Eclesiastés 12:8 - Bible in Tzeltal de Oxchuc y Tenejapa

⁸ Jo'on te jp'ijubteswanejone, ya cal xan: “Mero tojol, tojol ta jyalel”, xoon. Ta spisil mero tojol ta jyalel.

Bible in Tzeltal Bachajón

⁸ ¡Tojol nax, tojol nax, xchi te Jp'ijubteswanej, tojol nax ta spisil! xchi.

Eclesiastés 12:8 Referans Kwoze

Eclesiastés 8:8

Ma'yuc mach'a ay yu'el ta stojol te cuxlejal yu'un ya yac' jalajuque, soc ja' nix jich ma'yuc mach'a ay yu'el ta stojol te lajele. Ma'yuc mach'a ya xju' ya scoltay sba ta sc'ab te swocolile. Te mach'a amene, ma xcoltayot yu'un te mach'a c'ax amene.

Eclesiastés 6:12

Ta mero melel, ma'yuc mach'a ya sna' bila lec ta stojol te ants-winic te jayeb c'aal ajtaybil te xcuxlejal te tojol c'oeme. Te jayeb c'aal ac'bil xcuxlejale, jich me ya xc'ax te bit'il axinale. ¿Mach'a ya x'albot yaiy yu'un te bila ya xc'ot ta pasel ta balumilal te c'alal lajemixe?

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Eclesiastés 2:17

Asta ma la jmulan te jcuxlejale, melel spisil te bitic ya yich' pasel ta balumilal, ma ba la smulanix co'tan. Melel, mero tojol ta jyalel ta spisil. Ja' pajal soc te yacuc jtsactic te iq'ue.

Eclesiastés 1:14

Ju' cu'un sna'el ta lec spisil bitic ya yich' pasel ta balumilal, mero tojol ta jyalel, ja' pajal soc te ya jc'antic ya jtsactic te iq'ue.

Salmos 62:9

Te ants-winic xujt' ma'yuc swentail, jich te me'ba, soc ja' nix jich te jc'uleje; te pajaluc ya yich'ic liquel yalalic ta báscula, pajal nax ma'yuc yalal ya xloq'uic te jichuque.

Eclesiastés 1:1

Ja' te bila la yal te jp'ijubteswanej, ja' te snich'an David, te och ta muc' ajwalil yu'un Jerusalén. Mero tojol, tojol ta jyalel. Ta spisil, mero tojol ta jyalel.

Eclesiastés 1:12

Te jo'on te jp'ijubteswanejone, c'axon ta muc' ajwalil yu'un Israel ta Jerusalén.