Eclesiastés 2:10 - Bible in Tzeltal de Oxchuc y Tenejapa

¹⁰ Ma'yuc bi ora ma la jmulan te bila la smulan te co'tane, soc ma'yuc bi ora ma ba la cac'bey te co'tan te bila la smulane. La caiybey sbujts' soc co'tan ta spisil te cat'ele, ja' stojol jc'ab c'ot ta spisil.

Bible in Tzeltal Bachajón

¹⁰ Ma ba la jcom te bin la smulan te jsite, ma ba la jcom te bin la smulan te co'tane. La smulan co'tan spisil te ca'tel, ha jmahtan c'oht yu'un spisil te ca'tele.

Eclesiastés 2:10 Referans Kwoze

Eclesiastés 9:9

Binuc nax me awo'tan ya x'ainat soc awinam, ta spisil ora te ay acuxlejal te ma'yuc swentaile, te ja' ya yac'bat te Dios ta balumilale. Melel ja' nax me ya ata yu'un te bayal at'el la apas ta balumilal.

Eclesiastés 5:18

Te jo'one la jta ta na'el te bila lec ya sc'an pasel soc te bi mero t'ujbile: Ja' te we'el-uch'ele, soc te ya jc'ases co'tantic ta stuuntesel te sit te cat'eltique, te c'ax bayal jwocoltic ta at'el yu'un te jayeb nax c'aal la yac' cuxinucotic ta balumilal te Diose. Ja' nax cu'untic abi.

Eclesiastés 3:22

La jna'beyix swentail ta lec, te ma'yuc bi mero t'ujbil ta mulanel te ya yaiybey yutsilal te winique, ja' nax te ya stuuntes te yat'ele. Ja' nax yu'un abi, melel ma'yuc mach'a ya xbajt'ic ta iq'uel tel yu'un, te ya xtal yil xan te bi ya xc'ot ta pasel te c'alal lajemixe.

Salmos 119:37

Ma me xawac'bon quil te bitic tojol nax ay ta ch'uunel; ac'bon jcuxlejal yu'un st'unel te be awu'une.

Salmos 128:2

Jun me awo'tan ya atuun te bila ya ata ta awat'ele; bin nax me awutsil soc t'ujbil me ya x'ainat spisil ora.

1 Juan 2:16

Melel ta spisil te bitic ay ta balumilale, ja' te bitic ya sc'an te jbaq'uetaltique, soc te bila ya smulan yilel te jsitique, soc te toybail ta cuxinele, ma ja'uc yac'oj te Tatile. Spisil in to, ja' yac'oj te balumilale.

Eclesiastés 2:22

¿Bi ya xloc' yu'un a jiche te winic te mero bayal ya x'at'eje, soc te mero ma'yuc jojch'el yu'un li'to ta balumilale?

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Eclesiastés 6:9

Ja' lec te bila yacalatix ta yilele, ma ja'uc lec te bila yac to nax ta sna'el ta awo'tane. Pero ja' nix jich mero tojol ta jyalel, ja' pajal soc te ya jtsactic te iq'ue.

Proverbios 23:5

Yacuc atsajtay awil ta lec, ya me awil te ya xch'ay bael te c'ulejalile; jich c'oem te bit'il ya xloc' xic', melel ora nax ya xbajt' ta wilel jichuc águila.

Job 31:1

“Te jo'on jpasoj trato te jc'axel ma xbic'taj co'tan yu'un te ach'ixetique.

Jueces 14:2

Te c'alal sujt' tel ta sna, la yalbey yaiy te sme'-state, jich la yal: —Wocoluc, ya jc'an te ya achajbanbon spisil te bit'il ya xnujbinon soc te jtul filistea-ach'ix te la quil ta Timnat —xi'.

Génesis 6:2

te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

Génesis 3:6

La yil te ants te bit'il t'ujbil soc lec ta lo'el sit te te'e, soc la yil te lec ta tuuntesel te bit'il ya yac' p'ijil-o'tanil teme ay mach'a ya slo'e. Jich yu'un la sc'oc slo', soc la yac'bey slo' uuc te smamlale.

Eclesiastés 5:10

Te mach'a xbiq'uet ta yo'tan te taq'uine, spisil ora ay to yan ya sc'an ya yaiy a te jayeb ayix yu'une. Te mach'a xbiq'uet ta yo'tan te c'ulejalile, ma'yuc bi ora ya yal te ayix tsobol yu'une. Ja' ni me jich mero tojol ta jyalel,

Eclesiastés 6:2

Ay mach'atic ya x'ac'botic bayal sc'ulejalic soc yutsil sc'oplalic yu'un Dios, ma'yuc falta yu'un spisil te bila ya sc'an yo'tan ya stuuntesic. Pero ma x'ac'botic permiso yu'un ya yaiybeyic yutsilal spisil bitic ay yu'un, yantiquix a te mach'atic ya yaiybey yutsilale. Ja' mero tojol ta jyalel, soc mel-o'tantic sba.

Eclesiastés 9:6

Tey ya xlaj a te xc'uxul yo'tane, te ilaywanej soc te bila xbiq'uet ta yo'tane; ma xyaq'uix sba a te bila ya yich' pasel ta balumilale.

Eclesiastés 2:1

Jich la cal xan ta co'tan: “Yo'tic ya jpas quil prueba: ya me jpas te bitic ya smulan spasel te co'tane, ya jpas te bila ya jc'an te cuxulone”, xoon yu'un. Ja'uc me to, mero tojol ta jyalel.

Eclesiastés 2:24

Te bi mero lec ya sc'an ya spas te winique, ja' te ya xwe' ya x'uch'e, ac'a yaiybey yutsilal te yat'ele. Jna'oj te spisil talem ta stojol te Diose.

Eclesiastés 5:17

Soc xan, te jayeb c'aal cuxul ta q'uinale, cuxin ta ijc' q'uinal, c'ux obol sba, soc bayal swocol te c'ax ta q'uinale.

Eclesiastés 8:15

Ja' yu'un te jo'one ya cal te ja' ya jmulan te yutsil-o'tanile. Te bila ya sc'an ya spas te mach'a jayeb c'aal ay xcuxlejal yu'un Dios ta balumilale, ja' te we'el, uch'el soc yaiybeyel yutsilal te ainel ta balumilale, te ja' nix ac'bot yu'un te yat'el te jayeb c'aal ac'bot cuxlejal ta q'uinal yu'un te Diose.