Eclesiastés 3:4 - Bible in Tzeltal de Oxchuc y Tenejapa

⁴ Ay yorail oq'uel, soc ay yorail tse'ej. Ay yorail mel-o'tan, soc ay yorail pas-q'uin.

Bible in Tzeltal Bachajón

⁴ ay yorahil oq'uel, ay yorahil tse'ej; ay yorahil mel-o'tan, ay yorahil ahc'ot;

Eclesiastés 3:4 Referans Kwoze

Romanos 12:15

Ayuc me sbujts' awo'tanic soc te mach'atic ay sbujts' yo'tanic ya awilique. Pajal me x'oq'uex soc te mach'atic ayic ta oq'uele.

Santiago 4:9

Mela awo'tanic soc oq'uetaya abaic. Te atse'ejique ac'a c'atp'ujuc ta oq'uel; te sbujts' awo'tanique ac'a c'atp'ujuc ta mel-o'tan.

Salmos 30:5

Melel buelta nax stuquel te yilimbae, yan te c'uxtayel yu'une sbajt'el q'uinal ay stuquel. Teme ya x'oc'otic ta ajc'ubal, ja'uc me to, ayix yutsil q'uinal ya caiytic ta sacubel q'uinal.

Éxodo 15:20

Jich yu'un te María, ja' te j'alwanej te xwix te Aarón, la stsac te pandereta yu'une. T'unot yu'un spisil te antsetique, ajc'otajic ta stijel te spanderetaique.

2 Corintios 7:10

Yu'un teme ya jmel co'tantic ta stojol te Diose, jich me ya yac' sujt'es co'tantic, soc tey me ya xcolotic a. Jich ma ba ya caiytic xan mel-o'tan ta patil. Yan teme ja' ya jmel co'tantic ta swenta nax te balumilale, ya yac'otic ta lajel stuquel.

San Lucas 1:58

La yaiyic stojol te spat-xujq'ue soc te xchapomal te bit'il bayal c'uxtaybil yu'un te Cajwaltique. Jich tal ta ilel yu'unic. Bayal bujts'naj yo'tanic soc te Elisabete.

San Mateo 11:17

“La coq'uesin camaytic, ma ba ajc'otajex yu'un. La jc'ajintaytic mel-o'tan c'ayoj, ma ba oq'uex yu'un”, te xiique.

San Mateo 9:15

La yal te Jesuse: —¿Ya bal xju' ya smel yo'tan te mach'atic ic'bilic ta il-nujbinel teme sjoinej to sbaic soc a te winic ya xnujbine? Ja'uc me to, ya me sta yorail te ya x'ic'ot loq'uel ta yolilic te winic te nujbinixe. Ja' to me ya xjajch' spasic ayuno abi.

2 Samuel 6:16

Te c'alal c'ot yu'unic ta Lum-yu'un-David te cajón yu'un Cajwaltic, te Mical, te yantsil-nich'an Saúl, la yil ta ventana. C'alal la yil te muc' ajwalil David te yac ta wilel soc yac ta beel ajc'ot ta stojol te Cajwaltic, mero ma lecuc yo'tan yu'un.

Génesis 21:6

Jich la yal ta yo'tan te Sara: “Dios la yac' tse'enucon yu'un, soc jich me ya xbujts'naj yo'tanic spisil mach'atic ya yaiyic stojol te ayix ch'in alal cu'une.

Salmos 30:11

Te oq'uel la ajelbonix ta ajc'ot; la aloq'uesbonix te ch'ixal pac' jlapoj, ja' la awac'bonix jlap te pac' swenta q'uin.

Eclesiastés 3:5

Ay yorail ta puquel bael tonetic, soc ay yorail ta tsobel tel. Ay yorail ya spet sbaic, soc ay yorail ya yijq'uitay sbaic.

Eclesiastés 7:14

Teme bi ora buen lec ayat ya awaiye, aiybeya me yutsilal awaiy; pero teme bi ora ma lecuc ayat ya awaiye, ya me sc'an ya anop awaiy. Melel ta xchebal talem ta stojol Dios, soc te ants-winique ma ba ya sna' te bila ya xc'ot ta swenta ta patile.

Isaías 40:1

Te Dios awu'unic ya yal: —Muc'tesbonic, muc'tesbonic q'uinal yaiy te lum cu'une;

Isaías 40:2

c'oponaic soc yutsil awo'tanic te mach'atic ac'bot yijq'uitayic te Jerusalén, soc albeya yaiyic: te mosoinel ta stojole, lajix sc'oplal, la stojix te faltaetic yu'une. La cac'beyix castigo ta jc'ab, ja' te buen tulan castigo la yich' yu'un spisil te smulique —xi'.