Eclesiastés 2:11 - Bible in Tzeltal de Oxchuc y Tenejapa

¹¹ Jajch'on ta stsajtayel quil te bitic jpasoje, soc ta spisil te cat'el ay jwocol ta spasele, c'ot ta co'tan te mero tojol ta jyalel, te ja' pajal soc te yacuc jtsactic te iq'ue, soc te ma'yuc bi ya cu'unintic ta balumilale.

Bible in Tzeltal Bachajón

¹¹ Patil la jquil spisil te bintic jpasoj ta jc'ab soc te ca'tel te la jpase. Tojol ay soc ha snutsel te iq'ue; mayuc bin loc' a ta ye'tal ch'ulchan.

Eclesiastés 2:11 Referans Kwoze

Eclesiastés 1:14

Ju' cu'un sna'el ta lec spisil bitic ya yich' pasel ta balumilal, mero tojol ta jyalel, ja' pajal soc te ya jc'antic ya jtsactic te iq'ue.

Eclesiastés 1:3

¿Bi ya xloc' yu'un a te winic te lom bayal ya x'at'ej ta balumilal?

1 Timoteo 6:6

Melel ja' mero jc'ulejaltic te bit'il jch'uunejtic ta lec te Diose soc teme jun co'tantic yu'un te bila quich'ojtique.

Éxodo 39:43

Te c'alal la yil ta spisil te Moisés te jich a c'ot ta pasel yu'unique, la yalbey wocol Dios ta stojolic yu'un.

Génesis 1:31

Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.

Habacuc 2:13

Te Cajwaltic te Spisil ya xju' yu'une ya me spasbat te ma'yuc yutsil ya xc'ot te awat'el soc te awocole; melel ta spisil te awat'ele ya me yich'ic lajinel ta c'ajc'.

Salmos 89:47

Cajwal, na'a me te com te jcuxlejale; te mach'a pasbil awu'un, ma ba jal c'aal cuxul ta q'uinal.

Eclesiastés 3:9

¿Bi ya xloc' yu'un a te winic te mero bayal ya x'at'eje?

Eclesiastés 5:10

Te mach'a xbiq'uet ta yo'tan te taq'uine, spisil ora ay to yan ya sc'an ya yaiy a te jayeb ayix yu'une. Te mach'a xbiq'uet ta yo'tan te c'ulejalile, ma'yuc bi ora ya yal te ayix tsobol yu'une. Ja' ni me jich mero tojol ta jyalel,

Eclesiastés 5:16

Ja' mero mel-o'tantic sba ta melel. Melel te bit'il tale, ja' nix jich ya xcha'sujt' xan bael. Melel ¿bi ya sta a te mero bayal at'eje?