Eclesiastés 11:1 - Bible in Tzeltal de Oxchuc y Tenejapa

¹ Ac'a bael ta ja' te awaje, ta patil ya me ata xan.

Bible in Tzeltal Bachajón

¹ Ac'a bahel ta ha' te pan awu'un, bayel c'ahc'al ta patil ya me ata yan buelta.

Eclesiastés 11:1 Referans Kwoze

Eclesiastés 11:6

Ts'una te ats'unub ta sabe, soc ts'una xan ta mal c'aal, melel ma xju' awu'un sna'el bay lec ya xc'ot, teme ja' lec ya xc'ot te neel la ats'une o ja' te patilix la ats'un, o teme lec ya xc'ot xchebalique.

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

San Mateo 10:42

Soc te mach'a ya yac'bey yuch' junuc tasa siquil ja' te mach'atic peq'uel sc'oplalic ta scaj te jnopojel cu'une, jamal ya calbeyex, ma xch'ay te smajt'an ya yich'e —xi' te Jesuse.

2 Corintios 9:6

Na'aic me in to: Te mach'a jteb nax ya yaiy awale, ja' nanix jich, jteb nax te bila ya sc'aje. Soc te mach'a bayal ya yaiy awale, ja' nanix jich, bayal ya sc'aj.

Isaías 32:20

te ja'exe bin nax me awo'tanic ta ainel. Ay me bayal ja' ya ya'lelin te awawal-ats'unub, soc lequil aquiltic swenta swe'elic te burro soc te j'at'el-wacaxe.

San Lucas 14:14

Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.

Isaías 32:8

Yan stuquel te mach'a lec sc'oplale ay nix muc' snopjibal yu'un a, te snopjibal te bila chapal yu'une ma xyanaj yu'un.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

Proverbios 22:9

Te mach'a soc yutsil yo'tan ya yil yan, ya me x'ac'bot bendición ta swenta bit'il ya yac'bey swe'el te me'baetique.

Proverbios 11:18

Te mach'a amen ya x'at'ej, ya slo'laybey staq'uin yajwal; yan te mach'a toj ya x'at'eje, jun yo'tan ya yich' stojol stuquel.

San Mateo 10:13

Teme lec yo'tanic te yajwal nae, lamal q'uinal ya yaiyic ya xc'ot. Yan teme ma lecuc yo'tanique, ja' ya me sujt' ta awentaic te lamal q'uinale.

2 Samuel 17:29

chab, mantequilla, queso yu'un wacax soc yu'un chij, swenta yu'un ya swe' te David soc te swinictac joinbil yu'une. Melel la yal ta yo'tanic: “Te bit'il yacalic ta talel ta jochol taquin q'uinal, lubenic wan, ayic wan ta wi'nal soc taquinti'il”, xiic.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

Eclesiastés 3:6

Ay yorail ta leel, soc ay yorail ta ch'ayel. Ay yorail ta q'uejel, soc ay yorail ta ch'ojel.

San Mateo 25:17

Ja' nanix jich uuc te mach'a la yich' cheb talento-taq'uine, jolon cheb talento yu'un uuc.