Eclesiastés 3:3 - Bible in Tzeltal de Oxchuc y Tenejapa

³ Ay yorail milaw, soc ay yorail poxtayel. Ay yorail te bila ya yich' jinel, soc ay yorail te bila ya yich' pasel.

Bible in Tzeltal Bachajón

³ ay yorahil milaw, ay yorahil poxtayel; ay yorahil ta jinel, ay yorahil ta pasel;

Eclesiastés 3:3 Referans Kwoze

1 Samuel 2:6

Te Cajwaltic ya yac' lajucotic soc ya yac' cuxinucotic; ya yac'otic coel ta muquenal, soc ya yic'otic loq'uel tel ta muquenal.

Jeremías 45:4

la spason ta mandal te ya calbat ta atojole: “Ya jin te bila ya jpase, soc ya jbul te bila ya jts'une. Jich ya jpasbey ta spamal balumilal.

Jeremías 31:28

Jich bit'il jun co'tan la jpas ta swenta sbulel, ta stijel coel, ta xch'ojel ta lum, ta sjinel, soc ta yac'beyel swocolic, ja' nix jich co'tan ta spasel soc ta sts'unel xan. Jo'on Ajwalilon, jich ya cal.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.

Isaías 44:26

Ja'uc me to, ja' ya cac' c'otuc ta pasel sc'op te abatetic cu'une; soc te lecuc ya xc'ot ta loq'uel te bitic chajbanbil yu'un te mach'atic jticuneje. Ya me cal ta jamal, te Jerusalén ya xnoj xan yajwal, soc te lumetic yu'un ta Judá ya me yich' xan pasel. Jo'on ya cac' jajch'uc xan te jinem ts'ajq'uetic yu'une.

1 Samuel 2:25

Teme ay mach'a ya sta smul ta stojol te sjoy ta ants-winiquil, ya xchajbanot yu'un Cajwaltic; pero teme ay mach'a ya sta smul ta stojol te Cajwaltique, ¿mach'a c'an coltayotuc yu'un stuquel? —xi' te Elí. Pero te nich'aniletic ma la yich'beyic ta muc' sc'op te statique, melel ja' ay ta yo'tan Cajwaltic te ya slajinbey xcuxlejalique.

Ezequiel 13:14

Ya me cac' jinuc coel te ts'ajc' la asacubtesic ta bonel ta tane. Ya me cac' jinuc coel ta lum, chican me ya xjil te sts'ajc'ul ta xjajch'ibale. Te ts'ajq'ue jc'axel me ya xjin coel. Te ja'exe tey me ya xlajex ta tenel a. Jich me ya ana'ic a te jo'on Ajwalilone.

Jeremías 33:6

Ja'uc me to ya jpoxtay, ya cac' lecubuc q'uinal yaiyic, soc ya me cac' yaiybeyic yutsilal ta lec te lamal-o'tanil, soc ya me cac' te jun yo'tanique.

Zacarías 1:12

Te ch'ul abat yu'un Cajwaltic, jich la yal: —Cajwal te Spisil ya xju' awu'une, ayix ta lajuneb xchanwinic (70) ja'wil te ilinemat ta stojol te Jerusalén soc te lumetic yu'un Judá. ¿Bi to ora soc bi to c'aalil te ya acha'na'bey xan yo'bolil sbaique? —xi'.

Génesis 9:6

Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

Jeremías 1:10

—Jo'on ya cac'bat jc'op ta awe. Yo'tic ya cac'bat awich' tulan awat'el ta bay ya xmandalaj ajwaliletic soc nacionetic, ta swenta sbulel soc swuyel coel, ta swenta sjinel soc ta slilanel, soc nix ta swenta spasel soc sts'unel —la yuton.

Hageo 1:2

Te Cajwaltic te Spisil ya xju' yu'un jich la yal ta swenta te j'alwaneje: —Te winiquetic ya yalic te ma to yorailuc te ya yich' xan cha'pasel te templo cu'une.

Hageo 1:4

¿Ja'ex nax bal c'otix yorail te ya xju' ya xnainexix ta buen t'ujbil naetique, manchuc me ja' jinem to stuquel te templo cu'une?