Eclesiastés 3:2 - Bible in Tzeltal de Oxchuc y Tenejapa

² Ay yorail ayinel ta q'uinal, soc ay yorail lajel bael ta q'uinal. Ay yorail ts'unbajel, soc ay yorail ta bulel te bi la yich' ts'unele.

Bible in Tzeltal Bachajón

² Ay yorahil ayinel, ay yorahil ya xcham; ay yorahil ts'umbajel, ay yorahil ta bulel;

Eclesiastés 3:2 Referans Kwoze

Hebreos 9:27

Jich bit'il jun nax buelta te ya xlajotique, soc patil ay ich'el ta c'op,

Job 14:5

Teme melel te ja'at nix ya awajtaybey te jayeb c'aal ya xcuxin te winique, teme ja'at ya awac'bey seña te banti ma xju' ya xc'axe,

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

San Lucas 1:20

Te bit'il ma la ach'uun te bila la calbate, jich yu'un ya me xc'atp'ujat ta uma'. Ma xju' xc'opojat ja' to te c'alal ya sta yorail ya xc'ot ta pasel te bila la calixe —xi' te ch'ul abate.

San Mateo 15:13

La yal te Jesuse: —Spisil awal-ts'unubil teme ma ja'uc la sts'un te Jtat te ay ta ch'ulchane, ya me yich' bulel loq'uel.

San Juan 16:21

Jich bit'il jtul ants te yorailix ya x'alaje. Bayal ya smel yo'tan yu'un te jajch'ix xc'uxul te swocole, melel la staix yorail. Ja'uc me to, c'alal ayinemix a te yale, ma ba ya sna'ix xan xc'uxul te swocole, yu'un bujts'najix yo'tan yu'un te ayinemix squerem-ale.

Isaías 38:1

Ja' jich sc'aalelal a te tsacot ta tulan chamel te Ezequías. Te j'alwanej Isaías, te snich'an Amoz, ba yil soc jich la yalbey: —Te Cajwaltic la yal: “Ala me xan jilel te slajibal ac'op ta stojol te mach'atic ay awu'une, melel ya me xlajatix. Ma xcolat ta poxtayel”, xi' me —xi'.

Job 7:1

“Te xcuxlejal te winic li' ta balumilale, ja' pajal soc te jayeb ja'wil te yac'oj sba ta soldadoil te jtul winique,

Hechos 7:20

Te c'alal jich yac ta pasele, jich yorail ayin uuc te Moisés te lec yo'tan Dios yu'une. Te sme'-state, la xch'ijtes oxeb u ta sna.

Hechos 7:17

“Te c'alal nopol yorail ya xc'ot ta pasel te bila jamal yaloj Dios ta stojol te Abrahame, te lume muc'ub soc esmajic ta sq'uinal Egipto.

San Juan 7:30

Yo'tan c'an stsaquic ta ora, ja'uc me to, ma'yuc mach'a yal sc'ab, yu'un ma to xc'ot te yoraile.

San Lucas 1:36

Soc ya calbat awaiy: Te achapomal Elisabet ay me yic'ojix yal manchuc teme me'elixe. Albil sc'oplal te xujt' ma x'alaje, ja'uc me to, swaquebalix u yic'bel te yale.

San Lucas 1:13

Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Mateo 13:41

Te Nich'anile, ya me sticun te ch'ul abatetic yu'une. Ya xba stsobic loq'uel te mach'atic ya syaleswanic ta mulile soc te mach'atic ya spasic bayal ta jten muliletique.

Jeremías 45:4

la spason ta mandal te ya calbat ta atojole: “Ya jin te bila ya jpase, soc ya jbul te bila ya jts'une. Jich ya jpasbey ta spamal balumilal.

Jeremías 1:10

—Jo'on ya cac'bat jc'op ta awe. Yo'tic ya cac'bat awich' tulan awat'el ta bay ya xmandalaj ajwaliletic soc nacionetic, ta swenta sbulel soc swuyel coel, ta swenta sjinel soc ta slilanel, soc nix ta swenta spasel soc sts'unel —la yuton.

Isaías 54:1

Awunan yu'un yutsil awo'tan, ja'at te ma x'alajat, te ma'yuc awalataque; c'ajinan yu'un smuc'ul awo'tan, ja'at te jc'axel ma ba awac'oj awale. Melel te Cajwaltic ya yal: —Te ants te pijt'emix jilel, c'ax jich ya sta bayal yalatac a te bit'il te ants te ay smamlale —xi'.

Isaías 38:5

te ya xbajt' ta yalbeyel te Ezequías: —Te Cajwaltic, te Dios yu'un te antiguo amam David, ya yal: “La caiy stojol te la ac'oponon, soc la quil te ya'lel asit yu'un te oq'uele. Ya cac'bat xan jo'lajuneb ja'wil acuxlejal.

Salmos 113:9

Te ants te ma ba alajem ya yac'bey yutsil yo'tan ta alajel, ya yac'bey sjoin ta nainel te yalataque. ¡Bin nax yutsil te Cajwaltique!

Salmos 52:5

Pero Dios me ya slajinat, sbajt'el q'uinal ya awich' lajinel yu'un; ya me awich' tsaquel yu'un, ya me xch'ojat loq'uel ta ana; soc ya me slajinbat ta jc'axel te acuxlejale.

Job 14:14

Teme laj te winique, ¿ya to bal xcha'cuxin xan? Te jayeb c'aal cuxulone ya me jmaliy, ja' to te c'alal ya sta yorail te ya xc'ax te jwocole.

2 Reyes 4:16

Te Eliseo jich la yalbey: —Te ja'wil ya xtal, jich bit'il ora to, apetoj meix awal a —la yut. La sjac' te antse: —Ma niwan, tatic. Ja'at te swinicat Dios, ma me xalo'layon te jo'on awabatone —xi'.

1 Reyes 13:2

Ta swenta smandal te Cajwaltic, tulan c'opoj ta swenta scontroinel te scajtijib majt'anil yu'un loc'omba, jich la yal: —Ja'at scajtijib ta chiq'uel majt'anil, ja'at scajtijib ta chiq'uel majt'anil, jich ya yalbat te Cajwaltique: “Ta swenta sts'umbal te David ya x'ayin jtul alalquerem, Josías sbiil ya xc'ot, ja' me ya smilbat ta aba te sacerdoteetic ta toyol ch'uunjibaletic, te yacal xchic'belic pom ta aba, soc ta aba ya me xchic' sbaquel mach'atic lajemic”, xi' te Cajwaltique —xi'.

1 Samuel 2:5

Te mach'atic ay sobra swe'elic ta neelal to, yo'tic ya xbajt'iquix ta le-at'el swenta jxejt' pan; yan te mach'atic ay swi'nal ta neelal to, yo'tic ma'yuquix swi'nalic. Te ants te ma ba la yac' yal ta neelal to, yo'tic ac'botix tsobol yalatac yu'un Dios; yan te mach'a ay bayal yalatac, yo'tic ma'yuquix yutsil q'uinal ya yaiy.

Deuteronomio 34:5

Jich laj ta sq'uinal Moab te Moisés te abat yu'un Dios, jich nix te bit'il albot yu'un te Cajwaltique.

Génesis 47:29

La sta yorail te la sna' stojol te mamal Israel te nopol ya xlajixe, jich yu'un la sticun ta iq'uel te snich'ane, ja' te José. Jich la yalbey: —Teme c'uxon ta awo'tane, ac'a tel ac'ab ta yanil ca', ya me awalbon ta stojol Dios te puersa me ya xc'ot ta pasel awu'un te bila ya calbate. Wocoluc, ma me x'amucon li'to ta bay Egipto.

Génesis 17:21

Yan te Isaac jc'axel me ya jpas trato soc stuquel, ja' me te anich'an ya x'ayin ta swenta Sara ta yan ja'wil, jich ora te bit'il to —xi' sc'oplal yu'un.

Proverbios 24:27

Ac'a ap'olmal ta calle, pasa awat'el ta aq'uinal; patil ya me xju' awu'un spasel ana.

Isaías 28:24

Jich bit'il mach'a ay ta pas-c'altic te ya xba yaiy ts'unbajel, ma puro wuy-lumuc ya xc'ax c'aal yu'un, ta swuyel ta spajel te sq'uinale.