Eclesiastés 3:7 - Bible in Tzeltal de Oxchuc y Tenejapa

⁷ Ay yorail ta jatsel, soc ay yorail ts'isel. Ay yorail ch'abal q'uinal, soc ay yorail aiyej.

Bible in Tzeltal Bachajón

⁷ ay yorahil ta jatsel, ay yorahil ta ts'isel; ay yorahil ch'abal ta c'op, ay yorahil ya xc'opoj;

Eclesiastés 3:7 Referans Kwoze

Miqueas 7:5

Ma xach'uunbey sc'op te apat-axujq'ue, ni ma me smuc'ulin awo'tan te ajoye; ya me atsajtay aba te ya xc'opojat soc te awiname.

Amós 5:13

Ja' yu'un te mach'a p'ije ma xju' yu'un te ya xc'opoje, melel bolobenix te q'uinale.

Hechos 4:20

Melel ma xju' ya jcom jbatic ta yalel te bila quilojtique soc te bila caiyojtic stojole —xiic.

Lamentaciones 3:28

Te winique jichuc nax ainuc stuquel soc ch'abaluc nax teme tulan ya x'ac'bot yu'un te Cajwaltique.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

Ester 7:4

Melel te jo'on soc te jlumale quich'ojtic chonel swenta yu'un jc'axel ya yich' tup'el jts'umbaltic. Te lajuc quich'tic chonel swenta mozoile, ma'yuc bi ya cal yu'un te jichuque, ja'uc me to, te jcontroe ya ma xch'aybat bayal te bila ay awu'un te muc' ajwalilate —xi'.

Amós 8:3

Te bi c'aalil ya cale, te c'ayojetic ta muc'ul palacio ya me xc'atp'ujic ta oq'uel. Bayal mach'a ya xlajic, soc ya me yich'ic ch'ojel loq'uel te sbaq'uetalic, ma'yuc mach'a ya xc'opoj. Ja' tulan ya cal jo'on te Ajwalilone —xi'.

Jeremías 8:14

Te lum ya me yalic: —¿Bistuc ya x'ainotic li'to? Ya xbootic jpisiltic ta lumetic te tulanic sts'ajc'ule, repente ya smilotic ta jc'axel. Te Cajwaltic te Dios cu'untic ya yac'otic ta lajel; ya yac'botic cuch'tic ja' te capal soc veneno, melel yacotic ta spasel mulil ta stojol.

Isaías 36:21

Ch'abalic jilel, ma la sujt'esic jp'aluc te aiyeje, melel te muc' ajwalil Ezequías yaloj mandal te ma me sjaq'uic jtebuc.

Salmos 39:2

La jcom jba, ma ba c'opojon, jichuc uma'. Ni ja'uc loc' ta que te bila lec ta alele. Pero bebe toyel te xc'uxul la caiye;

2 Reyes 6:30

C'alal la yaiy te muc' ajwalil te bi la yal te antse, la sjats sc'u' swenta seña slab yo'tan. Te bit'il ay ta toyol ta sba te sts'ajc'ul te lume, ilot yu'un te mach'atic tey ayic a te slapoj ch'ixal pac' ta sbaq'uetal ta ye'tal te sc'u'e.

2 Reyes 5:7

Te c'alal la yil te carta te muc' ajwalil yu'un Israel, la sjats sc'u' yu'un, swenta seña te la smel yo'tane, soc jich la yal: —¿Yu'un bal Dioson te ya xju' cu'un te ya cac'bey xcuxlejal, soc te ya xju' ya cac' ta lajel, te bit'il la sticunbon tel te jtul winic yu'un ya jch'aybey te xchamele? Tsajtaya awaiyic ta lec, ya me ana'ic te bit'il ya nax sle bi ya yut ya scontroinone —xi'.

1 Reyes 21:27

C'alal te Acab la yaiy spisil, la xch'i' sc'u', la slap ch'ixal pac' soc la scom swe'el. La slap ta wayel te ch'ixal paq'uetic, soc bayal la smel yo'tan spisil ora yu'un.

2 Samuel 3:31

Patil te David la yalbey mandal te Joab soc te jayeb mach'atic sjoineje: —Jatsa ac'u'ic, lapaic ch'ixal pac'. Oq'uetayaic me te Abner —xi'. Te muc' ajwalil David ay bael ta spat te xchajch'anteal.

2 Samuel 1:11

Te David soc te jayeb mach'atic sjoinej, la sjats sc'u'ic seña xc'uxul mel-o'tan.

Génesis 44:34

Te melel ¿bit'il c'an sujt'ucon bael ta bay jtat teme ma ba ya join bael te quijts'ine? Yu'un ma jc'an ya quilbey swocol ta mel-o'tan te jtate —xi' te Judá.

Génesis 44:18

Te Judá noptsaj bael ta stojol te José, jich la yalbey: —Cajwal, wocoluc, aiybon awaiy stojol jc'op, ay bila ya jc'an calbat ta muquen. Ma me xawilintayon te awabatone, melel te ja'ate pajal c'oemat soc te muc' ajwalil faraón.

Génesis 37:34

Jich yu'un te Jacob la xch'i' sc'u' yu'un, la slap xch'ixal pac' yu'un mel-o'tan. Bayal c'aal la yoq'uetay te snich'ane.

Génesis 37:29

C'alal tal yil te pozo te Rubén, ma ba la sta tey a te José. Bayal la smel yo'tan, la xch'i' sc'u' yu'un.

Hechos 9:39

Jich te Pedro la sjoin bael ta ora. Te c'alal c'otic ta Jope, la yiq'uic bael ta xcha'cajal na ta banti tixil sbaq'uetal te Dorcase. Tey c'o staic spisil te me'ba antsetique. La sjoytayic te Pedroe, soc yacalic ta oq'uel, soc la yac'beyic yil te sc'u'-spaq'uic te pasbilic yu'un te Dorcas te c'alal cuxul to ae.

Jeremías 36:24

Te muc' ajwalil soc te mach'atic toyol yat'elic te la yaiyic stojole, ma ba nijc' yo'tanic yu'un, ni seña xc'uxul mel-o'tan la yaq'uic ta ilel.

Job 2:13

La snajc'an coel sbaic ta lum soc te Job. Juqueb c'aal soc juqueb ajc'ubal ainic tey soc a, pero ma'yuc jp'aluc c'op loc' ta yeic tey a, ja' nax la yilbeyic te swocol te Job te mero bayale.

Eclesiastés 3:6

Ay yorail ta leel, soc ay yorail ta ch'ayel. Ay yorail ta q'uejel, soc ay yorail ta ch'ojel.

1 Samuel 10:16

—Jamal la yalbotic te la staiquix te burraetique —la yut te stajune. Pero ma ba la yalbey stuquel te albot yu'un Samuel te ya x'och ta ajwalile.

2 Reyes 18:36

Te mach'atic tey ayic a ma ba c'opojic, ma ba la sjac'beyic ni jp'aluc, melel la yal mandal te muc' ajwalil te ma ba ya sjac'beyique.