Eclesiastés 11:10 - Bible in Tzeltal de Oxchuc y Tenejapa

¹⁰ Loq'uesa ta ajol te bitic ya yac' mel-o'tane, soc ch'oja loq'uel te chujc'ul c'opetique. Melel te yutsilal te ach'iele, c'axel nax ay, mero tojol ta jyalel.

Bible in Tzeltal Bachajón

¹⁰ Ha yu'un loq'uesa ta awo'tan te ilimba soc loq'uesa ta atojol te bin chopole, como te awach'ix-queremil tojol nax.

Eclesiastés 11:10 Referans Kwoze

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

2 Timoteo 2:22

Ma me xac'ain spasel te bila amen ya smulanic spasel te jch'ieletique. Ja' me xbajt' ta awo'tan te toj ya x'ainate, soc te ayuc lec xch'uunjel awo'tan soc xc'uxul awo'tan, soc te lamaluc q'uinal awu'un. Joina te mach'atic lec yo'tanic te ya yalbeyic wocol te Cajwaltique.

Eclesiastés 12:1

Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

Eclesiastés 1:14

Ju' cu'un sna'el ta lec spisil bitic ya yich' pasel ta balumilal, mero tojol ta jyalel, ja' pajal soc te ya jc'antic ya jtsactic te iq'ue.

Salmos 39:5

Mero com te jcuxlejal awac'ojbone; mero jxujt' c'oem ta atojol te jcuxlejale. Melel spisil ants-winiquetic jich nax c'oem xcuxlejalic te bit'il jic'-o'tanile.

Job 20:11

Mero tulan winic to me a, soc querem to me a te ya xco bael ta muquenal ch'en.

Job 13:26

Mero xc'uxul xch'aal leel ta mulil ay awu'un ta jtojol; ya awich'bon ta wenta te faltaetic cu'un c'alal to ta jqueremil.

Salmos 25:7

Ja'uc me to, ma me x'ana'bonix te muliletic cu'une, ma me x'ana'bonix te bitic amen la jpas ta calalil toe. Cajwal, na'awon ta swenta smuc'ul xc'uxul awo'tan soc te yutsil te awo'tane.

Proverbios 22:15

Te bol-o'tanil, ja' ay to ta yo'tanic te alaletique; pero ya xjil yu'un te c'alal ya yich' tulan tojtesel ta majel.

Job 11:12

Te bi c'aalil ya xyanaj te ja'mal burroe, ja' to me ya sna' q'uinal a te bol-o'tan winique.

Salmos 39:6

Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.