Eclesiastés 3:1 - Bible in Tzeltal de Oxchuc y Tenejapa

¹ Ta balumilal spisil ay yorail ta pasel. Ay yorail ta jujun te bila ya xc'ot ta pasele:

Bible in Tzeltal Bachajón

¹ Spisil ay yorahil; ay yorahil spisil te bin ya yich' pasel ta ye'tal ch'ulchan:

Eclesiastés 3:1 Referans Kwoze

Eclesiastés 3:17

Ja' yu'un te ya cale, te Dios ya xchajbanot yu'un te mach'a lec yo'tane, soc Dios ya xchajbanot yu'un te mach'a amen yo'tane. Melel ay yorail yu'un spisil te bitic ya xchicnaje, soc ay yorail yu'un te bitic ya xc'ot ta pasele.

San Mateo 16:3

Soc te c'alal sacubix a te q'uinale, jich ya awalic: “Yo'tic ya xtal ja'al, yu'un tsaj te ch'ulchan soc ay tocal”, xaex yu'un. ¡Cha'lam awo'tanic te ja'exe! Ya ana'ic stsajtayel te bi yilel te q'uinale, ja'uc me to, ya awalic te ma x'ana'ic stsajtayel te señaetic yac ta coel ta pasel ta ora to.]

Eclesiastés 7:14

Teme bi ora buen lec ayat ya awaiye, aiybeya me yutsilal awaiy; pero teme bi ora ma lecuc ayat ya awaiye, ya me sc'an ya anop awaiy. Melel ta xchebal talem ta stojol Dios, soc te ants-winique ma ba ya sna' te bila ya xc'ot ta swenta ta patile.

2 Reyes 5:26

Pero te Eliseo puersa jich la yal: —Te c'alal te jtul winic co ta scarreta yu'un stabelate, tey joinejat la caiy ta co'tan a. Pero ma yorailuc ta ich'el taq'uin soc c'u'iletic, ni ja'uc ya xju' ta manel awalts'unubil, chijetic, wacaxetic, abatetic soc criadaetic.

Proverbios 15:23

Bin nax co'tantic yu'un teme ya jtabeytic sujt'ib te c'op te mero snujp'e, soc c'axem to xan bin nax co'tantic yu'un teme ta yorail ya jtatique.

Eclesiastés 2:3

Ta co'tan ja' yic'ojon la caiy a te p'ijil-o'tanile, la jc'an jmulanbey yutsilal vino, la cac' jba ta sc'ab c'oem, swenta yu'un ya quil teme ja' lec ya xc'ot a te winic teme ya yuch' te jayeb c'aal ajtaybil te ya x'ain ta balumilale.

Eclesiastés 2:17

Asta ma la jmulan te jcuxlejale, melel spisil te bitic ya yich' pasel ta balumilal, ma ba la smulanix co'tan. Melel, mero tojol ta jyalel ta spisil. Ja' pajal soc te yacuc jtsactic te iq'ue.

2 Crónicas 33:12

Ja'uc me to, te c'alal la sta woclajel te Manasés, la sc'opon te Cajwaltic Dios yu'une, c'axem to xan la spejc'an sba ta stojol te Dios yu'un antiguo sme'-state.

Eclesiastés 1:13

Soc sp'ijil co'tan la cat'elin yilel soc snopel spisil te bitic ya yich' pasel ta balumilal. Ja' jich ay te bit'il Dios yac'ojbey yijc'ats te winiquetic, swenta yu'un ya yac' bic'tajuc ta stojol.

Proverbios 24:27

Ac'a ap'olmal ta calle, pasa awat'el ta aq'uinal; patil ya me xju' awu'un spasel ana.

Jeremías 46:17

“Ac'beya yixta-biil faraón te muc' ajwalil yu'un Egipto: “Jtojol ch'inch'onel”, xiuc me.