Eclesiastés 12:1 - Bible in Tzeltal de Oxchuc y Tenejapa

¹ Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

Bible in Tzeltal Bachajón

¹ Na'a me te Jpaswanej awu'un ta yorahil te jcolel al-nich'anat, te c'alal ma to ba stahoj sc'ahc'alel wocol, soc te ya xc'oht yorahil te hich yac awal: Mayuc yutsilal ya ca'iy, te xchihate;

Eclesiastés 12:1 Referans Kwoze

Lamentaciones 3:27

Ja' lec te mach'a yalalil to te ya yac' sba ta smaliyel.

Eclesiastés 11:8

Pero manchuc me ya xcuxinotic bayal ja'wil, soc ya caiybeytic yutsilal ta spisilic, pero ya me sc'an ya jna'tic te bayal c'aal te ainel ta muquenal ta ijc' q'uinale. Spisil te bitic quechel ta talele, mero tojol ta jyalel.

Proverbios 22:6

Ac'beya lequil p'ijubtesel te alal te c'alal ch'in to ae, te c'alal ya xmamalub, ma'yuc bi ora ya xch'ay ta yo'tan.

San Lucas 18:16

Ja'uc me to, te Jesús la yic' tel te ch'in alaletique, soc la yalbey te jnopojeletique: —Ac'a taluc ta jtojol te alaletique. Ma me x'acomic. Melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

Salmos 34:11

La'ic, cal-jnich'nab, aiybon awaiyic stojol jc'op; ya jp'ijubtesex ta yich'el ta muc' te Cajwaltique.

2 Timoteo 3:15

Melel ta awalalil to ana'oj te bila ts'ibubil jilel ta Xch'ul Sjun te Diose, te ja' ya yac'bat sp'ijil awo'tan te bit'il ya xcolat ta swenta xch'uunjel awo'tan ta stojol te Cristo Jesuse.

Salmos 90:10

Lajuneb xchanwinic (70) ja'wil te cuxlejale; te mach'atic ay yip sbaq'uetalic, ya xc'otic c'alal ta chanwinic (80) ja'wil. Pero te toybail yu'un te cuxlejal bayal c'aal, ja' nax ya yac' wocol soc ya yac' at'el. Te ja'wiletic ora ya xc'axic, ja' nix jich te jo'otique.

Eclesiastés 11:10

Loq'uesa ta ajol te bitic ya yac' mel-o'tane, soc ch'oja loq'uel te chujc'ul c'opetique. Melel te yutsilal te ach'iele, c'axel nax ay, mero tojol ta jyalel.

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

2 Samuel 19:35

melel ayix chanwinic (80) ca'wilal. Ch'ayix sbujts' ya caiy te bi ya jwe'e, soc te bi ya cuch'e, ma xju'ix ya cal teme buen bujts'ane, o teme ma bujts'anuque. Soc ma ba ya caiybeyix te sc'ayojic te winiquetic soc te antsetique. ¿Bi yu'un ya xc'atp'ujon ta ijc'atsil c'oem ta atojol, muc' ajwalil?

1 Samuel 2:26

Pero te querem Samuel yan yan ta muc'ubel. Buen lec sc'oplal ta stojol Dios soc ta stojol te ants-winiquetique.

Génesis 39:2

Ja'uc me to, te Cajwaltic sjoinej te José. Jich mero lec a c'ot ta loq'uel te ay ta sna te yajwal te egipcio-winique.

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

Génesis 39:23

Te jcanan-chucjibale, ma'yuc bi la snop ta yo'tan yu'un ta spisil te bila la yac'bey ta sc'ab José, melel sjoinej Cajwaltic stuquel, lec c'ot ta loq'uel yu'un Cajwaltic ta spisil te bila la spase.

Efesios 6:4

Ja'ex te sme'-statexe, ma me xawac' te ya x'ilin yo'tan awu'unic te awal-anich'anique. Ja' ya sc'an te lec ya ach'ijtesic, soc te lec ya ap'ijubtesic ta yalalil to, soc te ya atac'uyic ta swenta te Cajwaltique.

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.

Isaías 26:8

Cajwal, jun nax co'tantic ya caiytic ta banti te be yac'ojbotic quiltic te mandaliletic awu'une. Te bila ya sc'an te co'tantic, ja' te ayat ta na'el cu'untique.

1 Samuel 2:18

Pero te ch'in querem Samuel jun yo'tan yac'oj sba ta abatinel yu'un te Cajwaltic, sc'u'inej efod pasbil ta lino-pac'.

1 Reyes 18:12

Te bi ya xc'ot ta pasele: ja' teme la quijq'uitayat jilel, te espíritu yu'un te Cajwaltic ya me yic'at bael te banti ma jna'e. Te c'alal ya xba calbey yaiy te Acab, teme ma ba ya staate, jich me ya smilon awu'un. Te jo'on awabaton, c'alal to ta jqueremil spisil ora quich'oj ta muc' te Cajwaltique.

1 Samuel 1:28

Te jo'one cac'ojbeyix ta stojol te Cajwaltique. Te jayeb c'aal cuxul, ja' me yu'un stuquel te Cajwaltique —xi'. Te Elí la squejan sba ta yalel wocol ta stojol te Cajwaltic, la stinan sba coel c'alal ta lum.

Oseas 7:9

Mero ma ba ya xc'ot ta yo'tan te ja' lajinbot yip yu'un te jyanlumetique. Asta te stsotsil sjol ma sna' stojol teme sacubenixe.

Job 30:2

¿Bi tuun cu'un a te yip sc'abique? Ja'ic te mero ma'yuc yipique

1 Reyes 14:13

Jich me spisil Israel ya smel yo'tanic yu'un, soc ya me smuquic. Pero ja' xanix sts'umbal Jeroboam te ya yich' muquele. Melel ta spisil te snich'nab Jeroboam, ja' nax te jtul lec ta sit te Cajwaltic Dios cu'untic te israelotique.

Deuteronomio 8:18

Ya me sc'an ya ana'ic te Cajwaltic te Dios cu'untic, melel ja' nix stuquel te yac'ojbeyex awipic ta stael, swenta yu'un jich ya xc'ot ta pasel yu'un a te bila trato chapale, te ja' xchapoj soc te antiguo jme'-jtatique.

Nehemías 4:14

C'alal la quil te yacalic ta xiwele, la jtejc'an jba, jich la calbey te mach'atic ich'bilic ta muc' soc te jwentainwanejetic, soc te yantic yajwal lume: —Ma xaxi'ic. Na'aic xan te muc' te Cajwaltique, soc te ay ta xi'ele. Ac'aic puersa ta swenta scoltayel te jlumaltique, te jquerem-nich'nabtic, te cantsil-nich'nabtic, te quinamtic soc te jnatique —xoon ta stojolic.

Salmos 63:6

Ta ajc'ubal te c'alal metselonix a, ya xtal ta co'tan te abiile, ya jna'at;

Salmos 119:55

Cajwal, ta jujun ajc'ubal ya jna'at; ya jc'an ya jc'ajtes jba ta spasel te p'ijubtesel awu'une.

Eclesiastés 11:2

Puca me te bay c'alal ya xju' awu'un te bitic ay awu'une; melel ma na'biluc awu'un te bi ma lecuc ya xtal ta stojol te lumq'uinale.

2 Samuel 19:36

Ja' nax me ya xba joinat c'axel ta muc'ja' Jordán. ¿Bi yu'un te ya awal te ya awac'bon c'uxtayel, muc' ajwalil?