Eclesiastés 4:12 - Bible in Tzeltal de Oxchuc y Tenejapa

¹² Te mach'a stuquel aye, ya me yich' tsalel; pero teme chebique ya me xju' yu'unic tsalaw. Soc teme ay oxp'ij te hilera ya yich' ts'otele, ma orauc ya xtuch'.

Bible in Tzeltal Bachajón

¹² Te mach'a stuquel ay ya xhu' ya xtsalot, pero te chebic ya xhu' ya scoltay sbahic. Te lazo te oxp'ij ta ts'otel ma orahuc ya xtuch'.

Eclesiastés 4:12 Referans Kwoze

Efesios 4:3

Ac'aic me puersa te junuc nax awo'tan abaic yu'un te Ch'ul Espiritue, te melel jun nax c'oemex ta swenta te lamal q'uinale.

2 Samuel 23:9

Patil ay bael a te Eleazar te snich'an Dodo, ahohita-winic. Ja' nix ta yoxebal te mero ju'em yu'un tsalawe. Ja' la sjoin te David ta Pasdamim, te c'alal te filisteoetic tey la stsob sbaic ta guerra, soc te c'alal te israeletic la sq'uej sbaic bael ta stojolic.

2 Samuel 23:23

C'ax jich toy sc'oplal a te bit'il yantic lajuneb xcha'winique (30), pero ma ba la spaj stuquel te yantic oxebic neel albil sc'oplalique. Te David la yac'bey swentain te jcanantaywanejetic yu'une.

2 Samuel 23:16

Ja' yu'un te oxeb ju'em yu'unic tsalawe, ju' yu'unic te smuquen-ochic bael tey ta scampamento filisteoetique. C'o slupic loq'uel tel te ya'lel pozo ay ta sti'il Belén, la yac'beyic yuch' te David. Pero ma la sc'an la yuch', la smal ta lum swenta smajt'an te Cajwaltique.

Eclesiastés 4:11

Soc xan, teme cheb ya slac' sbaic ta wayele, talel c'axel ya sq'uixnay sbaic. Pero teme stuquele, ma ba ya xq'uixnaj.

Eclesiastés 4:13

Soc yan xan, ja' bayal sc'oplal te querem te me'ba teme ay sp'ijil yo'tane; ma ja'uc bayal sc'oplal te muc' ajwalil mamalix teme ma sna' q'uinale. Melel te mamale ma sc'anix tojtesel stuquel.