Eclesiastés 10:16 - Bible in Tzeltal de Oxchuc y Tenejapa

¹⁶ Ay me swocol te nación teme ch'in querem ochem ta muc' ajwalil yu'une, soc teme yacal ta pas-q'uin a ya sacub q'uinal yu'un te ajwaliletique.

Bible in Tzeltal Bachajón

¹⁶ ¡Ay awocol, ha'at nación, teme querem te ajwalil awu'un, soc teme te príncipaletic awu'un ya xhahch spasic q'uin ta sahb!

Eclesiastés 10:16 Referans Kwoze

Isaías 3:12

Jtul ch'in querem te ya xmandalaj ta uts'inwanej ta stojol te lum cu'une; te mandalteswanej ta stojolic ay ta sc'abic antsetic. Lum cu'un, te j'ic'wanejetic awu'un ya slo'layex, ya sjowtesex ta be.

2 Crónicas 13:7

Ay winiquetic la sjoin sba soc te bol yo'tanique, la stoybac'optayic te Roboam te snich'an Salomón. Yu'un querem to a te ma la sna' snopel te bi ya spase, jich ma ju' yu'un ta situybel sba soc.

2 Crónicas 36:9

Te Joaquín ay waxaclajuneb ya'wilal a te c'alal jajch' ta at'el ta muc' ajwalil, mandalaj ta ajwalil ta Jerusalén oxeb u soc lajuneb c'aal. Ja'uc me to, te yat'ele mero ma lecuc ta sit te Cajwaltique.

2 Crónicas 36:5

Te Joacim ay jo'eb xcha'winic (25) ya'wilal te c'alal jajch' ta at'el ta muc' ajwalil, at'ej ta ajwalil ta Jerusalén bulucheb ja'wil. Ja'uc me to, te yat'ele ma lecuc ta sit te Cajwaltic te Dios yu'une.

2 Crónicas 36:2

Te Joacaz ay oxeb xcha'winic (23) ya'wilal a te c'alal jajch' ta at'el ta muc' ajwalil. At'ej ta ajwalil ta Jerusalén oxeb u.

2 Crónicas 36:11

Te Sedequías ay jun xcha'winic (21) ya'wilal a te c'alal jajch' ta at'el ta muc' ajwalil, at'ej ta ajwalil bulucheb ja'wil ta Jerusalén.

Proverbios 28:16

Te ajwalil te ma p'ijuc yo'tan, ya xtoy uts'inwanej yu'un; yan te ajwalil te ma jbic'tal-o'tanuque, najt' me xcuxlejal stuquel.

Eclesiastés 10:15

Te mach'atic ma sna'ic q'uinale, bayal ya smil sbaic ta at'el; jich ma sna'ic te banti ay sbelal te lume.

1 Reyes 12:11

Teme la yac'beyex buen al ijc'atsil c'oeme, te jo'on mero c'axem to xan jich yalal ya cac'beyex. Teme la smajex ta nujc'ule, te jo'one ya jmajex ta najt'il ts'otbil nujc'ul te ay staq'uinal sni'il”, uta me —xiic te ch'iel winiquetique.