Eclesiastés 2:1 - Bible in Tzeltal de Oxchuc y Tenejapa

¹ Jich la cal xan ta co'tan: “Yo'tic ya jpas quil prueba: ya me jpas te bitic ya smulan spasel te co'tane, ya jpas te bila ya jc'an te cuxulone”, xoon yu'un. Ja'uc me to, mero tojol ta jyalel.

Bible in Tzeltal Bachajón

¹ Hich la jcal ta co'tan: Conic, ya jtsajat quil ta scuenta spasel te bintic ya smulan co'tan, yac awa'iy te bintic lec, xchihon. Pero ha nix hich, tojol.

Eclesiastés 2:1 Referans Kwoze

San Lucas 12:19

Ya me calbey te jch'ulele: ‘Jch'ulel, bayalix te jbiluctic te ya xtuun cu'untic bayal ja'wile. Ja' lec quich'tic lewa. We'ucotic, uch'ajucotic, bujts'najuc co'tantic yu'un”, xi' ta yo'tan.

Eclesiastés 8:15

Ja' yu'un te jo'one ya cal te ja' ya jmulan te yutsil-o'tanile. Te bila ya sc'an ya spas te mach'a jayeb c'aal ay xcuxlejal yu'un Dios ta balumilale, ja' te we'el, uch'el soc yaiybeyel yutsilal te ainel ta balumilale, te ja' nix ac'bot yu'un te yat'el te jayeb c'aal ac'bot cuxlejal ta q'uinal yu'un te Diose.

Santiago 5:5

Li' nax ta balumilal te lec cuxulex ta q'uinale. Spisil ay awu'unic te bitic ya smulan te abaq'uetalique. Jich c'oemex te bit'il wacax te yac ta jujp'ele, te nopol sta sc'aalelal te ya yich' milele.

Santiago 5:1

Aiya awaiyic stojol jc'ulejetic: Awunanic me ta oq'uel yu'un te woclajel ya xtal ta atojolique.

Salmos 27:8

Jich ya yalbon te co'tane: “Lea te Cajwaltique”, xi'. Jich yu'un, Cajwal, ya me jleat.

Santiago 4:13

Nopa awaiyic ta lec te jich ya awalique: “Yo'tic soc pajel cha'wej ya xbootic ta bay in lum to. Ya me xjalajotic jun ja'wil tey a. Ya me caiytic chonbajel soc manbajel. Jich me ya jpastic ganar”, te xaexe.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

San Lucas 16:19

“Ay jtul jc'ulej-winic te c'aem ta slapel buen t'ujbil tsaj'aman pac', soc t'ujbil lino-pac' soc jujun c'aal ya spas q'uin, soc buen bujts'an nax swe'el te jujun c'aale.

Isaías 50:11

Ja'uc me to, teme ya atsumic c'ajc' soc teme ya achajbanbey yat'ejibal at'imic te yac ta tilele, ja' nix me ya xch'ayex coel ta bay c'ajc' te yac ta tilel awu'unique, ta yanil yat'ejibal at'imic te ja'ex nix la awac'bey sc'aal. Te Cajwaltic ya me sticunbeyex tel castigo, soc limil me ya xjilex ta lum ta yolil te woclajele.

Isaías 50:5

Te Cajwaltic la yac'bonix sp'ijil co'tan; ma ba la jtoy jba, soc ma ba la sujt'es jpat ta stojol.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Eclesiastés 7:4

Te mach'a ay sp'ijile bayal bi ya snop yu'un te ya xlaje; yan te mach'a ma sna' q'uinal, ya xbajt' ta yo'tan spasel q'uin.

Eclesiastés 2:15

Ja' yu'un jich la cal ta co'tan: “Te bila quechel ta c'oel ta swenta te mach'a ma sna' q'uinale, ja' nix quechel ya xc'ot ta jwenta. Ja' yu'un, la cal te ma'yuc bi ya xtuun cu'un a te p'ijil-o'tanile. Ja' yu'un mero tojol ta jyalel.

Salmos 14:1

Te mach'atic ma sna'ic q'uinal, ya yal ta yo'tanic: “Ma'yuc Dios”, xiic. Spisil jowejemic, mero c'ax amen te bitic spasojique. Ma'yuc jtuluc mach'a ya spas te bila leque.

Salmos 10:6

soc ya yal ta yo'tan te ma'yuc mach'a ya xcomot yu'une, te ma'yuc bi ora ay swocol yu'un ta sc'ope.

2 Reyes 5:5

Te muc' ajwalil yu'un Siria jich albot yu'un: —Lec ay jiche, baan. Ya me jticunbey carta te muc' ajwalil yu'un Israel —xi' sc'oplal. Jich bajt' te Naamán. La xchajban lajuneb xcha'winic ta jmil (30,000) ta jsejp plata, wacmil (6,000) ta jsejp oro soc lajunchajp c'u'iletic,

Génesis 11:7

Jich yu'un ja' lec coucotic bael, ya jc'atp'unbeytic sc'opic, swenta yu'un jich ma xyaiybey sbaic sc'opic juju-jtul”, xi' te Cajwaltique.

San Lucas 16:23

Te c'alal ayix ta woclajel ta bay stsobjibal animaetic te jc'ulej winique, la stoy sit. La yil te c'ubul ay te Abrahame soc la yil te sjoinej tey a te Lázaro ta bay te yawile.

Isaías 5:5

Lec ay jiche, ya calbeyex awaiyic te bila jnopoj spasel ta stojol te ts'usubiltic cu'une: Ya jloq'uesbey smajq'uil swenta yu'un ya sjinic te mach'atic ya xc'axique; ya jch'oj coel te sts'ajc'ul swenta yu'un ya spech'ic ta teq'uel;

Proverbios 14:13

Ay mach'a spasoj nax tulan ta tse'ej, ja'uc me to ay ta mel-o'tan; teme c'ax te yutsil yo'tane, ya xtal xan mel-o'tan ta stojol.

Eclesiastés 2:10

Ma'yuc bi ora ma la jmulan te bila la smulan te co'tane, soc ma'yuc bi ora ma ba la cac'bey te co'tan te bila la smulane. La caiybey sbujts' soc co'tan ta spisil te cat'ele, ja' stojol jc'ab c'ot ta spisil.

Eclesiastés 2:25

Melel ¿mach'a ya xju' ya xwe' soc ya yaiybey yutsilal, teme ma ja'uc ta swenta te Diose?