Eclesiastés 5:10 - Bible in Tzeltal de Oxchuc y Tenejapa

¹⁰ Te mach'a xbiq'uet ta yo'tan te taq'uine, spisil ora ay to yan ya sc'an ya yaiy a te jayeb ayix yu'une. Te mach'a xbiq'uet ta yo'tan te c'ulejalile, ma'yuc bi ora ya yal te ayix tsobol yu'une. Ja' ni me jich mero tojol ta jyalel,

Bible in Tzeltal Bachajón

¹⁰ Te mach'a c'ux ta yo'tan te taq'uine, mayuc bin ora ya yal te tic' a; te mach'a c'ux ta yo'tan te c'ulejalil, mayuc bin ora ya yal te tiq'uix a. Ha nix hich tojol nax.

Eclesiastés 5:10 Referans Kwoze

1 Timoteo 6:10

Melel te bic'tal-o'tanil yu'un te taq'uine, ja' mero yisim yu'un spisil ta jchajp te bila amene. Ay mach'atic te scaj sbic'tal yo'tanic yu'un taq'uin te ch'ayix xch'uunjel yo'tanic yu'une. Jich la staiquix bayal swocolic ta c'axem to xan yu'un.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

San Lucas 12:15

Jich la yalbey yaiyic: —Tsajtaya me abaic. Ma me xawac' bic'tajuc awo'tanic yu'un te c'ulejalile, melel ma ja'uc ya xcuxinat yu'un teme ay bayal te bila ay awu'une —xi' te Jesuse.

San Mateo 6:19

“Ma me x'atsob ac'ulejalic ta balumilal te banti ya xlaj ta joch' soc ta tsa'ec', soc ta banti ya stob na j'eleq'uetic.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Salmos 62:10

Ma me smuc'ulin awo'tanic te ac'ajc'alique; soc ma me xawac' yu'uninbeyex awo'tanic elec'. Teme ay bi ora c'ulejubexe, ma me ja'uc ya smuc'ulin awo'tanic te biluquetic awu'unique.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

Salmos 52:7

“Ila awilic te mach'a ma la sle canantayel yu'un te Diose, ja' te mach'a yich'oj ta muc' te bayal sc'ulejale, soc ja' la smulan spasel te bila amen ta pasele”, xiic.

Eclesiastés 2:11

Jajch'on ta stsajtayel quil te bitic jpasoje, soc ta spisil te cat'el ay jwocol ta spasele, c'ot ta co'tan te mero tojol ta jyalel, te ja' pajal soc te yacuc jtsactic te iq'ue, soc te ma'yuc bi ya cu'unintic ta balumilale.

Eclesiastés 4:16

Manchuc me ma x'ajtabaj te yajwal lum ya swentaine, ni ja'uquic, ni ja'uc te patil alnich'anetic yu'un, te bin nax yo'tanic ya xjil yu'une. Ja' nix jich, mero tojol ta jyalel, ja' pajal soc te yacuc jtsactic te iq'ue.

Eclesiastés 3:19

Ta mero melel, te ants-winiquetic soc te chambalametic, pajal ay slajibalic, pajal ya xlajic bael. Melel te bit'il cuxulique, pajal ya yich'ic ic', soc ta swenta bit'il ya yich'ic ic' te cuxulique. Ma'yuc mach'a cajal, ni te ants-winic ni te chambalame: ta spisil, mero tojol ta jyalel.

Eclesiastés 6:7

Te ants-winique puro at'el nax ay yu'un ya sta swe'el, pero ma'yuc bi ora ya xnoj xch'ujt' yu'un.

Salmos 52:1

¿Bistuc ya atoy aba soc te abolile, ja'at te bayal awipe? Te xc'uxul yo'tan Dios, stalel ay.

Eclesiastés 1:8

Spisil te bitic ya xc'ax co'tantic yu'un, ma'yuc mach'a ya xju' yu'un yalel te bit'il aye. Ma'yuc mach'a ya yal te tiq'uix a te bila la yilixe, soc ma'yuc mach'a ya yal te tiq'uix a te bila la yaiy stojole.

Eclesiastés 2:10

Ma'yuc bi ora ma la jmulan te bila la smulan te co'tane, soc ma'yuc bi ora ma ba la cac'bey te co'tan te bila la smulane. La caiybey sbujts' soc co'tan ta spisil te cat'ele, ja' stojol jc'ab c'ot ta spisil.

Eclesiastés 5:9

Ja' me stoyesel yutsil-slequil te lum yu'unic ta sc'opique, soc te muc' ajwalil yac ta at'el ta slecubtesel te lum yu'un ta sc'ope.