Eclesiastés 11:5 - Bible in Tzeltal de Oxchuc y Tenejapa

⁵ Jich te bit'il ma ba ya ana' banti ya xbajt' te iq'ue, soc jich te bit'il ma ba ya ana' bit'il ya xchajbaj ta xch'ujt' sme' te alale, ja' nix jich ma xju' awu'un sna'el te bila ya spas te Diose, ja' te mach'a la spas spisil te bitic aye.

Bible in Tzeltal Bachajón

⁵ Hich te bin ut'il ma ba yac ana' te be yu'un te iq'ue, o bin ut'il ya xchapaj ta sch'uht snan te alale, ha nix hich ma xhu' awu'un sna'el te bin ya spas te Diose, ha te mach'a la spas spisil bintic ay.

Eclesiastés 11:5 Referans Kwoze

San Juan 3:8

Te iq'ue bayuc nax ya xbeen. Ya awaiy stojol te xaxaxet ya xbeene, ja'uc me to, ma x'ana' te banti ya xtale, soc ma x'ana' te banti ya xbajt'e. Jich c'oem spisilic te mach'atic ayinemic ta swenta te Espiritue —xi'.

Salmos 92:5

Cajwal, mero muq'uic ta jyalel te awat'ele; mero muc' te bitic ay ta awo'tane.

Romanos 11:33

¡Jelawen yutsil te sp'ijil yo'tan te Diose soc te bila snopoj ta yo'tane! Ma xju' ta na'el stojol cu'untic te bila xchapoj ta yo'tan soc te bila ya spase.

Isaías 40:28

¿Yu'un bal ma x'ana'? ¿Ma bal awaiyojuc stojol? Te Cajwaltique, ja' te Dios te sbajt'el q'uinal aye, ja' te la xchicnantes spamal te balumilale, ma'yuc bay ya xcom yo'tan soc ma xlub; te bitic sna'oje, bajt' nax ta jyalel.

Salmos 104:24

Cajwal, ma p'isbiluc nax te bitic apasoje. Ta spisilic la apas soc sp'ijil awo'tan; nojelic ta balumilal spisil te bitic la achicnantese.

Eclesiastés 7:24

Ma xc'ot ta co'tan spisil bit'il aye; mero chujc'ul ta na'el, ma'yuc mach'a ya xc'ot ta yo'tan.

Salmos 40:5

Cajwal, Dios cu'un, mero bayal bitic jelawen yutsil apasoj, ya ana'bon yo'bolil jba soc ayon ta awo'tan. Ma'yuc mach'a pajalat soc. Co'tanuc ya calbey sc'oplal ta alel te bitic apasoje, co'tanuc ya xc'opojon ta yalel, pero ma xju' cu'un sna'el spisil, c'axem jich a te bit'il ya xju' cu'un yalel.

Job 38:4

¿Banti ayat a te c'alal la jpas te lumq'uinale? Albon me caiy jiche, teme mero melel te bayal bitic ana'oje.

Job 37:23

Ma xju' cu'untic sna'el te Mach'a Spisil ya xju' yu'une, melel mero muc' ta jc'axel te yu'ele, soc mero toj te bila ya spas stuquel; mero lec bi ya spas, ma'yuc mach'a ya yac'bey swocol.

Job 5:9

ja' ya spas bayal bitic muq'uic te jchajp ta ilel stuquel, ma'yuc mach'a mero ya xc'ot ta yo'tan te bitic ya spase.

Eclesiastés 1:6

Te iq'ue ya xujch'iyot bael ta sur, ora ya sujt' xan bael ta norte. Ya sujt' xan tel te iq'ue, soc ya xcha'sujt' xan bael.

Eclesiastés 1:13

Soc sp'ijil co'tan la cat'elin yilel soc snopel spisil te bitic ya yich' pasel ta balumilal. Ja' jich ay te bit'il Dios yac'ojbey yijc'ats te winiquetic, swenta yu'un ya yac' bic'tajuc ta stojol.

Eclesiastés 3:10

La jna'ix te ijc'atsil ya x'ac'bot scuch yu'un te Diose, swenta yu'un ya yac' bic'tajuc a.

Eclesiastés 3:11

Te bi ora jich la sc'ane, spisil t'ujbil la spas. La yac'bey sna' ta yo'tan te ants-winiquetic te bitic swenta sbajt'el q'uinal, manchuc me ma xju' yu'unic sna'el te smuc'ul sjamalul te bila spasoj te Diose, soc te bitic ya to spas baele.

Eclesiastés 11:4

Te mach'a ja' ya yil te bi ya spas te iq'ue, ma ba ya yaiy ts'unbajel; soc te mach'a ja' ya yil te tocaletique, ma ba ya stsobey sit te sts'unube.