Eclesiastés 2:6 - Bible in Tzeltal de Oxchuc y Tenejapa

⁶ La jpasbey yawil ja' yu'un ja'etic, yu'un ya yich' ajch'esel a te te'etic la jts'une.

Bible in Tzeltal Bachajón

⁶ La jpasticlan yawil ha'etic yu'un ya yich' ahts'esel a te te'etic yaquic ta ch'ihyele.

Eclesiastés 2:6 Referans Kwoze

Nehemías 2:14

Patil boon xan ta stojol yochibal lum Sloq'uibja' sbiil soc ta yawil ja' te Muc' Ajwalil sbiile, pero te jburroe ma ba ju' c'ax tey a.

Jeremías 17:8

Jich me c'oem te bit'il te' ts'unul ta ti'ja', te ya yac' bael yisim ta bay ya x'oquin bael te ja'e. Ma xiw c'alal ya xtal yorail te xc'uxul c'aale; te yabenale spisil ora yaxuben. Ta yorail q'uepel te q'uinale ma xwoclaj; soc ma xcom ta yaq'uel sit ta yorail.

Cantares 7:4

Te anuc', pajal soc balal ts'ajc' ch'albil ta marfil. Te asite, pajal soc cheb estanque yu'un ja' te ay ta lum Hesbón, te ay ta sts'eel yochibal Bat-rabim. Te ani', pajal soc balal ts'ajc' yu'un Líbano te jich ay bael ta stojol lum Damasco.

Salmos 1:3

Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

Nehemías 2:8

Soc yan xan jun ts'ibubil yu'un ya xc'o cac' ta stojol Asaf te ja' jcanan-te'etic yu'un te muc' ajwalile, swenta yu'un yacuc yac'bon te' swenta yu'un ya me cac'bey xan te spuertail te toyol ts'ajc' yu'un te templo, soc nix te sjoyob ts'ajc'ul te lume, soc nix te na banti ya xnainone —la cut. Te muc' ajwalile spisil la yac'bon, melel ja' nix te Dios cu'un te la scoltayon ta c'op ta swenta te yutsil yo'tane.

Nehemías 3:15

Salum snich'an Colhoze, ajwalil yu'un te smaquen q'uinal Mizpa, la xcha'pasbey xan te yochibal lum Sloq'uibja' sbiile. La xcha'pas xan, soc la spasbey yaxibal, soc la yac'bey sti' soc syaweal soc pasador, soc la xcha'pas xan te sts'ajc'ul te estanque yu'un Siloé, te nopol ay soc Ts'unbil Nichimaltic yu'un muc' ajwalil, c'alal ta cajal caj tejc'abal te coem tel ta muc'ul Lum-yu'un-David.

Nehemías 3:16

Nehemías snich'an Azbuc, ajwalil yu'un te olil smaquen q'uinal Bet-sur, ja' la spas xan te jmajc' joyob ts'ajq'ue, c'alal ta yelawal yu'un smuquenal David, c'alal ta stsobjibal ja' soc c'alal ta sna soldadoetic.