Eclesiastés 5:1 - Bible in Tzeltal de Oxchuc y Tenejapa

¹ Te c'alal ya xbaat ta templo yu'un te Diose, buen tsajtaybil me x'ainat tey a. Ma me ja'uc nax xbajt' awo'tan yaq'uel milbil majt'anil, jich te bit'il ya spasic te ants-winiquetic te ma sna'ic q'uinale, te ma ba ya sna'ic te amen te bi ya spasique. Te ja'ate, noptsajan xan me bael ta sts'eel te Diose, junuc me awo'tan xach'uunbey spisil smandal.

Bible in Tzeltal Bachajón

¹ Te c'alal ya xbahat ta templo yu'un Dios tsahtaya te bin yac apas. Ha lec xan te ya xnohpojat bahel ta ya'iyel te bin ut'il yaq'uel milbil mahtanil hich te bin ut'il ya spasic te mach'atic ma sna'ic q'uinal, te ma ba ya sna'ic te ay bin chopol ya spasique.

Eclesiastés 5:1 Referans Kwoze

Santiago 1:19

Jich yu'un quermanotac te bayal c'uxex ta co'tane, chapaluquex me ya awaiyic stojol te bila ya yich' alele. Ma me xc'opojex ta ora, soc ma me x'ilinex ta ora.

Proverbios 15:8

Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Proverbios 21:27

Te Cajwaltic ya yilay te smajt'an ya x'ac'bot yu'un te mach'atic amen yo'tanique, melel ma lecuc te yo'tanique.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

Josué 5:15

Te jtsobwanej-soldado la sjac': —Loq'uesa te axanabe, yu'un te banti ayate, ch'ultesbil —xi'. Te Josué jich la xch'uun spasel.

Éxodo 3:5

Jich yu'un Dios la yalbey: —Ma me xnoptsajat tel. Loq'uesa te axanab, melel te banti ayate, ch'ultesbil te q'uinale —xi' sc'oplal.

Hebreos 10:26

Melel teme spasemal co'tantic ya jleulay xan jmultic te bit'il quich'ojtiquix te smelelil c'ope, ma'yuquix yan milbil smajt'an Dios yu'un xch'ayel te mulile.

1 Corintios 11:22

¿Yu'un bal ma'yuc anaic te banti ya xju' ya xwe'ex-uch'ajexe? ¿Yu'un bal ma'yuc sc'oplal ta awo'tanic te jch'uunjeletic yu'un Dios te bit'il ya awaq'uic ta q'uexlal te mach'atic ma'yuc bi ay yu'unique? ¿Bila ya sc'an ya calbeyex yu'un? ¿Ya bal calbeyex te mero lec te bila ya apasique? Ma jichuc ya calbeyex yu'un.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Hechos 17:11

Te judioetic te ayic ta bay lum Berea, ay razon ta yo'tanic stuquelic. Ma jichuc yo'tanic te bit'il yo'tanic te mach'atic ayic ta bay te lum Tesalonicae. Toyol yo'tanic la yaiyic stojol te bila albot yaiyic yu'un te Pabloe. Jujun c'aal la sle yilic ta Sjun Dios teme melel te bila yacalic ta yaiyel stojole.

Hechos 10:33

Jich la jticunat ta iq'uel ta ora nax. Bin nax co'tan yu'un te talatixe. Jich yu'un ta ora to, jpisiltic li' ayotic to ta stojol te Diose, yu'un ya jc'an caiytic stojol spisil te bila yalojbatix tel ta mandal te Diose —xi' te Cornelioe.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

2 Crónicas 26:16

Te bit'il tulan soc te yat'ele, jajch' ta stoybel sba yu'un, ja' la sta jinel a. Cheb yo'tan c'ot ta stojol te Cajwaltic Dios, melel och bael ta templo yu'un Cajwaltic ta xchiq'uel pom ta scajtijib xchic'jibal te pome.

Éxodo 30:18

—Pasa yawil ja' ta bronce, soc scajtijib. Ja' me ya xtuun ta swenta pocjibal. Tey me ya awac' ta yelaw te Nailpac' te bay ya quich' c'oponele, c'axel bael jtebuc ta bay scajtijib ta chiq'uel milbil jmajt'an. Nojesa ta ja'.

Job 11:2

—Spisil te aiyejetic in to sujt'ib me ya sc'an. Manchuc me bayal ya xc'opoje, ma ja'uc ya yac' ta na'el te bila melele.

Job 22:12

—Te Dios ay ta mero stoyolil ch'ulchan; te eq'uetic mero toyol ayique, pero ayic ta ye'tal yacan stuquel.

Proverbios 10:19

Te mach'a bayal ya xc'opoje, bayal ya xjowej ta c'op; yan te mach'a jteb nax ya xc'opoje, ja' te mach'a ay sp'ijile.