta ajol ta awo'tan. Melel te Diose ay ta ch'ulchan stuquel, yan te ja'ate ayat ta balumilal. Ja' yu'un tsajtaya me, ma me najt'uc ya xc'ot te ac'op te c'alal ya xc'opojate.

Bible in Tzeltal Bachajón

² Ma me orahuc ya xc'opojat, ma me orahuc ay bin yac awal ta stojol Dios, como Dios ay ta ch'ulchan, yan te ha'ate ayat ta bahlumilal. Ha yu'un ma me bayeluc ya xc'opojat.

Eclesiastés 5:2 Referans Kwoze

San Mateo 6:7

“Te c'alal ya ac'oponic Dios te ja'exe, ma me jp'aluc nax c'op te bayal buelta ya awalulayic te ma'yuc sc'oplale. Melel jich ya spasic te jyanlumetique. Yu'un scuyojic te jich ya stsacbot sc'opic teme bayal buelta ya yalulayique.

Proverbios 10:19

Te mach'a bayal ya xc'opoje, bayal ya xjowej ta c'op; yan te mach'a jteb nax ya xc'opoje, ja' te mach'a ay sp'ijile.

San Mateo 6:9

Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

Eclesiastés 5:7

Ja' yu'un te ja'ate, ta yolil te tojol ipal ch'inch'in c'opetic te pajal soc waichile, ya sc'an ya awac' ta ilel te awich'oj ta muc' te Diose.

Génesis 18:27

Te Abraham jich la yal xan: —Pasbon perdón, Cajwal, melel Diosat atuquel, yan te jo'one ma'yuc cutsil ta q'uinal; ja'uc me to, ya me xc'opojon xan.

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

Eclesiastés 5:3

Melel ta scaj bayal bila ya anop te ya xwaichejate, soc ta scaj te bayal ya xc'opojat te ya xloc' bol c'op ta awe.

Proverbios 20:25

Ja' me syacjibal ya xc'ot te mach'a ya spas trato ta stojol te Diose, teme patil ya snop te ya sujt'es te sc'ope.

Génesis 28:20

Jich la yal ta jamal te Jacob: “Teme yu'un ya sjoinon te Diose, soc teme ya scanantayon ta bay ya xboon, soc teme ya yac'bon jwe'el, jc'u'-jpac',

Salmos 115:3

Te Dios cu'untic ay ta ch'ulchan; ja' la spas spisil stuquel te bitic la sc'an yo'tane.

Génesis 18:32

La yalbey xan: —Ma me x'ilinat te ja'at Cajwal, teme ya jc'oponat jun xan buelta: ¿Ja'xan teme ay nax lajuntul ya atae? —xi'. Albot yu'un: —Ta scaj te lajuntule, ma ba ya cac' lajuc —xi'.

Génesis 18:30

Soc la yalbey xan wocol: —Ma me x'ilinat ta jtojol, Cajwal, teme ya jc'oponat xan. ¿Ja'xan teme ay nax lajuneb xcha'winic (30)? —xi'. Albot yu'un: —Ma ba ya jpas jich teme ay lajuneb xcha'winic (30) ya jta —xi'.

Jueces 11:30

Te Jefté la xchap ta stojol Cajwaltic: —Teme ya awac'bon caiy tsalaw ta stojol te amonetique,

San Marcos 6:23

Soc la yal ta jamal: —Chican te bila ya ac'anbone ya cac'bat, manchuc teme ja' ya ac'anbon oliluc te jmaquen-q'uinale —xi' te Herodese.

Génesis 28:22

Soc te ton te la jtejc'anixe, ja' sna Dios ya xc'ot cu'un. Soc spisil te bila ya yac'bon te Diose, ya me cac'bey jun ta slajunebal smajt'anin”, xi'.

Levítico 5:4

“Teme ay mach'a ora nax ay bila ya stojol lom ta alel te ay bila ya spase, teme leque, o teme ma lecuque (biluc a te ya yal ta ora nax, te ma neeluc ya snop ta leque) pero teme ma ba ya sna' ta ora, teme patilix ya sna'e, puersa me staoj smul ya xc'ot yu'un, chican biluc a te ya slom ta alele.

Eclesiastés 10:12

Te sc'op te mach'a ay sp'ijile, ya x'ac'bot yutsil q'uinal yaiy yu'un; yan te sc'op te mach'a ma sna' q'uinale, ja' nix ya xjinot yu'un te sc'ope.

Eclesiastés 10:13

Melel puro amen c'opetic ya xjajch' ta yalel; soc ja' slajibal sc'op ya xc'ot te bitic mero amen nax sbae.