Eclesiastés 5:11 - Bible in Tzeltal de Oxchuc y Tenejapa

¹¹ melel teme ay bayal awu'une, ja' nix jich bayal ya alajin. ¿Bi ya xloc' a te ay awu'une? ¿Ja' xanix bal te ya amulan yilel te jayeb ay awu'une?

Bible in Tzeltal Bachajón

¹¹ Teme ya xp'ohl te bintic ay, ha nix hich ya xp'ohl te mach'atic ya slajinic. ¿Bin ya sta a te yajwale? ha xanix te ya smulan yilele.

Eclesiastés 5:11 Referans Kwoze

1 Juan 2:16

Melel ta spisil te bitic ay ta balumilale, ja' te bitic ya sc'an te jbaq'uetaltique, soc te bila ya smulan yilel te jsitique, soc te toybail ta cuxinele, ma ja'uc yac'oj te Tatile. Spisil in to, ja' yac'oj te balumilale.

Habacuc 2:13

Te Cajwaltic te Spisil ya xju' yu'une ya me spasbat te ma'yuc yutsil ya xc'ot te awat'el soc te awocole; melel ta spisil te awat'ele ya me yich'ic lajinel ta c'ajc'.

Proverbios 23:5

Yacuc atsajtay awil ta lec, ya me awil te ya xch'ay bael te c'ulejalile; jich c'oem te bit'il ya xloc' xic', melel ora nax ya xbajt' ta wilel jichuc águila.

Eclesiastés 6:9

Ja' lec te bila yacalatix ta yilele, ma ja'uc lec te bila yac to nax ta sna'el ta awo'tane. Pero ja' nix jich mero tojol ta jyalel, ja' pajal soc te ya jtsactic te iq'ue.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Génesis 13:2

Ay bayal sc'ulejal te Abram, ay bayal xchamsbalam, soc ay bayal oro soc plata yu'un.

Génesis 12:16

Te faraón la xc'uxtay te Abram ta swenta Sarai. La yac'bey ta majt'anil tsobol chijetic, wacaxetic, burroetic soc tsobol winiquetic antsetic te ac'bot smozoine, soc tsobol camelloetic.

Jeremías 17:11

Te mach'a ma stojiluc ya sta sc'ulejale; jich c'oem te bit'il perdiz te yan tomut ya sluts'e. Manchuc me yich'oj to yip, puersa me ya yijq'uitay jilel te sc'ulejale; soc ta slajibal ja' nax me bol ya xc'ot ta loq'uel.

Eclesiastés 2:9

Mero muc' jc'oplal ta winiquil, c'axem jich biluc cu'un a te bit'il yantic neel c'axic cu'un ta Jerusalén. Manchuc me jich ayon a, pero ma ba la spijt'eson te p'ijil-o'tanile.

Eclesiastés 5:12

Te mach'a ya x'at'eje, manchuc me bayal ya xwe' o ma'yuc bayal ya xwe', pero jun me yo'tan ya xway spisil ora stuquel. Yan stuquel te jc'uleje, ma x'ac'ot ta wayel yu'un stuquel te sc'ulejale.