Eclesiastés 3:16 - Bible in Tzeltal de Oxchuc y Tenejapa

¹⁶ La quilix ta lec ta balumilal te ya jtatic te bitic amen ta banti sc'oplal ay lequil chajbanele, soc ya jtatic te bitic ma lecuc ta pasel ta banti sc'oplal ay stojil te c'ope.

Bible in Tzeltal Bachajón

¹⁶ Ay to xan yan la jquil ta ye'tal ch'ulchan: te banti ay chahpanwanej, ay bin chopol tey a; te banti ay stojil ta pasel, ay mulil tey a.

Eclesiastés 3:16 Referans Kwoze

Eclesiastés 4:1

Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Hechos 23:3

La yal te Pabloe: —¡Dios ya me smajat uuc ja'at te cha'lam awo'tane! ¿Ja'at bal te nacalat ta chajbanwanej ta swenta te mandalile? Melel contra mandalil te la awac'on ta majele —xi' te Pabloe.

Santiago 2:6

Yan te ja'exe ya awilayic te me'bae. ¿Ma bal ja'uc ya yac'beyex awocolic te jc'ulejetique? ¿Ma bal ja'uc nix te ya yiq'uex bael ta stojol te jchajbanwanejetique?

San Mateo 26:59

Te jwolwanej-sacerdoteetic soc te principaletique soc ta spisil te Muc'ul Tsoblej yu'unique la sleic lotil testigoetic swenta yu'un jich ya xju' ya yaq'uic ta lajel te Jesuse.

Sofonías 3:3

Te jtsobwanejetic awu'un jich ya x'awunic te bit'il león-choj; te jchajbanwanejetic awu'un jichic te bit'il ja'mal ts'i'ta jochol taquin q'uinal, ma'yuc jch'ixuc bac ya yijq'uitay ta swenta te pajele.

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.

Miqueas 2:2

Ya sbic'tal-o'tantayic q'uinaletic, jich ya spojic; ya sbic'tal-o'tantayic nanatic, jich ya yu'uninic. Ya stenic ta uts'inel ants-winiquetic, soc te mach'atic ay yu'unique, soc te bitic ay yu'unique.

Isaías 59:14

Ja' ilaybil c'ot te toj-o'tanile; c'ubul ayotic yu'un te bila toj ta pasele. Te smelelil la sc'ojch'in sba c'oem ta parque; te toj-o'tanile ma'yuc bay ya xju' ya xtal.

Eclesiastés 8:9

Spisil la quil te c'alal mero la cac' co'tan ta sna'el te bitic yac ta pasel ta balumilale, soc la quil te ay yip te winic ta yuts'inel te sjoy ta winiquile.

Eclesiastés 5:7

Ja' yu'un te ja'ate, ta yolil te tojol ipal ch'inch'in c'opetic te pajal soc waichile, ya sc'an ya awac' ta ilel te awich'oj ta muc' te Diose.