Eclesiastés 4:13 - Bible in Tzeltal de Oxchuc y Tenejapa

¹³ Soc yan xan, ja' bayal sc'oplal te querem te me'ba teme ay sp'ijil yo'tane; ma ja'uc bayal sc'oplal te muc' ajwalil mamalix teme ma sna' q'uinale. Melel te mamale ma sc'anix tojtesel stuquel.

Bible in Tzeltal Bachajón

¹³ Ha lec xan te querem te pobre te ay sp'ijil yo'tan te bin ut'il jtuhl ajwalil te mamalix soc ma sna' q'uinal, te ma xyich' ta cuenta bin ya x'a'bot sna';

Eclesiastés 4:13 Referans Kwoze

2 Crónicas 25:16

Ja'uc me to, te c'alal jich la yal te j'alwaneje, te muc' ajwalil la sjac': —¿Yu'un bal awich'oj awat'el ta jconsejero ta jtojol jo'on te muc' ajwalilone? Ma me xc'opojat. ¿Yu'un bal ya ac'an ya awich' milel? —xi'. Te j'alwaneje ma la yalbeyix bayal aiyej, ja' xanix la yalbey: —Ya jna' te ayix ta yo'tan Dios te ya sjinat ta swenta bit'il jich la apas soc ta scaj te ma xach'uun te bi la calbate —la yut.

Proverbios 19:1

Manchuc me me'baotic, teme lec te co'tantique; ja' ma lecuc teme ma jna'tic q'uinal, soc teme jle-c'opotique.

Proverbios 28:6

Manchuc me me'baotic teme lec co'tantic; tojol jc'ulejotic, teme ma lecuc bila ay ta co'tantique.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

Génesis 37:2

Jich ay sc'oplal te snich'nab Jacob. C'alal ay juclajuneb ya'wilal a te José, la sjoin ta jcanan-chij te sbanquiltaque. Te querem José ja' la sjoin te yalatac Bilhá soc te yalatac Zilpa, te ac'bot yinamin te state. Jich te José jul yalbey yaiy te stat te bit'il ma lecuc yat'elic te sbanquiltaque.

Eclesiastés 4:12

Te mach'a stuquel aye, ya me yich' tsalel; pero teme chebique ya me xju' yu'unic tsalaw. Soc teme ay oxp'ij te hilera ya yich' ts'otele, ma orauc ya xtuch'.

Eclesiastés 7:19

Te mach'a ay sp'ijile, ya x'ac'bot bayal yip yu'un te p'ijil-o'tanile. Ma ja'uc bayal yip ya xc'ot yu'un jpam lum, teme ay lajuntul te ajwaliletic yu'une.