Eclesiastés 3:5 - Bible in Tzeltal de Oxchuc y Tenejapa

⁵ Ay yorail ta puquel bael tonetic, soc ay yorail ta tsobel tel. Ay yorail ya spet sbaic, soc ay yorail ya yijq'uitay sbaic.

Bible in Tzeltal Bachajón

⁵ ay yorahil ta puhquel bahel tonetic, ay yorahil ta tsobel tal tonetic; ay yorahil mech'el, ay yorahil mayuc mech'el;

Eclesiastés 3:5 Referans Kwoze

2 Reyes 3:25

Ochic ta lajinel te juju-jpam lumetic yu'unique, nojesbotic ta ton te sq'uinalic yu'un te yawil yawal-sts'unubic, la sbut'beyic spisil te sloq'uibja'etic yu'unic, soc la sts'etbeyic te te'etic te lequic ta lo'el site. Ja' xanix a jil te jpam lum te Kir-hareset sbiile. Pero te soldadoetic te swentainejic jimoch'il, la sjoytayic, tulan la yac'beyic guerra.

Josué 10:27

C'alal ch'ayelix bael c'aal a, te Josué la yal mandal ta cojtesel ta te', soc tey nix ba yaq'uic ta nailch'en ta bay la snac' sbaique. Ta patil la smaquic jilel ta mero muc'ul tonetic, ta mero melel chican to yo'tic.

Joel 2:16

tsobaic te lum yu'un Dios, ch'ultesaic. Tsobaic te mamaletic soc te alaletic, asta te alaletic ya to xchu'unique. Soc te mach'a nujbinelic to, ac'a loq'uicuc tel ta na yu'un nujbinel.

Éxodo 19:15

Te Moisés la yalbey te lume: —Chajbana laj me abaic ta swenta te cha'weje. Ma laj me xajoin ta wayel te awinamique —xi' te Moisese.

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

Eclesiastés 3:4

Ay yorail oq'uel, soc ay yorail tse'ej. Ay yorail mel-o'tan, soc ay yorail pas-q'uin.

Eclesiastés 3:6

Ay yorail ta leel, soc ay yorail ta ch'ayel. Ay yorail ta q'uejel, soc ay yorail ta ch'ojel.