Eclesiastés 2:8 - Bible in Tzeltal de Oxchuc y Tenejapa

⁸ Bayal oro soc plata la jbusan ta tsobel, c'ulejaliletic te ja' yu'unic a te yantic muc' ajwaliletic soc ay tal ta yantic q'uinaletic. Ay jc'ayoj-winiquetic cu'un, soc ay jc'ayoj-antsetic cu'un, soc la jmulanbey yutsilal te ch'ich'-baq'uete, ma'yuc la spason falta antsetic.,

Bible in Tzeltal Bachajón

⁸ La jtsob bayel plata soc oro, soc c'ulejaliletic yu'un ajwaliletic soc yu'un yantic q'uinaletic. La jquic' jc'ayoj-winiquetic soc antsetic, soc bayel yantic antsetic, ha te bintic ya sc'an yo'tan te yal-snich'nab ants-winiquetic.

Eclesiastés 2:8 Referans Kwoze

1 Reyes 10:10

Jich ora la yac'bey oxmil soc waxacwinic yoxbajc' (3,960) kilo oro, soc bayal perfumeetic soc t'ujbil tonetic. Ma'yuc yan jich bayal perfume c'ot ta Israel a te bit'il c'o sq'uebanbey te muc' ajwalil Salomón te antsil-ajwalile.

1 Reyes 9:28

C'otic ta sq'uinal Ofir. Tey la yich'ic bael jteb ma staoj chanlajunmil (14,000) kilo oro. La yich'beyic bael te muc' ajwalil Salomón.

2 Samuel 19:35

melel ayix chanwinic (80) ca'wilal. Ch'ayix sbujts' ya caiy te bi ya jwe'e, soc te bi ya cuch'e, ma xju'ix ya cal teme buen bujts'ane, o teme ma bujts'anuque. Soc ma ba ya caiybeyix te sc'ayojic te winiquetic soc te antsetique. ¿Bi yu'un ya xc'atp'ujon ta ijc'atsil c'oem ta atojol, muc' ajwalil?

1 Reyes 10:14

Te jayeb oro la yich' ta swenta jujun ja'wil te Salomón, la sta cheb xcha'winic ta jmil (22,000) kilo.

Amós 6:5

Ya atijic arpa te ya smulan awo'tanic; ya ac'ainbeyic yat'el David,ya anopic te bit'il ya sc'an pasel yantic músicaetic.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Daniel 3:7

Jich nix la spasic a, te c'alal la yaiyic ta spisilic te mach'atic stsoboj sbaic te c'opojix te at'ejibaletic yu'un música, la squejan sbaic, la xch'uunic te loc'omba pasbil ta oro.

Daniel 3:5

Te c'alal ya awaiyic te ya x'oq'uesinot te oq'ues, amay, cítara, lira, salterio, gaita, soc ta spisil at'ejibaletic yu'un música, ya me aquejan abaic ta ora ta stojol ta xch'uunel te loc'omba pasbil ta oro, te ja' la yac' ta pasel te muc' ajwalil Nabucodonosor.

Esdras 2:65

Ma ba ajtaybil stuquelic te manbil abatetic antsetic winiquetic, te ay jucmil soc juclajuneb sjuclajunwinic (7,337) ta jtul. Soc ay lajunwinic (200) jc'ayoj winiquetic soc antsetic.

2 Crónicas 9:11

Te muc' ajwalil la spas barandaletic a te sándalo-te' ta templo yu'un te Cajwaltic soc ta bay spalacio, soc la yich' pasel arpaetic a soc salterioetic yu'un te jtij-musicaetique. Ma'yuc bay jich ta ilel yutsil ta sq'uinal Judá te bit'il to.

1 Crónicas 25:6

Ta spisilic ja' ya xjajch'esotic ta c'ayoj yu'un te static, te c'alal ya xcajinic ta yorail yalel wocol Dios ta templo, joinbilic yu'un te platilloetic, soc te salterioetic soc te cítaraetique. Te Asaf, Jedutún soc Hemán ayic ta mandaltesel yu'un te muc' ajwalile.

1 Crónicas 25:1

Te David soc te jtsobwanejetic yu'un te mach'atic ayic ta abatinel ta templo, la yac'bey yat'elic te snich'nab Asaf, Hemán soc Jedutún, ja' te mach'atic ya yalic te bila ya x'albot ta yo'tanic yu'un Dios te c'alal yacal ta tijel arpaetic, salterioetic soc te platilloetique. Ja' slistail sbiilic te mach'atic ay ta swentaic spasel:

1 Reyes 14:27

Te muc' ajwalil Roboam la spasbey sjelol, te pasbil ta bronce, la yac'bey ta swenta te canantaywanej-soldadoetic, te yacalic ta yilel te yochibal sna te muc' ajwalile.

1 Reyes 10:21

Ta spisil te vasoetic yu'un te muc' ajwalile, pasbil ta puro oro, ja' nix jich ta spisil te trasteetic te ya xtuun ta sna te muc' ajwalil, te Bosque-yu'un-Líbano sbiile. Ma'yuc jxujt'uc plata, melel ta yorail Salomón, ma'yuc ta wenta ta lec te plata, peq'uel stojol stuquel,

1 Reyes 9:14

Te oro la sticunbey Salomón te Hiram, oxmil soc waxacwinic yoxbajc' (3,960) kilo ta spisil.

1 Reyes 11:3

Ay jo'lajunwinic xcha'bajc' (700) ta jtul te mero la yinamine, soc jo'lajunwinic (300) ta jtul yantic antsetic yu'un. Te antsetic yantesbot yo'tan yu'un te Salomón.