Eclesiastés 11:8 - Bible in Tzeltal de Oxchuc y Tenejapa

⁸ Pero manchuc me ya xcuxinotic bayal ja'wil, soc ya caiybeytic yutsilal ta spisilic, pero ya me sc'an ya jna'tic te bayal c'aal te ainel ta muquenal ta ijc' q'uinale. Spisil te bitic quechel ta talele, mero tojol ta jyalel.

Bible in Tzeltal Bachajón

⁸ Aunque ay mach'a bayel ha'bil ya xcuxaj soc tse'el yo'tan yu'un spisilic, ac'a sna' te ay bayel c'ahc'al te yihc'al q'uinal, soc spisil te bintic quechel ta talele, tojol nax.

Eclesiastés 11:8 Referans Kwoze

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

Deuteronomio 32:29

Te ayuc sp'ijil yo'tanic, ya xc'ot ta yo'tanic te bi c'oem ta pasel te jichuque.

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Eclesiastés 7:14

Teme bi ora buen lec ayat ya awaiye, aiybeya me yutsilal awaiy; pero teme bi ora ma lecuc ayat ya awaiye, ya me sc'an ya anop awaiy. Melel ta xchebal talem ta stojol Dios, soc te ants-winique ma ba ya sna' te bila ya xc'ot ta swenta ta patile.

Judas 1:18

Melel jich la yalbeyex awaiyic: “Ta nopol slajibal c'aal ay me jlabanwanejetic. Yu'un ja' nax baem ta yo'tanic spasel te bila amen smulanejic spasele”, te xiique.

Jeremías 13:16

Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Eclesiastés 8:15

Ja' yu'un te jo'one ya cal te ja' ya jmulan te yutsil-o'tanile. Te bila ya sc'an ya spas te mach'a jayeb c'aal ay xcuxlejal yu'un Dios ta balumilale, ja' te we'el, uch'el soc yaiybeyel yutsilal te ainel ta balumilale, te ja' nix ac'bot yu'un te yat'el te jayeb c'aal ac'bot cuxlejal ta q'uinal yu'un te Diose.

Eclesiastés 8:12

Jich ya xc'ot ta swenta te mach'a yacal ta sleel smule, bayal ja'wil cuxulic ta sleel smul. (Te bi jna'oje, ja' te mach'atic ya xch'uunic te Diose, soc te ya yich'ic ta muq'ue, buen lec ya xc'otic.

Eclesiastés 6:11

Ay bila melel ay: Ja' te banti ay bayal c'opetic, tey ya x'esmaj a te ixta c'opetique. Ma'yuc bila ya xloc' a.

San Mateo 22:13

“Te muc' ajwalile la yalbey te abatetique: “Chucbeya sc'ab yacan. Ch'oja bael ta q'uejel ta ijc' q'uinal ta banti ya xc'o yoq'uetay sba soc tey ya xc'o sjets'ulay ye a”, la yut.

Eclesiastés 6:6

Melel manchuc me cuxin cha'mil ja'wil, pero teme ma ba la yaiybey yutsilal te sbiluque, tojol c'oem. Ta slajibal, pajal ya xbajt'ic ta jun nax yawil ta spisilic.

Eclesiastés 4:16

Manchuc me ma x'ajtabaj te yajwal lum ya swentaine, ni ja'uquic, ni ja'uc te patil alnich'anetic yu'un, te bin nax yo'tanic ya xjil yu'une. Ja' nix jich, mero tojol ta jyalel, ja' pajal soc te yacuc jtsactic te iq'ue.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

Eclesiastés 2:19

Jna'oj te puersa jich ya xc'ote, manchuc me p'ij o bol yo'tan, pero ya me yu'uninbon te p'ijil c'op te ay bayal jwocol te ju' cu'un stael li'to ta balumilale. Ja' yu'un, ja' nix jich, mero tojol ta jyalel.

Eclesiastés 2:17

Asta ma la jmulan te jcuxlejale, melel spisil te bitic ya yich' pasel ta balumilal, ma ba la smulanix co'tan. Melel, mero tojol ta jyalel ta spisil. Ja' pajal soc te yacuc jtsactic te iq'ue.

Eclesiastés 2:15

Ja' yu'un jich la cal ta co'tan: “Te bila quechel ta c'oel ta swenta te mach'a ma sna' q'uinale, ja' nix quechel ya xc'ot ta jwenta. Ja' yu'un, la cal te ma'yuc bi ya xtuun cu'un a te p'ijil-o'tanile. Ja' yu'un mero tojol ta jyalel.

Job 18:18

Ya me yich' ch'ojel loq'uel ta saquil q'uinal, ya xco bael ta ch'ojel ta yijc'al q'uinal; ya me yich' tenel loq'uel ta balumilal.

Job 15:23

Te sbaq'uetal ya xtuun yu'un swe'el xulemetic; sna'oj stuquel te puersa ya yich' lajinele.

Job 14:10

Yan te c'alal ya xlaj stuquel te winique jc'axel nax, ma xju' ta comel stuquel. ¿Banti ya xbajt' jiche te c'alal ya xlaje?

Job 10:22

ta banti lum ay puro axinal, ta banti ma'yuquix bila toj aye, te banti pajalix soc saquil q'uinal yilel te yijc'al q'uinale —xi' te Job.

Eclesiastés 9:7

Ja' yu'un ya calbat, binuc nax me awo'tan ya xwe'at, soc binuc nax me awo'tan ya awuch' te vino awu'une, melel buen lec yo'tan Dios yu'un te awat'ele.

Eclesiastés 11:2

Puca me te bay c'alal ya xju' awu'un te bitic ay awu'une; melel ma na'biluc awu'un te bi ma lecuc ya xtal ta stojol te lumq'uinale.

Job 10:21

te ma to ba staoj yorail te ya xboon te banti bael yacone, ja' te ma'yuquix bi ora ya sujt'on tel, melel ya xboon te banti ma'yuc saquil q'uinal, tey ta banti ay ijc' q'uinale,

Job 14:12

Pero te jayeb c'aal lec ay te ch'ulchane, te winic ma xloc' tel ta smuquenal stuquel, ma xcux yo'tan ta wayel c'oem stuquel.

Salmos 49:20

Te ants-winique ma sbajt'eluc q'uinal cuxul manchuc me mero jc'ulej; ja' nix jich ya xlaj te bit'il ya xlaj te chambalame.