Eclesiastés 2:16 - Bible in Tzeltal de Oxchuc y Tenejapa

¹⁶ Melel ta patil ma'yuc bi ora ya xna'otix te mach'a ay sp'ijile, ja' nix jich ma'yuc mach'a ya xna'otix yu'un uuc te mach'a ma sna' q'uinale. Teme c'ax bael te c'aale, spisil ya xch'ay ta o'tanil. Te mach'a ay sp'ijile ya xlaj, ja' nix jich ya xlaj te mach'a ma sna' q'uinale. Pajal ya xch'ayic bael ta q'uinal”, xoon.

Bible in Tzeltal Bachajón

¹⁶ Como te mach'a p'ij yo'tan soc te mach'a ma sna' q'uinal ma spisiluc ora ya xna'ot; c'alal ya xc'ax bayel c'ahc'al spisil ya xch'ay ta o'tanil. Te mach'a ay sp'ijil yo'tan soc te mach'a ma sna' q'uinal, pajal ya xchamic.

Eclesiastés 2:16 Referans Kwoze

Eclesiastés 1:11

Te bitic c'axemiquix ch'ayemiquix ta o'tanil; te bitic ya to xc'ot ta pasel ja' ni me jich ya xch'ayic ta o'tanil; ja' nix jich te bitic ya to xchicnaje, ya me xch'ayic xan bael ta o'tanil.

Eclesiastés 9:5

Yan te mach'atic cuxulique, ya sna'ic te puersa quechel ya xlajique. Pero te mach'atic lajemiquixe, ma'yuc bi sna'ojic, soc ni ayuc bila ya staic, melel jc'axel ch'aybiliquix ta o'tanil.

Salmos 88:12

Tey ta yaxinal lajel te banti spisil ya xch'ay ta co'tantique, ¿ay bal mach'a ya xjul ta yo'tan te bila stojil awu'une? ¿Ay laj bal mach'a ya xjul ta yo'tan te jchajp at'eliletic awu'une?

Éxodo 1:8

Ta patil chicnaj yach'il muc' ajwalil ta Egipto te ma'yuc bay la sna'beyix sc'oplal te José. Jich la yalbey te slumale:

Hebreos 9:27

Jich bit'il jun nax buelta te ya xlajotique, soc patil ay ich'el ta c'op,

Malaquías 3:16

(Te mach'atic yich'ojic ta muc' te Diose la yalbey sbaic; te Cajwaltic la yaiybey stojol ta lec te bila la yalique. Jich yu'un ta stojol te Cajwaltic la yich' ts'ibuyel libro, yu'un ya yich' na'el a te mach'atic yich'ojic ta muc' te Cajwaltic soc te ya yich'ic ta wenta.)

Eclesiastés 6:8

¿Bitic ay yu'un te mach'a ay sp'ijile, te ma'yuc yu'un te mach'a ma sna' q'uinal, te manchuc ja'uc te ay sp'ijile ta sna'el te bit'il ya xcuxin ta q'uinale?

Eclesiastés 2:14

Te mach'a ay sp'ijile, buen lec ya stuuntes te site; yan te mach'a ma sna' q'uinal yac ta beel ta ijc' q'uinal stuquel. Pero la jna' te pajal spisil, melel te bila ya xc'ot ta stojolique, ja' nix ya xc'ot ta jwenta uuc.

Salmos 103:16

pero ora nax ya xmajot ta ic', jich ya xch'ay ta jc'axel, soc ma'yuc mach'a ya sna' xan te nichime.

Salmos 49:10

Melel chican ta ilel te pajal ya xlajic ta spisilic; ya xlajic te mach'atic p'ijique, ja' nix jich ya xlajic uuc te mach'atic ma p'ijicuque; yan mach'a ya x'ich'botic jilel yu'un te sc'ulejalique.

2 Samuel 3:33

Te muc' ajwalil la sc'ajintay jcum c'ayoj swenta mel-o'tan yu'un te Abner: “¿Bi yu'un jich lajat, Abner, te ma'yuc swentail te lajate?

Éxodo 1:6

Laj bael te José soc te sbanquiltac, soc te sjo'tac ta ch'iele.

Eclesiastés 2:15

Ja' yu'un jich la cal ta co'tan: “Te bila quechel ta c'oel ta swenta te mach'a ma sna' q'uinale, ja' nix quechel ya xc'ot ta jwenta. Ja' yu'un, la cal te ma'yuc bi ya xtuun cu'un a te p'ijil-o'tanile. Ja' yu'un mero tojol ta jyalel.

Eclesiastés 7:2

Ja' lec te bael ta muquenale; ma ja'uc lec te pas-q'uine. Melel te lajele, ja' slajibal spisil ants-winiquetic; te mach'atic cuxulique ya me sc'an ya sna'ic.

Eclesiastés 8:10

Soc quiloj te ay ants-winic te amen yo'tane, te c'ubul la yac' sbaic ta stojol te ch'ul templo, pero te c'alal laje, bayal yutsil sc'oplal yu'unic la smuquic. Ta lum te banti la spas te bila amene, ma'yuc mach'a ya sna'ix te bila la spase. Ja' me te ma'yuc swentaile,

Eclesiastés 9:15

Ta bay te ch'in jpam lume, ay nainem jtul winic buen me'ba, pero bayal sp'ijil. Ya xju' yu'un ya scoltay ta swenta sp'ijil te lume, pero ma'yuc mach'a ya xna'ot yu'un te me'ba winique.

Proverbios 14:8

Te mach'a ay sp'ijile, ya stsajtay te bila ya spase; yan te mach'a ma sna' q'uinale, ya xlo'layot yu'un te sbolile.