Eclesiastés 4:4 - Bible in Tzeltal de Oxchuc y Tenejapa

⁴ La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Bible in Tzeltal Bachajón

⁴ Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Eclesiastés 4:4 Referans Kwoze

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

Eclesiastés 1:14

Ju' cu'un sna'el ta lec spisil bitic ya yich' pasel ta balumilal, mero tojol ta jyalel, ja' pajal soc te ya jc'antic ya jtsactic te iq'ue.

Eclesiastés 2:21

Ay mach'a te ya x'at'ej soc sp'ijil yo'tan, soc sp'ijil sjol, soc spisil te bila sna'oj spasele; pero te ja' nax ya yac'bey jilel yu'unin spisil te mach'a ma ba at'ejem ae. Ja' nix mero tojol ta jyalel, soc ma'yuc swentail te la spase.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

San Mateo 27:18

Melel sna'oj stojol te bit'il lab-o'tantaybil yu'unic te Jesuse te ja' swentail te la yaq'uic ta c'abale.

Eclesiastés 6:11

Ay bila melel ay: Ja' te banti ay bayal c'opetic, tey ya x'esmaj a te ixta c'opetique. Ma'yuc bila ya xloc' a.

Eclesiastés 6:9

Ja' lec te bila yacalatix ta yilele, ma ja'uc lec te bila yac to nax ta sna'el ta awo'tane. Pero ja' nix jich mero tojol ta jyalel, ja' pajal soc te ya jtsactic te iq'ue.

Eclesiastés 4:16

Manchuc me ma x'ajtabaj te yajwal lum ya swentaine, ni ja'uquic, ni ja'uc te patil alnich'anetic yu'un, te bin nax yo'tanic ya xjil yu'une. Ja' nix jich, mero tojol ta jyalel, ja' pajal soc te yacuc jtsactic te iq'ue.

Proverbios 27:4

Te ilimba ya yac' wocol, te sc'ajc'al-o'tanil ya xjinawan; pero ma xju' ta comel te paichale.

Santiago 4:5

Ja' swentail te jich ts'ibubil jilel ta Sjun te Diose: “Te Espíritu te yac'oj snainbotic co'tantic te Diose, bayal sc'anoj ta yo'tan”, te xie.

Hechos 7:9

“Te snich'nab Jacobe, ja' te antiguo tatiletic cu'untique, la sbic'tal-o'tantayic te José te yijts'inique. La xchonic. Jich ic'ot bael ta sq'uinal Egipto, ja'uc me to, te Joseje joinbil yu'un te Diose.

Génesis 26:14

Bayal me xchij, bayal swacax, bayal swinictac, asta bic'tal-o'tantayot yu'un te filisteoetique.

Génesis 31:1

La yaiy stojol Jacob te bila yacalic ta yalel te snich'nab Labán: —La me spojbotic te bila ay yu'un jtatic te Jacob, melel yu'un jtatic spisil te jich yipal sc'ulejal staoj te Jacob —xiic la yaiy.