Eclesiastés 5:16 - Bible in Tzeltal de Oxchuc y Tenejapa

¹⁶ Ja' mero mel-o'tantic sba ta melel. Melel te bit'il tale, ja' nix jich ya xcha'sujt' xan bael. Melel ¿bi ya sta a te mero bayal at'eje?

Bible in Tzeltal Bachajón

¹⁶ Ha nix hich mero chopol ini: Hich te bin ut'il tal, ha nix hich ya suht bahel. ¿Bin la sta a te a'tej ta tojol nax?

Eclesiastés 5:16 Referans Kwoze

Eclesiastés 1:3

¿Bi ya xloc' yu'un a te winic te lom bayal ya x'at'ej ta balumilal?

Proverbios 11:29

Te mach'a ma scanantay ta lec te mach'atic ay yu'une, jochol me ya xjil te snae; te mach'a ma sna' q'uinale, spisil ora ya smozoinot yu'un te mach'a ay sp'ijile.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

San Marcos 8:36

Melel ¿bila ya xloc' yu'un a te winic teme ya yu'unin spisil te balumilal teme ch'ayel ya xbajt' soc te xch'ulele?

Oseas 8:7

Ja'ic la sts'unic c'oem te ic' soc la sc'ajic te tulan yic'al ja'ale. Ma me ayuc bila ya sc'ajic loq'uel ta q'uinal, ma me bay ya staic loq'uel harina ta sit trigo; teme ay to ya sloq'uesique, te jyanlumetic ya me swe'elinic.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Isaías 26:18

La quic'tiquix alal c'oem, soc la caiybeyix xc'uxul te alajel yaiyele, utsubotiquix; ja'uc me to, ja' nax puro ic'. Ma'yuc bay wejt' colel cu'untic ta stojol te ants-winiquetique; ma ba x'ayinic ants-winiquetic te ya snojesic te balumilale.

Eclesiastés 5:13

Ta balumilal ay bi mero mel-o'tantic sba quiloj: Ja' te mach'a ya sbusan ipal c'ulejalil yu'une, ja' nix ya sta swocol yu'un a.

1 Samuel 12:21

Ma xach'uunic lotil diosetic te melel ma'yuc bi ya yac'beyex soc ma xcoltaywan, melel ma Diosuc stuquelic.

1 Corintios 16:16

Ya calbeyex wocol te yacuc awich'ic ta muc' te mach'atic pajal yo'tanic soque, soc spisil mach'atic ya xcoltaywanic, soc te ya yac' sbaic ta abatinele.

Eclesiastés 2:11

Jajch'on ta stsajtayel quil te bitic jpasoje, soc ta spisil te cat'el ay jwocol ta spasele, c'ot ta co'tan te mero tojol ta jyalel, te ja' pajal soc te yacuc jtsactic te iq'ue, soc te ma'yuc bi ya cu'unintic ta balumilale.

Eclesiastés 3:9

¿Bi ya xloc' yu'un a te winic te mero bayal ya x'at'eje?