Eclesiastés 2:9 - Bible in Tzeltal de Oxchuc y Tenejapa

⁹ Mero muc' jc'oplal ta winiquil, c'axem jich biluc cu'un a te bit'il yantic neel c'axic cu'un ta Jerusalén. Manchuc me jich ayon a, pero ma ba la spijt'eson te p'ijil-o'tanile.

Bible in Tzeltal Bachajón

⁹ C'ax hich muc' jc'oblal c'oht a te bin ut'il spisil te mach'atic nahil ay cu'un ta Jerusalén. Ta spisil ini, la sjoquinon te p'ijil-o'tanile.

Eclesiastés 2:9 Referans Kwoze

1 Crónicas 29:25

Te Cajwaltic la yac'bey ich'otuc ta muc' ta c'axem to xan ta spamal sq'uinal Israel. La yac' xojobajuc yutsilal te mandaltesel yu'une, te ma'yuc bay ni jtebuc pasbot jich jtuluc ajwalil te neel c'ax ta muc' ajwalil ta Israel.

Eclesiastés 1:16

Ja' yu'un jich la cal ta co'tan: “Te jo'one, mero muc' jc'oplal ta winiquil yu'unic, c'axem jich jp'ijil a te bit'il te yantic mach'atic neel c'axic ta muc' ajwalil ta Jerusalén. Melel jc'axel la cac' jba ta stael sc'ubulil te p'ijil-o'tanil, soc ta sna'el swentail te bitic aye, soc nix te bitic ma lecuc soc te bol-o'tanile. Tic' la yac'bon jna' ya caiy a te ja' nix te ya jc'an ya jtsac te iq'ue”, xoon.

1 Reyes 10:23

Te muc' ajwalil Salomón ja' toyol c'ot yu'un spisil muc' ajwaliletic ta balumilal, ta swenta sc'ulejal soc ta swenta sp'ijil.

2 Crónicas 1:1

Te Salomón snich'an David la sta yip te yat'el ta muc' ajwalil te la yich' coltayel yu'un te Cajwaltique, mero c'ax muc'ub ta jyalel te yat'ele.

1 Reyes 10:7

Pero ja' to la jch'uun a te c'alal mero jo'onix talone, soc te la quilix ta mero jsite. Te mero melel, ma ba staoj olil te bit'il caiyoj te ap'ijil soc te bitic ay awu'une, melel c'axem jich a te bit'il caiyoje.

1 Reyes 3:12

Ja' yu'un, ya me cac'bat te bila la ac'anbone. Ya me cac'bat ana' spisil, soc ya me cac'bat sp'ijil awo'tan yu'un stsajtayel spisil. Ma'yuc jich sp'ijil yich'ojic te mach'atic neel c'ax awu'une, soc ni ayuc mach'a jich ya yich' xan te mach'a patil awu'une.

Eclesiastés 5:11

melel teme ay bayal awu'une, ja' nix jich bayal ya alajin. ¿Bi ya xloc' a te ay awu'une? ¿Ja' xanix bal te ya amulan yilel te jayeb ay awu'une?