Eclesiastés 3:10 - Bible in Tzeltal de Oxchuc y Tenejapa

¹⁰ La jna'ix te ijc'atsil ya x'ac'bot scuch yu'un te Diose, swenta yu'un ya yac' bic'tajuc a.

Bible in Tzeltal Bachajón

¹⁰ Quiloj te a'tel ya x'a'bot yu'un Dios te yal-snich'nab ants-winiquetic yu'un ya yo'tantayic spasel.

Eclesiastés 3:10 Referans Kwoze

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

2 Tesalonicenses 3:8

soc ma jmajt'anticuc we'otic yu'un yan. Lubotic ta at'el ta c'aal ajc'ubal, yu'un ma la sc'an co'tantic te la cac'beyex awocolic jtuluc te ja'exe.

1 Tesalonicenses 2:9

Quermanotac, na'aic me te bit'il lubon ta sleel te bila tuun cu'une. At'ejon ta c'aal ajc'ubal, yu'un ma la jc'an te la cac'beyex awocolic te c'alal yacon ta xcholel ta atojolic te lec yach'il c'op yu'un te Diose.

Eclesiastés 11:5

Jich te bit'il ma ba ya ana' banti ya xbajt' te iq'ue, soc jich te bit'il ma ba ya ana' bit'il ya xchajbaj ta xch'ujt' sme' te alale, ja' nix jich ma xju' awu'un sna'el te bila ya spas te Diose, ja' te mach'a la spas spisil te bitic aye.