Eclesiastés 12:7 - Bible in Tzeltal de Oxchuc y Tenejapa

⁷ Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Bible in Tzeltal Bachajón

⁷ o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Eclesiastés 12:7 Referans Kwoze

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Salmos 146:4

Melel teme lajique, ya sujt'ic ta ts'ubil lum; jich ora ya xch'ay bael te bitic snopojique.

Zacarías 12:1

Ja' in to, ja' sc'op Cajwaltic te la yalbey sc'oplal Israel. Ja' te Cajwaltic te la slim bael ta pasel te ch'ulchan, soc te la yac'bey yiptajib te lumq'uinale, soc te la yac'bey xcuxlejal te ants-winiquetique, tulan ya yal:

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Génesis 2:7

Jich te Dios la spas ta ts'ubil lum jtul winic, la sjujch'ibey sni', jich cuxul c'ot. Jich caj ta cuxinel ta q'uinal te winique.

Isaías 57:16

Ma spisiluc ora ya calulabey smul te lum cu'une; ma me spisiluc c'aal ayon ta ilimba. Melel te ants-winiquetic te jpasoje, ma wocoluc ya xch'ay yutsil yo'tanic ta jtojol.

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

Salmos 90:3

Ya awac' sujt'uc ta ts'ubil lum te ants-winiquetic te c'alal ya awal: “C'atp'ujanix ta ts'ubil lum yal-snich'nab ants-winiquetic”, teme xaate.

Job 20:11

Mero tulan winic to me a, soc querem to me a te ya xco bael ta muquenal ch'en.

Números 27:16

—Te Diosat te Ajwalilat cu'untique, te ya awac'bey xcuxlejal spisil te ants-winiquetic, ja'at me ya ale jtul winic te ya stejc'an sba ta stojol te lum awu'une. Ja' me ya yic' bael ta spisil ta bayuc, swenta yu'un ma jichuc nax ya xpujq'uic bael, jich bit'il chijetic te ma'yuc mach'a ya xcanantayotic yu'une —xi' te Moisese.

Hebreos 12:23

te stsoboj sbaic ta sc'ajintayel te Diose, soc ta bay stsoboj sbaic te sbabial alnich'anetic yu'un Dios te nacal sbiilic ta bay te ch'ulchane. Soc noptsajemex ta stojol te Diose te Jchajbanwanej yu'un spisil te ants-winiquetique, soc ta bay ay xch'ulelic te mach'atic xch'uunejbeyic smandal Dios te utstesbilic ta jc'axel yu'une,

Hebreos 12:9

Te c'alal alalotic toe, la yac'botic tojobtesel te jtatic te ayotic ta balumilal soque, soc la quich'tic ta muc'. ¿Ja'uc to bal a te Jtatic te ay ta ch'ulchane? C'ax jich ya sc'an ya quich'tic ta muc' stuquel, swenta yu'un jich me ya xcuxinotic sbajt'el q'uinal.

Jeremías 38:16

Ja'uc me to, te muc' ajwalil Sedequías muquen la yalbey te Jeremías, soc jamal la yal ta stojol te bit'il ay te yo'tane: —Ya cal ta stojol Cajwaltic, te la yac'botic jcuxlejaltique, te ma ba ya cac'at ta milel, soc ma ba ya cac'at ta sc'abic te mach'atic ya sc'an smilate —xi'.

Génesis 18:27

Te Abraham jich la yal xan: —Pasbon perdón, Cajwal, melel Diosat atuquel, yan te jo'one ma'yuc cutsil ta q'uinal; ja'uc me to, ya me xc'opojon xan.

Job 7:21

¿Ma bal yacuc xju' ya apasbon perdón yu'un te jmule? ¿Ma bal yacuc xju' ya apasbon perdón yu'un te bila amen jpasoje? Nopolix ya xt'uxajon ta lum; ya me aleon, pero ma ba cuxulonix a —xi' te Job.

San Lucas 23:46

Tulan awun te Jesuse, jich la yal: —Jtat, ya cac'bat ta ac'ab te jch'ulele —xi' ta aw. Te c'alal jich la yale, loc' xch'ulel.

Hechos 7:59

Te c'alal yacalic ta xch'ojel ta tone, te Esteban la sc'opon Dios. Jich la yal: —Cajwal Jesús, ic'bon jch'ulel —xi'.

Salmos 103:14

Ja' ya sna' stuquel te bila pastajemotic a; ya sna' ta lec te bit'il ts'ubil lumotique.

Salmos 104:29

Teme ya anac' asit-awelaw ta stojolic, ya xiwic; teme ya apojbey te ic' yu'unic, ya xlajic, jich ya xcha'sujt'ic ta ts'ubil lum ta yan buelta.

Salmos 31:6

Ya quilay te mach'atic ya xch'uunic lotil diosetic te ma xtuunique. Ja' smuc'ulinej co'tan te Cajwale.