Eclesiastés 3:12 - Bible in Tzeltal de Oxchuc y Tenejapa

¹² Ya jna' te bi mero lec ya spas te ants-winiquetique: Ya sc'an te ya sc'ases yo'tanic ta smulanel te bitic aye, soc ya sc'an ya yaiybeyic yutsilal te cuxlejale.

Bible in Tzeltal Bachajón

¹² Jna'oj te mayuc yan bin lec ya spas te ants-winic, ha nax te tse'eluc yo'tan soc te lecuc bin ya spas ta scuxlejal;

Eclesiastés 3:12 Referans Kwoze

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

Eclesiastés 3:22

La jna'beyix swentail ta lec, te ma'yuc bi mero t'ujbil ta mulanel te ya yaiybey yutsilal te winique, ja' nax te ya stuuntes te yat'ele. Ja' nax yu'un abi, melel ma'yuc mach'a ya xbajt'ic ta iq'uel tel yu'un, te ya xtal yil xan te bi ya xc'ot ta pasel te c'alal lajemixe.

1 Timoteo 6:18

Albeya te ac'a yat'elinic spasel spisil te bila lec ta pasele. Ja'uc me sc'ulejalic ya xc'ot te lequil at'eliletic ya spasique. Toyoluc me yo'tanic ac'a yaiyic c'uxtaywanej soc majt'anteswanej.

Hechos 20:35

Spisil ora la cac'beyex awilic te bit'il ya sc'an ya x'at'ejotic ta lec ta jpisiltique, swenta yu'un jich me ya jcoltaytic te mach'atic ay swocolic te ma'yuc bi ay yu'unique. Ac'a juluc ta awo'tanic te jich la yal te Cajwaltic Jesuse: “Ja' me bin nax yutsil te mach'a ay bila ya yaq'ue, ma ja'uc te mach'a ay bila ya yich'e”, te xie —xi' te Pabloe.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

Isaías 64:5

Te ja'ate jun awo'tan ya awic' te mach'a ya spas bila lec soc yutsil yo'tane, soc teme ya sna' ta yo'tan spasel te bila ya sc'an awo'tan te ja'ate. Ilinemat, melel jtaojtic jmultic; ayix bayal ja'wil te la cac'tic bolobuc awo'tan cu'untique.

Deuteronomio 28:63

Jich te bit'il bin nax yo'tan la yac'bat awutsilal, soc te la yac' esmajan te Cajwaltic Diose, ja' ni me jich bin nax yo'tan ya sjinat soc ya slajinat. Ora nax me ya awich' bulel loq'uel tey ta lumq'uinal ya awich'e,

Deuteronomio 12:7

Ya me xwe'ex tey a ta stojol te Cajwaltic te Dios cu'untique. Bin nax me awo'tanic soc mach'atic ay awu'unic yu'un te sit te awat'elique, ja' te banti la yac'beyex bendición te Cajwaltic te Dios cu'untique.

Deuteronomio 12:18

Ja' nax me ya xju' ya awe'ic ta swenta te Cajwaltic te Dios cu'untic tey ta banti ya stsa stuquele, soc me te anich'nabic, te abatetic awu'unic soc te levitaetic te nainemic ta banti ayexe. Jich me bin nax awo'tanic ya awe'ic te sit te awat'elique.

Deuteronomio 26:11

Patil ya me apas q'uin yu'un ta spisil te bitic yac'ojbat soc mach'atic ay awu'un te Cajwaltic te Dios cu'untique. Soc ya me awic' te levitaetic soc te jyanlumetic ay ta awolilique, swenta yu'un pajal me ay yutsil awo'tanic soc.

Eclesiastés 2:3

Ta co'tan ja' yic'ojon la caiy a te p'ijil-o'tanile, la jc'an jmulanbey yutsilal vino, la cac' jba ta sc'ab c'oem, swenta yu'un ya quil teme ja' lec ya xc'ot a te winic teme ya yuch' te jayeb c'aal ajtaybil te ya x'ain ta balumilale.

Eclesiastés 2:24

Te bi mero lec ya sc'an ya spas te winique, ja' te ya xwe' ya x'uch'e, ac'a yaiybey yutsilal te yat'ele. Jna'oj te spisil talem ta stojol te Diose.

Eclesiastés 8:15

Ja' yu'un te jo'one ya cal te ja' ya jmulan te yutsil-o'tanile. Te bila ya sc'an ya spas te mach'a jayeb c'aal ay xcuxlejal yu'un Dios ta balumilale, ja' te we'el, uch'el soc yaiybeyel yutsilal te ainel ta balumilale, te ja' nix ac'bot yu'un te yat'el te jayeb c'aal ac'bot cuxlejal ta q'uinal yu'un te Diose.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.