Eclesiastés 4:1 - Bible in Tzeltal de Oxchuc y Tenejapa

¹ Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Bible in Tzeltal Bachajón

¹ La jquil yan buelta spisil te uts'inel te yac ta pasel ta ye'tal ch'ulchan: ha te ya'lel sitic te mach'atic uts'imbilic, mayuc mach'a ya xmuc'ubtesbot q'uinal ya ya'iyic yu'un; ay yip ta sc'abic te j'uts'inwanejetic yu'unic, mayuc jmuc'ubtesej q'uinal yu'unic.

Eclesiastés 4:1 Referans Kwoze

Eclesiastés 3:16

La quilix ta lec ta balumilal te ya jtatic te bitic amen ta banti sc'oplal ay lequil chajbanele, soc ya jtatic te bitic ma lecuc ta pasel ta banti sc'oplal ay stojil te c'ope.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.

San Mateo 26:56

Ja'uc me to, ja' ya xc'otix ta pasel spisil te bila ts'ibubil jilel yu'un te j'alwanejetic yu'un te Diose —xi' te Jesuse. Spisil te jnopojeletic yu'un te Jesuse la yijq'uitayic jilel. Bajt'ic ta anel.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Lamentaciones 1:9

Boloben te sc'u'e, ma la sna' te ay swocol ya xc'ot yu'une. Ma'yuc ta ch'uunel yaiyel te bit'il yalemixe; ma'yuc mach'a ya smuc'tesbey q'uinal yaiy. Ya yal: “Ilawilon, Cajwal, peq'uelonix, soc toyol yac'oj sba ta jtojol te jcontroe”, xi'.

Lamentaciones 1:2

Ma xcom ta oq'uel jujun ajc'ubal; xbalet nax ya'lel sit ta yelaw. Ma'yuc jtuluc te mach'atic la smulan ta sbabial te ya xmuc'tesbot q'uinal yaiy yu'une. Spisilic te sjo'taque, chebaj yo'tanic ta stojol, te c'atp'ujic ta scontrotac.

Isaías 51:23

Ja' ya cac'beyix te mach'atic la yac'bat c'axuc awocole, ja' te mach'atic jich la yalbate: “Pajc'ana aba ta lum, ya me xc'axotic ta aba”, la yutat. Jich la apajc'an aba ta lum swenta yu'un jich la stec'at jichuc tan —xi' te Cajwaltique.

Salmos 42:9

Ya calbey te Diose, ja' te jcoltaywanej cu'une: “¿Bi yu'un ach'ayojon ta awo'tan? ¿Bi yu'un yacon ta mel-o'tan, soc bi swentail te ay jwocol ta sc'ab te jcontroe?” xoon.

Salmos 42:3

Ta c'aal, ajc'ubal, ja' jwe'el c'oem ya caiy te ya'lel jsite. Te c'alal jich ayon ae, spisil ora ya sjojc'obonic: “¿Banti ay te Dios awu'une?” xiic.

Salmos 12:5

Yan te Cajwaltic jich ya yal: “Te mach'atic me'baetic ta q'uinal soc te peq'uel ayique, yacalic ta uts'inel soc yacalic ta ac'beyel swocolic. Jich yu'un ya me xjajch'on yo'tic, ya me cac'bey te coltayel te bayal sc'anojique”, xi'.

Job 35:9

“Ta scaj xc'uxul te tulan wocole, ya x'awunic te ants-winiquetic, yu'un ya sleic coltayel yu'un te mach'atic ay bi ya xju' yu'unique.

Isaías 59:7

Te yacanique ja' ya xtuun yu'unic te ya x'animajic ta spasel a te bila amene; ja' ya x'animajic bael a ta smalbeyel xch'ich'el te mach'a ma'yuc smule. Te bila snopoj ta yo'tanic, ja' te bila ma lecuque; ja' ayic ta beel yu'un te jinwanej soc te ya xch'aywan ta jc'axele.

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

Malaquías 2:13

Ja'uc me to, ay yan bila ya apasic: Ya awajts'es ta ya'lel asitic te scajtijib smajt'an te Cajwaltic; c'ax bayal ya x'oq'uex yu'un, te ma binuc nax yo'tan Cajwaltic ya stsac te majt'aniletic awu'unique.

Eclesiastés 7:7

Te uts'inel ya sjinbey sjol te mach'a ay sp'ijile; te mach'a ya yich' taq'uin yu'un ma tojuc ya xchajbanwan, ya xbolob stalel yu'un.

Proverbios 28:3

Te ajwalil amen yo'tan, teme ya xjajch' yuts'in te mach'atic ma'yuc bila ay yu'unique, jich c'oem te bit'il tulan ja'al, te ma'yuc bi ya yac' jc'ajtic loq'uele.

Salmos 142:4

Ya jsujt'es bael jsit ta swa'el jc'ab, ma'yuc mach'a ya quil te ya xtal scoltayone. Ma'yuc mach'a ya xc'opoj cu'un; ma'yuc mach'a ya xtal ta yo'tan te ya scanantayone.

Salmos 80:5

Ja' la awac' jwe'elintic c'oem te ya'lel jsitique; ja' cuch'baltic c'oem awu'un te ya'lel jsitique.

Salmos 69:20

Te bit'il la yuts'inbonic co'tan, la yejch'entesbonic ya caiy te co'tane. Ma'yuc yutsil q'uinal ya caiy soc ma'yuc quip. Tojol la cac' jwocol ta sleel mach'a ya smuc'tesbon q'uinal caiy, soc mach'a ya sna'bon yo'bolil jba.

Job 16:4

Te ja'uquex c'oem ta atojolic te bila ay ta jtojol, jich nix ya xju' ya xc'opojon te bit'il ya xc'opojex te jichuque; ya jimulay jol, ya jlabanex te jichuque, ya jbusanbeyex ta alel ta atojolic bayal c'opetic te jichuque.

Job 6:29

Suta ac'opic yu'un te bila awalojique, t'unbeyaic stojil te bila leque; na'aic te yu'unix melel a te bi ya cale.

Jueces 4:3

Te Jabín ay jo'winic yoxbajc' (900) carreta-taq'uinetic yu'un. Jtab ja'wil la yac'bey buen tulan woclajel te israeletic, ja' to c'alal la yalbeyic wocol te Cajwaltic te yacuc xcoltayotic yu'une.

Deuteronomio 28:48

Puersa me ya awac' aba ta abatinel yu'un te acontrotac ya sticunbat tel ta atojol te Cajwaltique. Ya me xc'ax awocol yu'un wi'nal, yu'un taquinti'il, soc ma ba ya ata ac'u'-apac', ma me ayuc bila ya xwejt' awu'un. Te Cajwaltic ya me yac'bat mero tulan awocol ta mozoinel, asta ya xlajat ta jc'axel.

Deuteronomio 28:33

Te sit te awawal-ats'unub ta aq'uinal, soc ta spisil te bitic ya ata ta awat'ele, ja' me ya swe'ic te mach'atic ma'yuc bi ora la ana'bey sbaic ta neelal to. Soc spisil me ora c'ux obol aba yu'un mozoinel soc ma me ayuc ac'oplal ta o'tanil.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Éxodo 1:16

—Te c'alal ya xba awilic te hebrea-antsetic te ya x'alajique, ilawilic ta lec te bi alalil te ya x'ayine. Teme ach'ixe, ac'a cuxinuc, yan teme quereme, milaic —xi' sc'oplalic.

Proverbios 19:7

Te mach'a me'ba, ya x'ilayot yu'un te yermanotac; ¿ja'uc to balix a te spat-xujc'? Jc'axel ya x'ijq'uitayot yu'un.

Eclesiastés 8:9

Spisil la quil te c'alal mero la cac' co'tan ta sna'el te bitic yac ta pasel ta balumilale, soc la quil te ay yip te winic ta yuts'inel te sjoy ta winiquile.

Jeremías 16:7

Ma'yuc mach'a ya xchajban we'eliletic yu'un sna'jibal te animaetic, swenta smuc'tesjibal q'uinal yaiyic te spat-xujq'ue, ni ja'uc te ya yich' pasel teme ya xlaj uuc te state, o ja' te sme'e.

Lamentaciones 1:16

Ja' ya yac'on ta oq'uel, nojelic ya'lel jsit yu'un. Melel ma'yuc mach'a ya smuc'tesbon co'tan; ma'yuc mach'a ya yac'bon xan yach'il yip te co'tane. Te jnich'nabe la yich'ic jinel; melel te jcontro, c'ax to xan ju' yu'unic a te bit'ilotique.

Job 9:24

Te balumilal ya yac'bey ta sc'ab te mach'atic amen yo'tanique; te juecetique, ya xmacbot sitic yu'un. Teme ma ja'uc te Diose, ¿mach'a ix a jiche?

Salmos 69:21

La yac'bonic veneno ta jwe'el; soc te c'alal taquej co'tan, la yac'bonic cuch' vinagre.

Salmos 142:5

Cajwal, ja'at me ya cawtayat, jich ya calbat: “Ja'at me anjibalat cu'un; ja'at xanix atuquel te cuxulon awu'un ta ora to”, xoon me ta atojol.

Proverbios 29:2

Te c'alal ya yich' yat'el te mach'atic toj yo'tanic, bin nax yo'tanic te lum yu'une; yan te c'alal ya spas mandal te mach'atic amen yo'tanic, ya xwoclaj te lume.

Lamentaciones 1:17

Te Sión ya sjach sc'ab ta yalel wocol; ja'uc me to, ma'yuc mach'a ya smuc'tesbey q'uinal yaiy. Te Cajwaltic yaloj mandal te ya yich' joytayel Jacob yu'un scontrotac; te Jerusalén swenta ilayel c'ot yu'unic.

Amós 3:9

Te ja'exe albeya yaiyic tey ta bay muc'ul naetic yu'un te lum Asdod soc ta bay muc'ul naetic yu'un Egipto, jich me ya awalbey yaiyic: —La'ic ta witstiquil yu'un Samaria; ilawilic te bila soquemic tey a soc te uts'inel ay swocolic yu'une —xaex me.

Amós 3:10

Te Cajwaltic ya yal: —Ma sna'ic te toj ya x'at'ejique; ya scanantayic ta muc'ul naetic yu'unic te bila la yelc'anic tel ta swenta uts'inwanej —xi'.